زيوت للشعر.. مجربة!

صدقوني.. جربتها وجابت نتيجة ولا أروع

شعري من فترة الدراسة تقصف وصار يتساقط بشكل رهيب!! لدرجة اني أبكي عليه من كثر ما يتساقط
لونه باهت ومقصف وضعيف وايد

مرة قريت عن هالخلطة وجربتها وجابت نتيجة

عبارة عن زجاجة زيت بارشوت بجوز الهند ( الأزرق) وتحطي فيه ملعقتين طعام حلبة مطحونة

وتخليه ينقع فيه لمدة أسبوعين بس بين فترة والثانية ترجي الزجاجة

بعدها تستعمليه على شعرج تدهنيه عادي وتخليه فترة ما تقل عن ساعتين .. ويكون افضل لو تنامي فيه

بعدها تغسلي شعرج عادي بالشامبو مرتين زين ما زين وتروح ريحته

ووالله شعري رجع مثل ما كان.. ظليت استخدمه لين خلصت الزجاجة مرة وحدة في الأسبوع تقريباً لمدة شهرين أو شهر وشوي.. بعدها مليت منه لأن يقيدني وانا ما احب انام فيه بسبب ريحته
بس والله يجيب نتيجة

------------

حالياً استخدم زيت Nile يبيعوه في السوبر ماركتات الكبيرة! شفته الزجاجة صغيرة وداخلها نوع العمود أو العود مليء بالأعشاب.. يعني ظاهر وكأن الأعشاب ناقعة فيه.. لونه أصفر الزيت والزجاجة شفافة والغطاء مالها أخضر.

في شامبو بنفس الماركة.. شامبو عشبي ممتاز وسعره ممتاز ورخيص

نصحتني فيه خبيرة في صالون .. وجربت استخدمه.. وشعري ما شاء الله ما بحسد روحي
قل تساقطه وصار غليظ.. والأماكن اللي بديت أفقد فيها شعر بغزارة بدا ينمو فيها الشعر :D

ما زلت استخدمه.. ريحته أفضل بكثير من الحلبة.. بس هذا ما يمنع ان فيه ريحة :D

بس والله الخلطتين ممتازين

وحتى شامبو نايل بعد ممتاز واستخدمه

جربوا وما راح تندموا :D