هل انتي اول عروس بمنزلك ؟؟

عندي موضوع احب ان كل البنات يشاركوني فيه .. واتمنى ان ما تكون فكرة الموضوع مكررة .

هل انتي اول عروس في بيتكم ؟؟ يعني هل انتي اول وحده من خواتج تنخطب وتتزوج ؟ شنو كانت ردة فعل بيتكم على خطبتج ؟؟ وشنو صار في بيتكم في ايام زواجك " الايام الاولى لتركك بيت والدك والانتقال لعش الزوجية " ؟ واذا عندج طفل شلون استقبلوه بيتكم ؟؟


ببتدي انا وبتكلم عن نفسي ..

انا اكبر وحده في اخواني واخواتي كلهم " البكر " ، وطبعا موضوع خطوبتي كان فرح البيت كله وصاروا يدلعوني اكثر خخخخخخخخخ ، وزوجي بما انه اول زوج بنت عندهم صار العزيز الغالي واصلا ابوي مو كبير وايد وصاير ما في فرق كبير بين ابوي وزوجي " حوالي 15 سنة بس " ، بالنسبة لايام زواجي انا تزوجت ايام دراسه يعني مو في اجازة وعلى رغم من فرح البيت لي الا انهم افتقدوني وصار مكاني بينهم فارغ .. حتى ابوي عقب زواجي بيومين راح يصحي خواتي لصلاة الصبح وشاف سريري فارغ راح قال لامي رحت اقعد البنات للصلاة وشفت سرير " ماما حسون " فارغ حسيت اني دموعي بتنزل .. طبعا انا للحين دلوعة امي وابوي لان للحين انا الوحيدة المتزوجه في البيت وصايرة محور اهتمامهم كلهم .. امي وابوي وخواتي واخواني وحتى الخدامه هههههههههه
اما بالنسبة لحملي وولادتي طبعا ايام حملي اهتموا فيني البيت عددددل واتذكر ان ابوي كان على طول يشتري سفرجل عشاني عشان اذا رحت بيت ابوي آكل " يحليله ابوي كأن ما عندي في البيت اكل " وكانت امي تهتم فيني ولا تسوين كذا ولا تشيلين كذا ووو ........ الخ
وكان ابوي كل يقول مسكينه " ماما حسون " حملت بسرعه بعدها صغيرة .. يا ريت لو انتظرت شوي انا للحين اتذكر يوم ولدتينها وما اتخيل ان هالياهله كبرت وتزوجت وهي الحين حامل مع العلم اني يوم احمل كان عمري 19 سنة ..
وفي ولادتي صار الدلع الزييييين يدلعوني انا وولدي وكل حواليني حتى امي وابوي يجون يقعدون معاي ع السرير ومعاهم اخواني وخواتي يدلعوني ويدلعون ولدي ويلاعبونه وامي طبعا ما قصرت في الاكل .. شايلة صينية اكل وحاطة صينية ثانية .. خلتني آكل في اليوم حوالي 7 - 8 وجبات ، وهي وابوي ما خلوني المس ولدي الا لما قريب بيكمل الشهر ما يرضون ابدل حفاضته ولا اسبحه ولا حتى البسه ثيابه .. كأنه مو ولدي وكل خايفين عليه .. واذا قمت من ع السرير تعصب علي وتقولي روحي ريحي ، انتي للحين تعبانه ووو....، واخواني كانوا ما يرضون يروحون مدارسهم عشان يبون يقعدون مع ولدي .. واذا هم في البيت يتريونه بس يقعد ويركضووون عليه عشان يشيلونه .. ما في الا امي وابوي كل شوي يزقرونهم عشان ما يشيلونه ويعورونه او يطيحونه .. واذا كانوا في مدارسهم اول ما يوصلون البيت ركيييض على ولدي يبون ياخدونه .. مو بس هم حتى ابوي من يرجع من الشغل يسأل عن ولدي ههههههههههههه

ذكريات والله ..

من جبت ولدي للحين صايرة احس لما اروح بيت ابوي ان ولدي مثل اخوي .. وان امي وابوي هم امه وابوه .. الله يخليهم ان شا الله



وانتوااااااااااااااااا ؟؟؟

شنو ذكرياتكم ؟؟؟؟؟؟؟؟؟؟