محتاجتلكم ضروووري...ما هي إحتياجات المكتبة من قرطاسية و وسائل تعليمية ؟

شوفي الغالية نصيحتي لج انج تلفين على المكاتب اللي عندكم وتشوفين اكثر شئ مطلوب ومتوفر.....
وتحاولين توفرين مثله او احسن علشان التميز.............
بعدين لازم ترتبين كل شئ حسب الميزانيه يعني مو تشترين اي شئ بلا العوده للميزانيه الرئيسيه
وطبعا في البدايه حاولي تجيبين الاساسيات ..

.يعني دفاتر باحجام مختلفة ... اقلام طبعا اختاري افضل الانواع وفي نفس الوقت اشتري من الرخيص
علشان يكون هناك تفاوت جيد في الاسعار ........

شنط ........ متطلبات المدارس بشكل عاااااااااااااام........... حاولي تدشين على النت وتشوفين الجديد
دايم بالنسبه للشنط .........ودايما لاتجيبين الا الشنط مالت الجر نصيحه لج....... وكم بسيط لشنط الكتف لبنات
الاعداديه والثانويه............ وطبعا هذا دايما اللي اشوفه ماشئ والباقي من الانواع ياكثرها على رفوف المكاتب

حاولي توفرين دفاتر جامعيه حلووه .. وممكن الغاليات انتي بعد تضيفين عليها حركات او تخلين حد من الاخوات
في المنتدى يساعدك مثل الاخت complex1664
على فكره عندها اشياء وايد حلووه واكيد سعر الجمله بيكون غير ........... شوفي لان بنات الجامعات والكليات
يحبن يدلعن شوي ......... وممكن حتى تغلفينهن بقماش الماركات واكيد بيطيرن طياره....

اممم... بعد لازم توفر كل مستلزمات الوسائل التعليميه يعني حسب الميزانيه...........
حاولي توفرين اشياء المكاتب ( الدباسه \ الاحبار \ .............. الخ )

وطبعا الاهم هو مكينة الطباعة للتصوير ولتكبير الوسائل وغيرها تراها وايد ماشيه
وعندج في الشارقه في الصناعية وين يبيعون الادوات الاكترونيه بالرخص اسعار رووعه ورخيصه
لهالاشياء.............

وشوفي الغالية مب شرط تبدين بكل هالاشياء مره وحده ابدي شوي شوي .........بس بشرط التميز
يعني خلي بضايعك مهما كانت قلتها تكون مميزه علشان السمعه الحلووه


والله يوفقج ان شاء الله ويسر لك كل امورج

مشكورة حبيبتي روان 2005
افدتيني وااااااااااااااااااااااااايد والله يوفقج

عيوني حاولي تركزين على الاغراض الازمه لعمل الهدايا ..

مثل ورق هدايا

صناديق

كرووووت

اكياس حلوه

ممكن اوفر لج الاكياس الصغيره ..وبالوان متعدده .. اللي تكون مصنووعه من قمااش

وتتسكر من فوق ..

مكتبه جرير تبيعها ..

مادري عرفتيها او لا ..

خلي بالج من المنافسه اللي موجوده في السوق من قبل

مكتبة دبي للتوزيع << توفر كل شي

الجمعيات << الدفاتر بأرخص الاسعار

لايف ستايل << الدفاتر الحلوه و الست الكامل المكون من كل شي دفتر و مقلمه و شنطه و اقلام كل شي متشابه

سؤال تسألينه نفسج؟


شو هو الشي المختلف اللي بوفره للناس غير عن هالموسسات اللي في السوق قبلي؟ ديزاينات احلى؟ اسعار ارخص؟


سؤال ثاني تسألينه نفسج؟ شو هو الشي اللي عندج بيجذب المتسوقين لج؟ و بيخليهم يتركون المحلات اللي يتعاملون وياها من قبل عشان يتعاملون وياج

او اذا فتحتي في مكان بعيد عن المنافسه بتكون لج فرصه كبيره للنجاح

واهم شيء الموقع لانه يلعب دوور مهم

وبالتوفيق اختي

الله يوفقج أختي

وأهم شي مثل ماقاللن الأخوات موقع المكتبه وين

وعشان أنا معلمة أشوف المكتبة اللي تتعامل مع المدرسة تكسب وااااااايد


فحاولي تكون أسعارج مناسبة في بداية العرض ومميزه

حاولي بقدر الإمكان عدم التقليد في البضائع ،،،، وشوفي احتياجات المعلمين والطلاب لأنهم

هم الزيائن الدائمه والمستهلك الأكبر للمكتبه .............

خلي أسعارج مناسبة ومغرية للمدرسة الللي تتعاملين معاها ....( أسعار خاصه )

والله يوفقج

فديتكم والله وأشكركم على هالنصائح
صراحه لم قريت ردودكم تميت أدمع من الفرحه لاني افتكرت
ان ما في حد بيرد على او بيساعدني
لانكم فرحتوني الله يفرحكم ويغفر لكم دنيا وآخره
قولوا آميييييييييييييييييييييين