كانت علاقتي سيئه معاها والحين الطين زاد بله

RoOoOmy_M:
شوفي اختي بغض النظر عن اللي سوته الوالدة وهي اكيد شايفة شلون هالبنت ضرتك كثير

انتي لازم توقفيها عند حدها واذا هي ما بتسمع منك اشتكيها للي اكبر منها ... شنو يعني تشوه سمعتك وانتي تسكتين عنها ... لا تخافي منها وخلك واثقة من نفسك الخوف انها تشوفك ساكتة وتزيد في مشاكلها وتفتري عليك

انتي ما غلطتي عليها حسب كلامك فهي ليش تستمر بأذيتك حتى بعد ما نقلتي ؟؟

qshark:
الله يعينج والله اختي بس انا اقول يمكن امج لهاااا وجهة نظر ثانيه انهااا يعني ماتحب حد يغلط على بنتهاااا وما ترضى عليج وكانت محتره على البنت من قبل خصوصا بسبب نقلج ويمكن الحين حبت تسوي هالشيء علشان تبين لهاااا انهاااا ماترضى على بنتهااااا

ويمكن امج تحب تبين لهااااا بعد انج مش محتاااجه لهاااا بولا شيء من هالقبيل

انااا افضل انج تستكتين عن السالفه لين تهدى وتشوفين ردت فعل البنت وبعدين تكون فرصه تتفاهمين معاااهااا خصوصا انكم الحين مش في ادارة وحده

واتمنى من الله يوفقج

على فكره مشكلتج تقريبا نفس مشكلتي بس انا رحت وتصالحت معاااهااا بس ماكان فيهااا هديه ولا شيء


والله يوفقج

bluebill:
هلا أختي! المشكله ان هي لها تأثير على المحيطين في عملك وهذي النوعيه عادي عندهم يظلموا غيرهم. انا بصراحه مريت بنفس المشكله كان عندي مدير كله ما يطيقني ويخاف آخذ مكانه لين ما طفح الكيل وطلبت نقلي لقسم ثاني. بس الله يسامحه كتب فيني تقرير كلش مو شي وهذا اثر على علاوتي. المهم أحسن حل تطنشي الموضوع وكأن الوالده ما سوت شي وان انتي ما عارفه شي. يعني قصدي يوم بتشوفيها كلميها عادي كأن ما مستوي شي. وحاولي تتجنبيها بقدر المستطاع.

ولاتنسي تدعي هذا الدعاء" اللهم اني أجعلك في نحرها وأعوذ بك من شرها"

والله يحفظك.

Runaway Bride:


يعني تحاتين رد فعلها عقب اللي
سوته فيج من كلام عن شرفج
ونقلج من قسمج؟

خليها توليييييييييييي

بصراحة أنا أأيد اللي سوته أمج
هالانسانه ممكن تمن عليج بالهدية بعدين
خصوصا انها هدية ياييه من قفا خاطرها

لا تتوقعين انها ممكن تعتدل وياج حتى لو
امج ما سوت اللي سوته....صدقيني اختي
اللي ضميره خايس ما بيغيره شي....

ماعليج منها ومن لسانها....واثق الخطوة يمشي ملكا

ومهما رمست الناس ما بيصدقونها دوم، خصوصا انها
مب رايمه تحصل تأكيد ودليل لكلامها

حصني عمرج بالدعاء والقرآن وطنشيها على قد ما
تقدرين...........والله يحميج

شمس أبوظبي:
الوالدة مقهورة منها وعندها حق.. بس مب لازم كانت تسوي هالحركة إلحين هالبن بتقول قصص عليك الله يعنيك..
انتي عادي خليك ولا تسوين سالفة للموضوع وإذا صار وتلاسنت معاك او كلمتك قولي لها انا ما اعرف وحدة بالاسم هذا ولا تتواجهين معها وإذا حاولت تسوي شيء عامليها احسن معاملة يمكن تستحي على نفسها

حلوووة البحرينية:
الله يكون في عونك يا الغالية

بصراحة أنا جربت مثل هذه النوعية من البشر حاقد يحب نفسه ويحسدك على كل شي عندك .. صرت مع وحده الله يكفي ناس شرها ... ما أرتاحت إلا يوم نقلوني مكان ثاني فرع في منطقة ثانية ... ورغم أني في فرع وهي في فرع ثاني وعرفت أن رقوني في وظيفتي ... غارت وما أرتاحت إلا لم قدمت أستقالتي ...

أحسن وأفضل حل لك أنك تطنشيها ... ولا تخليها تخرب عليك سمعتك ... وأهم شي أنك تثبتي وجودك في شغل ... والي سوته الوالدة طنشي عنه وكأنه ما صار ...

ام حتومه:
Noor1979


اختى الغاليه صدقينىاول ماقريت مشكلتك فكرت على طول بنفس الحل الى سوته امك طيب

فيه ناس الله يكفانا شرهم كذا سبحان الله غريبه اطباعهم بس انتى ولاكان شى صاير امك الله يخليها لك ماقصرت وبعدين انتى ماشاء الله عليك ماتوصين خليك قويه بطريقتك في الشغل ولاكانها موجوده ماكان تشوفيها وخليك عاليه بااخلاقك هذى حفظك ربى ورعاكى بطريقه شغلك ومع زملاءك في العمل لانها لو تتكلم الى بكره ماراح يصدقونها لان الشمس ماحد يسد نورها بيده



وخليك قويه ماتتنازلين عن حقك واكيد صدقينى بعد هذا كله اتحداها تسوى شى

ادعى الله دائما انه يسر امورك كلها وتنقلين من عندها الله يكفيك شرها تقبلى ارق تحيه ايه نسيت الف مبروك الزواج

وطن:
اختي الله يعينج الصراحة

ذكرتيني بمشكلتي اللي الحمدلله متخلصه منها حاليا

رئيس قسمي كان جلف وايد وحاط دوبه ودوبي لاني بنت
ولاني القطريه الوحيده في القسم يعني ممكن شوي واخذ مكانه منه

يعاملني باسلوب خايس وايد ودفش
يعني الرياييل يتحملون منه او يردون عليه
وانا عشان بنت ساكته وما ارد عليه محترمته
احيان وايد اطلع من مكتبه مخنوقه وشوي وببكي وانقهر وايد من اسلوبه الخايس
المشكله هو عباله دمه خفيف .. بس للاسف العكس صحيح واحيانا يكون جارح
وكنت اشتكي للموظفين من اسلوبه اللي معاي ومايصدقوني واحيانا وايد يقولون ليش حاط دوبه ودوبج !!!
وحتى مايعطيني شغل
تخيلي سنتين ونص
قاعده حاطه ايدي على خدي واذا جاني شغل يكون بسيط جدا
ومجابله النت طول النهار واذا طلعت مايعجبه !!!!

المهم طلبت نقل رحت حق مدير الاداره دايركت ولا كلمت حد من اللي تحته
لان المدير يعرف اهلي عدل
قلت له ابي نقل انا ما استفيد من قسمي وابي اروح مكان اتعلم فيه
المهم نقلني وبعدها بشهرين كان يبي يردني
قلت لهم مابي
وخالي كلم المدير قال له اسمع بجيبها لك من الاخر البنت مب مرتاحه مع فلان

حاول معاي المدير يوديني قسم ثاني وانا رفضت مع انه كان يبي يعطيني منصب بس مابغيت لاني مرتاحه مع رئيسي الحالي
طبعا ماوافقو الا لما قدمت استقالتي وكانت استقاله مسببه يعني فيها كل الاسباب اللي دفعتني للاستقاله
صارت مشاكل وايد بسبب هالموضوع والحمدلله انحلت
لازم تكونين قويه وان شاء الله بتاخذين حقج

الحين انا بالمكان اللي ابيه
وللعلم
رئيس قسمي السابق اللي شردت منه صارت بينه وبين وحده بالشغل مشكله واشتكت عليه
بعدها الموظفين صدقوني تدرين يقولون لي افتكرناج حساسه وايد وتتدلعين بس طلع صج

وكلمه مدير الاداره
واظن قال له انك مطفش "وطن" من الادارة
الحين هو متخذ مني موقف واذا شافني في مكان ياخذ الطريق الثاني
هاهاهاهاهاها

طولت عليج
بس حبيت اقول لج قصتي

الخلاصه منها
كوني قوية واعرفي شنو حقوقج وواجباتج

بهالطريقه بتوصلين للي تبينه :)


والله يوفقج ان شاء الله

اسمحي لي ع الاطالة
بس قصتج وايد ذكرتني بمأساتي