القريه العالميه...

مرحبا اختي
حبيت اقولج ان القريه مافيها شئ يستحق تتعنين علشان تشترينه
بس هى حلوة وايد للتمشى اذا معاج صحبه حلوة راح تحسين الوقت يطوف بدون ماتحسين
وعن الاشيا اللي تنباع كلها غاليه اغلبها اشيا عاديه تلاقينها برا والاشيا اللي مش موجوده اسعار خياليه بالسبه لي طبعا وووسلامتج :)

هلا اختي انا سرت القريه الكويتيه واشتريت طاسه للكريم كرميل اللي بالبيض اي بالبخار يستوي اللي بالفرن واااااااااااااااااااااايد حلوه الوسط 50 درهم وعندهم نفس التيفال مدوره وفيها قاعده في النص لشوي الدجاج وهي واقفه في الفرن بعد روعه

وعندهم بعد في القريه الكويتيه مكدوس مفروم باجبن وجربي اللي بطعم البيتزا روعه الغرشه 25 درهم

مثل ما قالت ساميتو..

ما فيها شي كثيير.. وأغلبيه الاشياء غالية..

لكن انا اخذت جدور الكيك من القريه الكويتيه..

واكيييييييييد الآجاار من القريه البحرينيه...

وأغلب الاوقات اسيره عسب اللعب :-)

مرحبا


القريه الكويتيه فيها بدلات حلوه

بالنسبة لي القرية وايد حلوة

القرية السعودية فيها تمر اسمه السلاطين وايد حلو

والقرية الايرانية الحب الشمسي عجييييييييب

وفي القرية التايلندية الربيان المقلي روووووووووعة حتى الاناناس مالهم وايد حلو

مرحباا خواتى
والله استغرب منكن حتى الاناناس ماكلينه هناك ههههههههههههههه
انا الصراحه اروح اطالع مافكر اتذوق شئ هناك وسبحان الله كلن له طريقته بس والله عرفت منكن اشيا وافكار ممكن اروح اجربها اسير واطالع واتذوق:) اناناس وروبيان لالالاروبيان ماعتقد
بس مشكورين على مشاركاتكم الحلوة

خذي لج لفه هناك وبتستانسين ..

أغراضهم وايد حلوه :)

العطورات والدخون شي حلو ومن البنانية شارية زعتر لبناني مع دبس الرمان واكسسوارات القرية المصرية في اشياء حلوة

جربواااااااااااااااااااااااااااااااااااااااا عصير الرمان الطازج رهيب

أنا بصراحة للحين ماسرت القرية ،،، بس ناوية أسير يوم الخميس ،،،

بغيت أسل شيء ها المرة أغراض للبيبي حلوة

مرحبا خواتي العروسات....

الصراحه القريه فيها اشياء روعه للبيت...انا عن نفسي ماخليت شي ما شريته...من اكسسوارات وكوشنات ومفارش للطاوله الاورجنزا والمخمل.....هذا فالقريه الهنديه....وخذت الصندوق اللي يغطي ستاره عندج قصدي الستاره اللي تنحط من غير دريشه يعني للاكسسوار باللون الذهبي الصراحه يوم حطيتها صار المكان ملكي...كلن تخبل عليها.. هذا فالقريه الصينيه وفيه منها باللون البني...
الصراحه فيها اشياء روعه اذا بدورين.....وعقب بكمللكن شو خذيت... وتحياتي....