سؤال بعد كم شهر حملتي بعد ما نزعتي الولب وخاصة اللولب الهرموني؟؟؟؟؟

ان شاء الله الخوات يفيدنج..لاني ماجربت اللولب..

هلا أختي أنا كنت أستخدم الواقي لمدة سنة ونصف بعد زواجي لأني كنت ادرس وعلى وشك التخرج
وبعد ماتركته بــ 7 شهور حملت بس أجهضت
لكن بعد الإجهاض كان حملي أسرع من المرة الأولى،،يعني حملت بعد 3 شهور ماطوّلت زي قبل
بس أنا سمعت ان اللي تستخدم الواقي ممكن ماتحمل مباشرة بعد ماتتركه،،يعني مثل حالتي تظل فترة شوي على مايتعوّد جسمها
بالنسبة للواقي أنا عن نفسي عمل لي جفاف شوي في فترة من الفترات والتهابات لأن بشرتي حساسة بس تعالجت منها بسرعة

شوفي اختي سواء كان المانع لولب او حبوب اي شي هرموني يعني .. اكيد يعطي مناعة بعد تركه ويعتمد على جسم كل وحدة ... ومافيه مدة معينة تنطبق على الكل
بس الموانع الثانية مثل العازل والقذف الخارجي ما تأخر الحمل بعد تركها ولو تأخر بيكون من الجسم مو من المانع

اكيد اللي نطبق عليك ما ينطبق على غيرك

شكرا على مرورك أختي العهد
أختي أم جواد ممكن أتوضحي لي شو هو الواقي هل قصدك اللولب ولا الواقي الذكري؟

اختي رومي كلامك صحيح أي شي هرموني الجسم يحتاج له وقت لحد ما يطرده من الجسم بس من فوائد اللولب الهرموني أن الحمل يحدث مباشرة بعد نزعه أنا قريت النشرة اللي تجي معاه بس هل وحده من البنات جربت وتقدر تقول لنا شو حصل معاها بعد ما أزالت اللولب .

أختي تركت اللولب الهرموني من أربع أشهر وهي إلحين حامل واستخدمت اللولب لمدة ثلاث سنوات تقريبا ، وجارتي استخدمت اللولب العادي لمدة خمس سنوات وحملت بعد ترك اللولب بشهرين

والله يوفق الجميع




روينا

هلا ريحانة أنا أقصد الواقي الذكري

صحيح يكتبون ان الحمل يتم مباشرة ... تصدقين حتى حبوب منع الحمل خاصة الخفيفة الهرمون يقولون الوحدة تحمل على طول بعد تركها ... بس مستحيل بالعقل تنفهم هرمون يدخل الجسم كم سنة معقولة تحمل الوحدة بعد تركه بشهر !! الا اذا كانت خصوبتها ما شاء الله عالية هذا اكيد غير

طبيعة الجسم والخصوبة والهرمونات هي اللي تحكم على الفترة

مررررررحبا

أنا جربت اللولب العادي والحمدالله أول ما اشيله أحمل
لكن كان يلعوزني مع الدورة تكون غزيرة وتاخذ مدة أطول تقريبا عشرة أيام

شكرا لكي أختي روينا
أم جواد الواقي الذكري ماله دخل في الحرمه صحيح أنه له دور في منع الحمل بس أنا كنت أقصد المانع اللي تستخدمة الحرمة لنفسها بس ما ادري احس الواقي ما يخلي الزوجين مرتاحين له .
اختي رومي وجهة نظرك مثل وجهة نظري بالضبط فعشان كذا احب أطمن وأخذ معلومات من الخوات المجربات لأن اكيد الدكاترة والنشرات أتقول وتقول بس لما تسالي الشخص المجرب أكيد بعد له فايده

ماشاء الله عليك اختي نور الصبح يعني أنتي مركبتنه أكثر من مرة طيب شو هي الفترة الزمنية بين تركيب لولب ولولب أخر؟

أتمنى بعد تفاعل أكثر من الأخوات اللي مستخدمات موانع عشان نستفيد من تجربتهن.

ان شاء الله الخوات يفيدنج..لاني ماجربت اللولب

والبنات ما قصروا

أختي ريحانة القلوب
الصراحة أنا أشوف أن اللولب العادي أحسن من الهرموني لأنه مايأثر في الهرمونات فياخر الحمل

مره شلت اللولب لأنه تحرك من مكانه وبعد شهر ركبت واحد ثاني

سلااااام

[frame="1 80"]أمممممممممممممممم


بصراحة عنوان موضوعج شدني ، يالغالية أنا ركبت لولب لمدة 4 سنوات وشلته العام الماضي شهر مايو .. لين الحين ما حملت ولله الحمد وكل شي بإيد رب العالمين ، الظاهر حبيبتي عطاني مانع لأنه هرموني علما بأن الطبيبة خبرتني إنه بعد ما تشيلينه راح تحملين .. وأنا ما تشجعت وسويته إلا لما شفت ربيعتي سوته وأول ما شالته ما شاء الله حملت على طووول من أول شهر يا حليلها ، بس السالفة يا قلبي هي إنه يعتمد على جسم كل وحدة مب شرط اللي صار معاها يصير معاي ..

رحت العيادة لنفس الطبيبة عشان أشيك الرحم وأمور أخرى خبرتني كل شي سليم عندي ولله الحمد يعني اللولب ما عمل لي إلتصاقات في الرحم مثل ما يحصل عند البعض بسبب تركيب اللولب بعد إزالته مما يؤدي إلى تأخر الحمل ، بس السالفة وما فيها ( الهرمونات ) ، علماً بأني لما ركبته كان كل شي تمام والحمد لله ولا كان عندي أي مشاكل تذكر ..

تحيتي لج والله يرزقنا الحمل إن شاء الله .[/frame]

تشكري أختي نور الصباح عالتوضيح

أختي أم المهند والله أحترنا حد يقول لنا الهرموني أو ما أتشيليه تحملي وحد كذا مثلك .

يعني بصراحة أنا الحين امركبة لولب هرموني مارينا وأريد أشيله على شهر 9 يعني إذا الله أراد أريد أحمل وعمر ولدي قريب الثلاث سنوات فخايفة أتاخر كل هالمدة وياثر على هرموناتي وخايفة أشيلة الحين وأحمل على طول وانا صراحة مو مستعده حاليا هو لو جى حياه الله بس أريد أرتب أموري شوي لآني أمرأه عامله .

ريحانة القلوب:
تشكري أختي نور الصباح عالتوضيح

أختي أم المهند والله أحترنا حد يقول لنا الهرموني أو ما أتشيليه تحملي وحد كذا مثلك .

يعني بصراحة أنا الحين امركبة لولب هرموني مارينا وأريد أشيله على شهر 9 يعني إذا الله أراد أريد أحمل وعمر ولدي قريب الثلاث سنوات فخايفة أتاخر كل هالمدة وياثر على هرموناتي وخايفة أشيلة الحين وأحمل على طول وانا صراحة مو مستعده حاليا هو لو جى حياه الله بس أريد أرتب أموري شوي لآني أمرأه عامله .

يعتمد على الجسم حبيبتي مثل ما وضحن بعض الأخوات

وفعلاً حاسة في كلامج ، وحاسة في الحيرة اللي إنتي فيها

أقترح عليك شي وإنتي وراحتك في النهاية إذا تحبي تاخذي بيه ..

شوفي أختي أنتي شيليه الحين مب مشكلة ، وإتبعي وحدة من طرق المباعدة الأخرى اللي إنتي أكيد تعرفين عنها ( طبعاً مو الهرمونية مثل الحبوب والإبر ) ..

هاي راح يفيدج في إنك تعطين رحمك فرصة يستعيد وضعه الطبيعي بعد إزالة اللولب ، بحيث إنك إذا قررتي تحملين المرة الياية ، ما تتأخرين وااايد طبعا كل شي بإيد ربك في ا لنهاية ..

شو رايك ؟؟؟

أبتعدوا عن اللولب وحبوب المنع والابر ... وخلوا المنع طبيعي أحسن

والعيال نعمه من الله ... يعني لو وحده حملت من دون ما تكون عامله احساب شراتي يعني .. بتتضايق شويه بس بعدين بترضى بالي الله كاتبنه..

ونعم بالله أختي عجيبة الأطفال نعمة ورزق من الله تعالى بس كل شي بوقته حلو وفي أسباب أتخلي الوحدة تضطر انها تستخدم موانع ولا تفتكري أحنا راضين وعاجبنا شي غريب يدخل جسمنا بس شو نسوي المانع الطبيعي ما نفع معاي ولو كنت ما مركبة لولب كان من زمان صافتنهم بسم الله عليهم قدامي

مشكورة أم المهند ما تقصري حبيبتي على شعورك الطيب أنا الموانع الطبيعية ما تنفع معاي تخيلي حملت بولدي الثاني وكنا نستخدم طريقة القذف الخارجي تخيلي الله رايد حبيب عمري يطلع على الدنيا .

بس بإذن الله تعالى ناوية أشيله هذي السنة 100%

ريحانة القلوب:
مشكورة أم المهند ما تقصري حبيبتي على شعورك الطيب أنا الموانع الطبيعية ما تنفع معاي تخيلي حملت بولدي الثاني وكنا نستخدم طريقة القذف الخارجي تخيلي الله رايد حبيب عمري يطلع على الدنيا .

بس بإذن الله تعالى ناوية أشيله هذي السنة 100%

الله يسلم حالك حبيبتي ، والله يكون بعونك ويسهل لج أمورك آمين يا رب العالمين

طمنينا عليج

والله حالة في حد يمدح اللولب وفي حد يمدح الحبوب وبعضكم تذمون الاثنين ,,انا خايفة والله مستقبللا ما اعرف شو استخدم