شراب البقول وشراب المكسرات لطفلتي

والله اختي ما عندي فكرة واول مرة اسمع بشراب المكسرات !! وش فايدته ؟

ولا عندي فكرة بعد عن شراب البقول ... بس معروف ان البقول ثقيلة شوي على معدة الاطفال والبعض عنده حساسية منها او فقر دم لاسمح الله والبقول تزيدها ونفس الشي بالنسبة للمكسرات ما تناسب الكل

لكن لو بنت الله يخليها لك ماعندها مشاكل في الدم وشايفة ان هالشي ينفعها اتوقع عادي ... انصحك تسألين طبيبها الخاص احسن

السلام عليكم ورحمة الله وبركاته

والله انا راى من راي الأخت roomy _m

السلام عليكم و رحمة الله و بركاته

أختي أول مرة أسمع عن الأشياء هذه...

يعني ما تضغطي على البنت...يمكن ما تحب طعمهم...

بس إيش فايدتهم أختي ؟

أختي أول مرة أسمع عن الأشياء هذه...

فايدة البقول أنها مليانه فيتامينات وألياف ومعادن وهي وجبه غنيه جداااااا ومفيده وبعض البقول مليئه بالكالسيوم والحديد ...
والمكسرات كذلك مليئه بالفيتامينات والمعادن والكالسيوم والحديد ...

لكن كنت أخاف أعطيها وتغص ففكرت بالشراب

على العموم شكرا على الردود

اختي كل الاغذية فيها فيتامينات ومعادن ... مو شرط المكسرات والبقول اللي فيها مضار يمكن انتي ماتعرفيها
عوضيها بعناصر غذائية ثانية مثل الفواكه والخضار

بس المكسرات والبقول للكبار ومو الكل يتحملها بعد

شكرا على ردودكم والحمدلله الدكتوره طمنتني .. المكسرات من أفيد الأغذيه والبقول بعد ماعليها كلام وآنا عارفه فوائدهم من صغري وما عليهم ذم بشرط انج تحطين معاهم كمون وينسون او كراويه او شئ للغازات وآنا أعشقهم وهم سر قوة وجمال وحيوية ونشاط العرب القدامى وتأخر الشيخوخه بعد (( كلام أبوي الله يرحمه )) أما الصغار ففوائدها عجب عجاب لكن فوق الثلاث سنوات عشان جذيه فكرت في سلقهم أما الضرر فهو جدااا نادر وكان سؤالي أقدر أعطيها بنتي بهالعمر؟فقط .....
آنا أحب الأغذيه اللي مذكوره بالقرآن والبقول مع الحبوب مذكورين بالقرآن يعني ماراح أخسر شئ وعشان جذيه ضررهم نادر ...
وآنا ممنونه لكل وحده ردت وشكرااااا مره ثانيه واااايد واااايد ....

عجبتني الفكره :D

بنتي صغيره الحين عمرها 6 شهور

ان شاء الله بس تكبر اجرب اعطيها اياه

الغاليه علميني كيف تسوين هالشراب بسويه لبنتي عمرها سنه و نص

ويش هو شراب المكسرات

هو شراب ينباع بالسوق ولا انتي تسوينه ؟

المكسرات تسلقينها بس ولما تطفين النار حطي عسل وبودة حليب الدادا او الطفل
البقول تنقعينهم يوم كامل بعدين إسلقيهم مع كمون ولما تطفين النار حطي عسل وحليب

اختي العزيزه انا ادري ان المكسرات لها فايده كبيره للجسم وكنت البارحه والله جاعده افكر اني اعطي ولدي بس ماني
عارفه اشلون اعطيه المكسرات واهو عمره سنه وشهرين ... بس طريقتج ممتازه وانا بجرب اعطيه ان شاء الله ....
بس عزيزتي ممكن تفيديني شنو انواع المكسرات اللي ممكن اسلقهم واعطيه؟؟؟
وهل قصدج بعدما اسلقهم احطهم بالخلاط واحط وياهم العسل والحليب مع الماي ؟؟؟؟
وكم مقدار العسل ؟؟؟

ارجوج افيديني ولج خالص التحيه والشكر

لاتحطينهم بالخلاط لأن طعمهم راح يكون مركز ومو حلو ... بس أخذي الماي لأن الفوائد كلها بالماي ...

المكسرات أهي الجوز اللوز الصنوبر الفستق بس طبعا مو مالحين ..

سلام

فوائد المكسرات للجسم

يعتبر الدهن الموجود في الجوز واللوز من الدهون غير المشبعة والاحادية والذي يعتبر مفيدا جدا لجسم الانسان خصوصا وانه يحمي القلب من امراض القصور وامراض الشرايين الاخرى وتصلبها ويخفض الجوز معدل الكولسترول الضار” LDL “ في الدم .

كما وتحتوي المكسرات على العديد من الفوائد الاخرى مثل احتوائها على الالياف الغذائية والتي قد تصل الى اكثر من 3% خصوصا البندق .
وترتبط اهمية الالياف في وقايتها في الكثير من المشاكل خصوصا علاج امراض القولون كما تحوي الالياف العديد من مضادات الاكسدة والفيتامينات لذا فهي تلعب دورا اساسيا في الحد من امراض تصلب الشرايين وامراض القلب والحد من الشعور بالجوع وهذا يفيد البدينين الراغبين في تنحيف اجسامهم حيث ان الامتناع عن الطعام وبقاء المعدة فارغة بشكل مستمر يؤثر على ظهور القرحة المعدية لذا ينصح بتناول كمية كافية من المكسرات يوميا والتي يكون لها تأثير كبير على الحد من الجوع شرط ان يكون تناولها بشكل معقول وبدون اسراف.
وتحتوي المكسرات على نسبة جيدة من البوتاسيوم والذي يعتبر عنصرا فعالا لتنشيط العضلات خصوصا عضلة القلب ، كما وان للمكسرات اهمية للاطفال والحوامل لانها تمنحهم عنصري الحديد والكالسيوم وتكمن اهمية هذين العنصرين انها تساعد الحوامل والاطفال على الوقاية من فقر الدم وهشاشة العظام وجعل اعضاء الجنين في نشاط دائم داخل رحم الام كما انه مفيد لبناء المخ والعظام لاحتوائه على مادة الفسفور .
وتحوي المكسرات البروتينات التي تضاهي تلك الموجودة في اللحوم بل انها الافضل لان بروتينات المكسرات لا تكون حامض البواليك في الجسم والتي تسببها بروتينات اللحوم ويكاد زلال المكسرات ان يكون خاليا من الجراثيم الضارة والطفيليات كما وتؤكل المكسرات نية فتبقى محافظة على فائدتها .



مرفق ملف يتضمن شرح لفوائد كل نوع من المسكرات

مع تحياتي عابرسبيل

شكراً لك اخي الكريم على هذه المعلومات ... البندق نادرا ما نلقاه موجود بدول الخليج لكن أهو من أفيد المكسرات .. الحمدلله على كل حال

اختي انتي قلتي نحط كمون شلون نحط كمون يعني هو طعمه حالي ونحط له كموووووون
شرحليلي اختي بالتفصيل

والله اول مره اسمع عنهم

صح بعض اليهال فيهم حساسيه من الفول السوداني .. الحمدلله لقيت البندق والحين أعطيه لبنتي ...
أما الكمون نحطه مع البقول وأهو عادي .. توني الفتره الأخيره قريت الطريقه الصح لطهي البقول
وأهي إنج تطهين البقول لمدة 10 دقائق بعدين تطفين النار وتخلينهم 4 ساعات وشربي مايهم و
طبعا تطهينهم مع الكمون