بعد ما ملج عليها قال ما ابيها مب مرتاح لها!!!

السلام عليكم

بقولكم مشكلة بس ما تخصنى انا تخص وحدة عزيزة على عن جد والله خلتنى اصيح وتخيلت لو انا انحطيت بمكانها شو يكون شعورى الحين انا ما صار لى ها شي وتاثرت فما بالكم هيه

الله يكون بعونها

قصت ها البنت خطبها واحد مب من يوم ولا يومين ولا سنتين تقريبا 6 سنوات طبعا لما كانت فى فترة الدراسة وبعد ما خلصت الدراسة طلب الولد يشوف البنت من حقة لانة البنت اكيد اتغيرت 6 سنوات مب شوى ويا وشاف البنت وتخبل عليها وقال خلاص ابيها اليوم قبل باجر وبنى البيت بس يوم يت فترة الملجة قال انا البنت مب مرتاحلها ما ابيها خير شر فا ما ابى املج وطبعا قالو اهلها ما صار الا كل خير وهذا نصيب والحمد لله انه ها شي صار قبل لا يملج عليها

وتقريبا مر شهر من ها السالفة الا ولد عمها يباها ومصر عليها يقول ما باخذ غير بنت عمى وانا اباها من زمان يوم عرفت انها خلاص فكت خطوبتها بتقدم وبخطبها
ويا ولد العم وخطب وافقو علية واملجو وصارت الحفلة والريال متخبل عليها صارلهم مالجين الحين 4 شهور وحتى من كثر ما يحبها جدم موعد العرس بس خلال ها اليومين قرر ومن دون مبررات انة ما يبى البنت ومب مرتاح لها وماباجى عن العرس غير شهر ويحليلها غامضتنى متزهبة وجهزة كل شي حتى الصالون حتى هيه استغربت تقول الاسبوع اللى قبلة ياينى وفرحان انة ما باجى عن العرس شي ابروحها تقول شو صار انا ما سويتلة شي :sad:

لو انحطيتو في مكانها شو راح تسون
لا تقولون خلة يولى ما يستاهلها هو صح ما يستاهلها بس لقب مطلقة وبعمرها ع فكرة عمرها 21 سنة
ابا حل مقنع يعنى مب تهورى لانه عن جد تهمنى واعتبرها مثل اختى والله حالتها تقطع القلب يوم اشوفها اتصيح ويوم حد يدعى علية تقول لا لا تدعون علية ما يهون على لانى احبه

اتريا ردودكم