سؤال لكل حامل لأول مره !!

مراوي:
انا كنت نفس الشي

ماكنت ابي احمل و يوم حملت اذكر يوم سويت التحليل مشاعري كانت داشه في بعض

مادري هل انا مستانسه ولا زعلانه ولا خايفه .. ماقدر احدد شنو كان شعوري بالضبط لان كل هالمشاعر كلها نزلت عليي بلحظه وحده

ظليت اسبوع يمكن اذا اشوف روحي بالمنظره اقول لنفسي معقول انا اللي حامل!!! مايناسب <<< شوفو المصاخه :)

ماكنت مصدقه معقول انا حامل و بكون ام و مسئوله عن ياهل !!!

بس بعدين مع اول كشف لي بالمستشفى و كان لي 5 اسابيع و شفته بالتلفزيون تغير شعوري ناحيته :)

صرت اخاف عليه و احبه و ابيه مع اني في البدايه يمكن زعلت شوي عشان جا في وقت ماكنت مستعده للحين اني اكون أم

بس الحين اعد الايام متى اشوفه :)

الخوف هذا عادي لان اول مره و شعور غريب على الوحده لا انا ولا احد غيري بيقدر يوصل لك اياه

انتي بتحسين و بتفهمين قصدي شلون :)

نـــورة:
حبيبتي توكلي على الله و سوي التحليل و ان شاء الله تكونين حامل و تفرحين و تفرحين زوجج
بس صدقيني انه شعور حلووووو و خاصه لما تعرفين انج حامل اما عن ساعة الولاده ان شاء الله ما عليج
شر لا انتي ولا البيبي 0
انا عن نفسي كنت واااايد متحمسه اني اسير العياده عسب اسوي تحليل الحمل و لما عرفت اني حامل والله ما
كنت اعرف شو اسوي من الفرحه و ما بكذب عليج اني افكر في الولاده بس كلها يوم ولا يومين و خلاص
بس يمكن عشان عمري صغير شوي (22) سنة احس عمري بعدني على تربيه الاطفال و بتكون المسؤوليه
كبيره علي بس ان شاء الله اهلي و اهل زوجي ما بيقصرون وياي و زوجي بعد ان شاء الله ما راح يقصر وياي 0

حبيبتي لا تحاتين و لا تخافين و مثل من قلت لج توكلي على الله
و ان شاء الله تبشرينا بحملج 0

FLoOoOoOoNA:
حبيبتي هاي لحظه ما بتنعاد افحياتج...واول حمل غيييييييييير.....اتوكلي على الله...وافرحي لو كنت حامل وخلي عنج هالأفكار والله بيسر امورج بدون ماتدرين....

المحرقية:
يمكن المسألة متشابهة عند كل الحوامل

الشعور الأول شعور لا يمكن وصفه من اختلاط المشاعر ،، والخوف الممزوج بفرح عارمة

حتى التصديق يبغى صعب ،،

بس فعلاً أحلى شعور ،،


الخوف من الولادة ،، مثلج

بس اقنع نفسي بأن كل الحوامل فهالدنيا ،، ومع ذلك أخاف ليش أخاف

والشي الثاني ممكن يكون الم قبل الولادة وايد ،، بس بمجرد خروج الطفل يروح كل الألم كل الألم

تتصورين عظمة الخالق في تيسيير الأمور

الله يوفقج ونسمع الأخبار الطيبة

الجميلة78:

انشاء الله باذن الله تطلعين حامل، لحظة تنتظرها اي وحدة متزوجة، يا حبيبتي اذا كل وحدة فكرت نفس تفكيرج معناته اغلبية الحريم ما بيفكرون يحملون، انت بنت وصرتي زوجة وخلقتي علشان تكونين ام وزوجة ومسؤوولة عن اطفال،
اول حمل بيكون لج اول فرحة غير عن الحمل الثاني والثالث، كل واحد له فرحته,,
انا لما عرفت اني حامل للمرة الاولى اتخبلت من الفرح وخاصة ان ربي رزقني بالولد اللي ريلي كان يحلم فيه وانا الحينه حامل للمرة الثانية وباذن الله ولد وبعد فرحانة,,
توني قبل لا اقرى موضوعج تلقيت خبر صديقتي الروح بالروح ولدت وقعدت اصيح من الفرحة ، لأني وايد استانست لها / لما ولدت كانت معاي 24 ساعة بالمستشفى ولأسف الحين انا بعيد عنها وما بلحق أشوفها او أزورها لأني باذن الله باجر بسافر..وانشاء الله اول ما اوصل على طول بروح لها بيت اهلها
اذكري الله يالغالية والله يوفقج بالحمل يا رب وتستانسين وتييبي الياهل يملى عليج حياتج انشاء الله