افكر اني اطنشها واطرشلها مسج والبسها واغير رقمي

سلام

والله صراحه ما ادري ويش اقول بس الله كريم:ss::ss::ss::ss::ss::ss::ss:

مشكوره نونو على المرور :(

المشكله انا طيبه واحب اساعد بس ما احب المصلحجيات :0 والاستغلاليات

السلام عليكم و رحمة الله و بركاته

هلا بيكي أختي...

و ليش أختي تقرضيها و إنتي مالك خاطر ؟

و طالما أقرضتيها مرتين و ما ردّت لك الفلوس...ليش تسكتي عليها ؟

هي أختي صايرة تشوفك ما تردي و لا تطلبي منها فلوسك...فصارت تتمادى في الموضوع...

و كل شيء لازم يكون واضح و موضوع له حد من البداية...

و مش إنتي اللي تتحملي النتيجة و تغلقي الموبايل و تغيري الرقم ! خليكي واثقة من نفسك...و ما تخلي أحد يجبرك تعملي شيء من وراء رغبتك...

بمنتهى الذوق قولي لها...كلاما و ليس بالمسج...أنا آسفة...ما عندي فلوس و ما أقدر أدبر هذا المبلغ..و أنا محتاجاه حاليا...

و خلاص...من غير ما تشعري بالحرج...لأنه هي المفروض اللي تشعر بالحرج...

بالتوفيق أختي...

اهلين مرموم مشكوره الغاليه والله ريحتيني فديتج المشكله انا ما احب اقول لا لاني احس اني انحرج والاشخاص وجوهم لوووووووووووح :( مشكوووووووووووووره وايد وايد حبيبتي

وعليكم السلاام ورحمه الله..


اختي والله انج طيبة النيه مع الكل وحساااسه بطريقتج وتعااملج..

ولكن الطيبة النااس تحسبهاا ضعف.. ولكنهاا موو مشكله ... هذه احد الطيبة اللي الله اعطاهاا للنااس..

حقيقه يااختي كل النااس اصبحن نمووذج وااحد .. ومحد يتصل او يزوورج الا لشيء في مصلحته.. الا من رحم ربي..

ولكن اختي انتي غلطاانه من البدااية.. انتي مااشتغتي علشاان تصرفين عليهم... ولا انج فتحتي بنك علشاان تقرضينهم..

لااايي : اذا اختي هالاشكاال ماتعرفج الا في وقت العووزه فانتي مب محتااجه هالاشكاال.... لان الصديق من صاادقك.. وليس الصديق في وقت محتااجه تتصل..

فووضي امرج لله وقولي لهم للاسف انا خوووي او اختي مااخذين عني فلووووس وماادردووهن.. ويووم بيرجعوونهن بعطيج..

او تقوولين لهم علي سلفه للاسف مااعندي وانا مديووونه لاني متسلفه حق سياره او حق ابووي او لاخوووي..

ولاتعطينهم ابداا... وانتظري بين فتره وفتره اسؤلي هالناااس اللي سلفتيهم انج محتااجه وعليج ديوون لين رااسج وان في نااس اطالبج بفلووووووس..


هالسواايه اختي لازم تسووينهاا علشاان في نااس ماتستااهل ابداا انج تصاادقينهم اذا غاايتهم بالصدااقه السلب والاقتراااض.. وانتي مب محتااجتنهم..

انا مثلج بعد قبل مااعرس اتيي هذه تبغي فلووس وتسوويلي طااف.. وقبلهاا يكلمووني بطيبه ويعزمووني على شااي او شيء والكلاام المعسل.. من يحصلوون الفلوووس مايتصلووون .. ولماا تتصلين فيهم تبغين فلوووسج يمااطلوووون..


ولاتغييرين رقمج علشاان مايتحروون انج ضعيفه او شيء.. ولاطرشين لهم مسج.. خليهم هم يتصلووون وردي لها خبر وقولي لهاا يووم بيكون عندي بعطيج ..

وشكراا

كلامي نفس كلام الاخت مرمووم

والله يعينج
بس لتغيرين رقمج ولاشي خلج عااااادي وقولي لها الصج

الله يعينج يا ختية عليها ..................

اطلبيهم منها واذا تستحين مثلي بالرساله مسج او على المسنجر اي شي
بس انتي تقولين تستحين ولا تطلبين قوليها ما اقدر

السلام عليكم ورحمة الله وبركاته

أختي العزيزة... Crystal_tears...
الأخوات الله يجزاهم خير ماقصروا وخاصة أختنا مرمووم..
عشان ترتاحين صارحيها إذا قالت لك مرة ثانية، قولي لها الصراحة بطريقة هادية وغير مباشرة..
وبيني وبينك لو أنا مكانك ،، راح أسألها عن المبالغ ألي عطيتها ولسه ماردتها لي،، عشان تستحي
وإذا قالت لك وهذا المتوقع،، عطيني وراح ارد لك كلهم ،، قولي لها : أنا آسفة، معليش ردي لي المبالغ ألي قبل ويصير خير..
* * *
لاتقولين صعب وماأقدر،، وسألي نفسك هالسؤال: الأشخاص اصحاب المصالح هل يستحقون مني أني اتمسك فيهم؟ أو أني ماأفرط في علاقتهم؟
أكيد راح تقولين لا،، عشان كذا أنا أقول لك الأفضل خليك صريحة معها بدون ماتغلطين عليها عشان ترتاحين.. وإذا زعلت لاتهمك لأنك غير حريصة على علاقتها. صح؟
* * * *
وصدقيني أختي لازم تعودين نفسك على كلمة " لا "
طبعا بطريقة غير مباشرة : مثل ماأقدر .. أعذريني
يعني تقدرين تبينين للناس رفضكِ بشكل حلو ولبق،، بدون ماتتحسسين
صدقيني جربي وتشوفين... لأنك فعلا راح تتعبين بهالشكل لما تضغطين على نفسكِ أو تتهربين
لانه يمكن يجي يوم يكون خلاص فاض بكِ،، فلما تجين ذاك اليوم وتقولين لهم " لا"
تدرين وش راح يصير؟! راح ينسون كلللللل ألي سويتيه لهم وضغطتي على نفسك عشانهم
وعلى فكرة..... خذيها قاعدة : ترى الناس معظمها ماتقدر للشخص ألي يضغط على نفسه ويسوي شي مايبيه عشانهم..
بالعكس،،

وصدقيني يالغالية: كل ماهونتِ المشاكل وتعاملتي معها بهدوء راح تنحل بشكل أسرع وتكونين مرتاحة...
وكل ماعطيتي المشاكل أكبر من حجمها وصرتِ تفكرين فيها ليل نهار... كل ماكانت أقسى وأصعب عليكِ
يعني هونيها وتهووووون ،، وخذي الأمور ببساطة

أتمنى أكون أفدتكِ...
أختـــــــــكِ / حنــــ سدير ـــين

اقول احقريها ولا تردين عليها طنشيها...واذا رديتي قوليلها رجعي البيزات الي عليج بعدين اطلبي مني ...هالناس ما يستحون والله ياما شفت منهم...لا ويطلبون واشحلاتهم يوم يبون ...وشوفي اذا ردوهن..اقولج هذي الناس استغلاليين فانصحج انج تودرينها خير شر بتيب المشاكل وعوار الراس

انا مع كل كلمة قالوها الاخوات وخاصة دهن العود

باختصار لا تعطينها

اختي Crystal_tears
باختصاااااااااااااااااااار طنشيها عطيها سكب هالقد قده
اختي لو انا مكانك
لا اغير تلفوني ولا اقفله ولا هم يحزنون ليه
اسفطها لحد ماتكلمني واذا كلمت اقولها بطريقه هادئة و الله يا فلانه ما عندي الحين حاولت ادبر ك من هنا من هناك ماااااااااقدرت اعذريني و الله...كان ودي اساعدك بس ...ما كتب الله ..
وما افضل توعدينها اذا دقدرتي بتعطينها لانها بتم تزعجك خلي ردك هذا ثابت بكل مره

معقوله ما تعرفين شو تسوين؟؟



سوي شراتي

اتصلت بي وحدة وطلبت بيزات سلف وكان المبلغ عود
وانا كنت اروم اسلفها

بس رفضت عشانها معرسه وتشتغل وابوها ماشالله عليه راهي

ما غيرت رقم تيلفوني ولا شي كل اللي سويته اني اعتذرت
لها وقلت لها ما اقدر

والنتيجه اني ما سمعت صوتها فتره طويله


انتي بترتاحين يوم بترفضين طلبها عشان اللي يباج
عشان مصلحه بيودرج ما ما بيحصل شي وانتي بترتاحين

ماشي احسن عن الصراحه
عطيها في الويه كاش وهي لو كانت تحبج صدق ما بتزعل منج

رأيي من رأي البنات...
المفروض هي الي تفكر وتحسب ألف حساب قبل تطلبك لانها طلبت منك من قبل ولا ردت لك الفلوس..
مو انتي الي تفكرين وتحسبينها قبل ترفضين طلبها..
صيري وااااااااااثقه من نفسك وقوليها بلطف وبصراحه مااقدر ولا تغيرين رقمك..
المفروض هي الي تتهرب مو انتي الله يهديك...

انصحج اطنشينها او انج اطرشيلها مسج وتكتبيلها آسفه ما اقدر عندي سلفيه ولازم اسدد

صدقيني بتنفع وياااج وحاولي اذكرينها بطريقه غير مباشره على انها ماخذه بيزات عنج وما ردتهم للحين

والسموحه بس انصحج نصيحه لا تعطينها البيزات ... بتماطل وما بتردهم عقب

اعتذري منها بكل لباقه

لا تفكرين ولا تحاتين

انا ماقريت الردود بس حبيت ارز بويهي.. والله صار معاي نفس الشي مع وحدة من صديقاتي المصلحجيات .. بس انا ماواجهتها لاني ماقدرت وهذا الشي صعب صراحة يمكن مابترومين تسوينه.. انا كنت اتهرب منها والف وادور واخر شي اقولها ما اقدر باسلوب محترم.. انا اشوف المواجهه باسلوب محترم وتقولين لها انج ماتقدرين تعطينها احسن

اختي دام انها مارجعت فلوسك في المرتين اللي قبل000نصيحتي اعتذري منها بطريقه راقيه وبكل هدوء ووكلي امرك لله ولاتزعلين او تتضايقين ترى الدنيا فيها البلاوي000لاحول ولاقوة الا بالله