شسويلها

ذكرتيني بأيام الدراسة و معاناتها و ياما مريت بموقفج و كنت أتحسر على درجاتي اللي تروح بسبة اني استحي اصارح اللي معاي

الصراحه ما تنلامين

بقولج الحلول اللي كنت أسويها و انتي شوفي اللي يناسبج و ان شاء البنات بعد ما يقصرون

مبدئياً اذا كنتي تمونين على البنت قوليلها أبي اسوي البحث بروحي لأن عندي أفكار كثيرة ودي أسويها بنفسي و ابي أمسك البحث من أوله لي آخره عشان أطمن .. فهميها انا ماعرف أسوي الشغل جماعي .. لازم انا اللي اكتب كل كلمة بيدي عشان أرتاح و ما أحاتي .. هالشي من حقج بس اذا خايفه صديقتج تزعل عندج حل ثاني :

مرات كنت أكلم استاذ الماده و أشرحله الوضع و اهو يتفهم فكان يفصل بينا على أساس ان هذا رايه هو .. مرات يكون الدكتور حقاني و يقول قسموا الشغل بينكم و كل وحده اتقولي شنو شغلها بالضبط عشان أحاسبها عليه و بالتالي ولا وحده فيكم بتنظلم

حل ثالث : كنت اضطر مرات اني اوزع الشغل بنفسي و أحرص على ان زميلتي تشتغل بقسمها و تبذل كل مجهودها و أحاول أحملها المسؤولية و أظل ماشية وراها .. صحيح انج بتعبين لكن أحسن من انج تخلينها تعتمد عليج و ما تسوي شي
بعدها قعدوا مع بعض و ضبطوا البحث كله على بعضه و اقريه كامل و عدلي فيه بحيث اتكونين انتي شخصيا راضيه عنه و بنفس الوقت مجهودها يكون واضح و بصمتها موجوده بالشغل

و بشرينا بالنتايج الحلوة
:)

ممكن تقوليليها بطريقه حلوه انك تبغي علامات اكثر
وانو لو سويتو البحث مع بعض بتنقسم العلامات .. مع اني مافهمت كيف بتنقسم العلامات
وبهذه الطريقه بتكوني صريحه وما بتجرحيها
والله يوفقك

ايه والله فعلا قولي لها خلي كل وحده بروحها عشان ناخذ درجات اكثر واحاولي تغرينها انه اذا ماضبطتوا البحث مرة مارح تطلع لكم درجات كثير وحلوة فكرة مس بي تكلمين استاذة المادة وتقولين لها تفصلكم على اساس انه هذا رايها

وموفقه

الله يعينج ..............

البنات مشالله عليهم ما قصروا .............

إذا كان الموضوع يستاهل ومصير نجاحج في الدراسه فعطوج البنات الحلول المنطقيه

اما اذا انه بحث عادي وعابر،،، فلا تضيعين صديقة عمرج على موضوع عابر



سفيرة فوق العاده

كلمي الدكتور وخليه اهوه اللي يفصل بينكم كأنه اهوه اللي طلب مب انتي

البنات ما قصروا كفوا ووفوا

الله يعطيكم العافية الظاهر اني بركض وراها واتابعها عشان ما نخسر البحث ولا نخسر بعض

السلام عليكم و رحمة الله و بركاته

شوفي عزيزتي أنا كنت أقسم الشغل بينا و اقول للمدرس بعدين جزئية كل وحده منا و هو يعطينا حقنا بدون ما أي وحده تخسر تعبها