@ سر خطير من أسرار سفيرة فوق العاده @ اللي يحبني يدش

السلام عليكم ورحمة الله وبركاته

غالياتي يا مرحبا فيكم

اليوم جبت لكم سر وقلت والله لأخلي أخواتي بنات المنتدى يعرفون هالسر اللي الكل يسأل عنه ،،،

كل ما رحت مكان سإلوني شأستعمل كريمات حق ايديني وحق جسمي،، والنعومه اللي مثل البيبي ،،،

والله ما تصدقون يا بنات شلون الناس تتعجب،،،

ما اطول عليكم

يالله نبدأ وهالطريقه انا اسويها مره في الإسبوع

للجسم،،،

نصف بياله عصير ليمون (( تعرفون الليمون يبيض وينعم ))
نصف بيالة (خل التفاح) انا اخذ نوع قودي (( الخل يشل السلوليت ويشد البشره ويخليها ملسى))
ملعقتين من بيكربونات الصوديوم (( بصراحه ما اقدر اقولكم شيسوي بالظبط لاني اساساً متفاجأه من النتائج)) (( طبعاً يبيض يعقم ينعم واكثر واكثر واكثر من ما تتصورون ))

تجيبين صحن عود لان بيكربونات الصوديوم لما تخلطينه مع الليمون والخل بيتفاعل وبيطلع مثل الرغوه اخلطيهم لين ما تروح الرغوه وبيصير عندج خليط سائل

تاخذين هالخليط وتوزعينه على جسمج كامل ،،، وبعدها تقعدين في بخار لمدة عشرين دقيقه،،،

انا بصراحه امشي كل يوم على جهاز المشي (( وألبس اللبسه البلاستيك اللي تحبس الحراره )) فتعطيني نفس نتيجة البخار خاصه اني لما افصخ اللبسه والله ان جسمي ينقط ماي

اروح الحمام الله يكرمكم،،، واخذ شور عادي وبعد ما اغسل جسمي بالصابون اييب الليفه المغربيه واقعد على كرسي علشان ما اتعب،،،

وابللها وإبدأ بالتفريك (( ملاحظه لما تكون الليفه مبلله وايد والجسم مبلل ما راح تشوفين الجلد الميت بس مجرد ما يبدأ يجف الجسم وتفركين بقوه اكثر بتشوفين البلاوي تطلع من جسمج))ما تصدقون يا بنات شكر يطلع من عند الركب وتحت الإبط بلاوي والله بلاوي ويصير الجسم يلق ومع المداومه بتشوفين جسمج كله لونه لون واحد وناعم ونظيف كأنج بيبي


بعد ما افرك ارش على جسمي ماي بس يعني خلاص ما استعمل الصابون ،،، لان الجسم بيكون نظيف والجلد الميت والأوساخ نزلت،،،

اروح غرفتي ،،، وانشف جسمي زين ما زين واحط زيت لوز (( اشتريه من سوق واقف عندنا في قطر )) والبس ملابس قطنيه ،،،

ومرات على حسب المود (المزاج) احط كريم جلسويد على جسمي هذا اذا كان لي بارض

واللي هو عباره عن

علبة جلسويد اصلي + عصير ثلاث ليمونات + ماي ورد + زيت لوز

واخلطهم وأخليهم في العلبه ( هذ الكريم استعمله دائما لإيديني ورجولي ) يعطي نعومه وبياض مع كثرة الإستعمال


والله يا بنات اللي تبجربها بتحس الفرق من اول مره


وبتشوفين البلاوي تنزل منج،،، بس لا تنصدمين،،، بعد جذي من النعومه والبياض



ما ابي منكم الا الدعاء



وياليت اللي تجربها تخبرني



سفيرة فوق العاده