همتكم بنات الكويت

حياج الله وهذي الساعة المباركة والله راح تنور الكويت

الاماكن السياحية
في هالايام هذه روعة
لان الجو بالكويت وايد حلو لانه مو بارد وايد بروده معتدله
بس نقدر نقول شتوي

اول شي اوصلي الكويت بالسلامة وارتاحي عندج فنادق حلوه ومطلة على البحر فندق المارينا فندق المريديان فندق ميراج ... الخ

ثاني شي ارتاحي وقومي الصبح وروحي تريقوا في ابراج الكويت وبعدين روحوا تمشوا


عندج المدينة الترفيهية
حديقة الشعب
مرح لاند
الواجهات البحرية على امتداد شارع الخليج كله

واكثر الكويتيين الحين مخيمين في البر

عندج المجمعات كثيره في منطقة السالمية مجمع زهره ، مريم ، الفنار ، ليلى جاليري ، شاهه ، البستان نسميه شارع البنات اسم المجمعات كله اسامي بنات :)

وفيها جميع البدلات اللي انتي تبينها

وفي حولي مجمع النقرة الشمالي والجنوبي مجمع العثمان مجمع بيروت مجمع المهلب
تبين الدراريع

في الفروانيه مجمع العربيد الحمرا مول الدبوس

في سوق الكويت مجمع الاوقاف


وحياج الله في الكويت


دمتم سالمين
اختكم شريفة

حبيبتي حياج الله في بلدج الثاني الكويت وعندي لج خووووووووووووش أماكن سياحية صج راح تستمتعين فيها ان شاء الله مثل ........:think::think::think:

المدينة الترفيهية / حديقة الشعب / مرح لاند / كوزمو لألعاب البولينغ / حديقة الحيوانات / سوق السالمية / ومجمع المارينا مول وفي محل دراعات

واااايد حلوة وموديلات راقية إذا وصلتي الكويت راسليني على الخاص وأدز لج تلفوني واتصلي علي وأدليج بصراحة دراعات رااااااااقية وحلوة وإذا وصلتي الكويت

قولي لي عشان أسوي لج برنامج حلو يليق بمقامج يا عسل وحياج الله ورحلة موفقة ان شاء الله...............

والله العظيم احرجتوني بكرمكم

ويزاكم الله خير

انا من زمان خاطري ازور الكويت بس كان ريلي معارض

بس هالمرة هو اللي طرح علي الفكرة

والصراحة ردودكم شجعتني اكثر

وتسلمون خواتي

ادري انكم ما بتقصرون

ومشكورين مرة ثانية

وسامحوني اذا تعبتكم

هلا يالغالية صديقيني كويتنا بتنور بوجودج يالغالية.
عقب ماتنزلين من المطار الله يسلم عندج فنادق شكثر شوفي على البحر عندج فندق مارينا جديد والشيراتون وعندج منتجع شيك وايضا منتجع هيلتون المنقف واااااايد حلو ومكان رومانسي جدا ايضا عندج فندق موفنبيك وفندق ريتز وريجنسي وفندق ساس اما المجمعات في بمنطقة فحيحيل (الكوت وأجيال وكويت مجك ) وبمنطقة السالمية(الفنار ومارينا ومريم وزهرة والوطنية وليلي جاليري والبستان وبلازا وحوش الجواتي وماركس سبنسر وشارع سالم المبارك هذا شارع محلات اشكال وألوان ومحلات على الشارع من السايديين) في منطقة حولي (حولي بلازا -الايوب للدراريع وقمصان النوم -السندس -العثمان -النقرة الشمالي والجنوبي -مجمع البحر جديد- المعلم سوق شعبي وشغلات رخيصة وحلوة -المهلب - مطاعم في بمجمع الكوت مطعم عجييييييييييييب اسمه الميجانا لبناني-وعلى البحر معم برج الحمام-نينو-لونوتر-مجمع مارينا المطاعم -القصر البردوني -قصر يدلز بمجمع برج حمود- عندج سوق شرق في مطاعم الدنيا- وايضا بشرق ورا الكنيسة في مطاعم جدا راقية منها بيت7وكاسبر ومقاهي عجيبة ...
والله يسعدكم وتفرحون بزيارتكم لديرتكم الثانية الكويت

السلام عليكم

رجعت لكم مرة ثانية
وللاسف ما قدرت اسير في الفترة هذيج وان شاء الله نحاول انروح الكويت في هالفترة

وعندي كم سؤال

محلات القمصان اذا ممكن

واحسن فندق

والمطاعم

والتنقل كيف عندكم ما في حد ممكن ااجره يكون معاي يوديني المكان اللي ابيه

وساعدوني اكثر الله يخليكم

حيااااج الله الكويت بتنوّر بوجودج يا الغاليه <:

بالنسبه للقمصان .. و الدراريع .. بتلقين أحلى شي في بيت ديفا و كاريزماا .. وهو عباره عن معرض كل يومين ثلاث يتغيرون اللي فيه ..

هناك كله شغل المصممات الكويتيات .. بتلقين شغلاات حلوه عندهم ما تحصلينها في الاسواق..

ويجيبون بضايع من برا يعرضونها هناك ..

بالنسبه للغنادق و المطاعم البنات ما قصروا و ذكروولج كثير ..

أما السايق ماعندي خبره الصرااحه .. بس عادي تقدرين تتصلين على تاكسي وقت ماتبين تطلعييين ..

ولاااا تطوفج المدينه الترفيهيه ... خسااره تجين الكويت ما تروحيلهاا ..



وحياج الله مره ثانيه اختي الغاليه في ديرتج الثانيه الكويت <؛

اسفة على الاسئلة الكثيرة

بس ممكن اعرف شو اسعار القمصان والدراعات عندكم ؟؟

أخذي راحتج بالأسئله حبووبه <:

و أهما يا الغاليه تتراوح أسعارهم مابين 10 و 15 للقمصان على حسب الموديل طبعاً

أما الدراريع .. تختلف أسعارهم على حسب المصممه .. إذا كان فيها شغل واجد تلقين أسعارهم 35 و 45

أما إذا كانت نااعمه ما تزيد عن 20 دينار ..

أتمنى إني أكون أفدتج ..