وين نرووح مع ازواجنا؟

بلادنا شنو فيها غير المطاعم والكوفي والسينما
بس ماكو شي ثاني
صج والله مشكلة
وتعرفين الازواج اقول ساعات خل نروح نسوي رحله نطلع البحر لالالالا
خل نروح حديقة خصوصا الحين الجو حلو وبارد لالالالا
فخليها على الله


دمتم سالمين
اختكم شريفة

السلام عليكم و رحمة الله و بركاته

:(

نفس المشكلة...

بس ممكن أوقات نروح نتمشى على البحر...

نروح الحديقة نلاعب الصغار...

نخرج مع ناس أصحابنا على مكان عام...كافيه مثلا أو مول...

و في الآخر زوجي يقول لي : مش قعدة البيت كانت أفضل و أريح ؟

بس برضه الخروج و الطلعة تخلي الواحد يغير جو و يشوف ناس...صح واللا لأ ؟

البحر

الحدائق


البر

امممممممم

تتحوطون في السياره وتلفون على كل الشوارع وتدخلون بين الحارات والفرجان خخخخخ

وتروحون الاماكن الاثريه

بعد لو عندكم عزب تروحون تقضون فيها وقتكم

يعني تجولوا اكتشفوا اماكن مااكتشفتوها ولا تعرفونها مب لازم اسواق ومطاعم

يعني نحن عندنا منطقه قديمه فيها بيوتنا الاوليه
نروح ويا الاهل ويتذكرون سوالفهم ايام الطفوله هههه
بس للاسف اللحين مؤجره من قبل عمال


وبعد تروحون المناطق الجبليه وووايد مناظرها حلوه خاصة الوديان

هلا وغلا

ماشاء الله كل هالأماكن الموجودة وهم حاسين بالملل

الشاليهات والمنتجعات.. النوادي الصحية والسبا.. المجمعات.. الكافي ..المطاعم ..السينما.. المزارع..والسفر بين دول الخليج

كل هاذي برامج حلوة ومسلية بس يبيلها تنسيق

احيانا الواحد منا يكون هو حاس بالملل من داخلة عشان كذا وين مايروح يحس روحة زهقان.......

تصدقي أنا بعد أحتار وين الواحد يروح حدايق ما أحبها كثير مجمعات ما أروح لها غير إذا ميزانيتي أوكية وأروح أتسوق في الأوقات العادية يا طبخنا عشانا ورحنا على الكورنيش أحنا والأولاد ولا خذينا لنا من برا ولا رحت صوب خواتي .

أفضل صراحة جلسة البيت بس ما يمنع أنا نطلع في الأسبوع مره

بس في الإجازات الطويلة أكيد أبو الشباب يرتب لنا طلعه أو رحله حلوه

ما عندي ادنى معلومه

السموحه



سفيرة فوق العاده

واللي ماعندهم بحروين يروحون

أ عتقد جلسة في حديقة البيت .مع قليل من الشوي والطبخ........في الهواء الطلق
مع تحضير الشاي والحليب والبسكوت والكيك.وما الى ذلك...............مسبقا في مطبخ المنزل(طبعا لمن لديه حديقة في البيت)


أو جلسة في البيت مع استدعاء الاهل ىوالاصدقاء لوليمة غداء أو عشاء أو حتى جلسة عصرية تحتاج فقط لقليل من الشاي أو الحليب مع الكيك والبسكوت.

ولا شو رأيكن

يعني ما طلعت الوحيده الي تعاني ...كلنا نفس الشي ...هذا يعني ان صدق مافي اماكن حد يروحها ...و كل الاماكن الموجوده مع الوقت تصير ملل ...و كل ما تفكرين تطلعين و تتذكرين نفس الاماكن تقولين ايلس في البيت احسن

لكن

تصدقون ما بتحسون بقيمه هذي الاماكن غير يوم تعيشون في بلاد ثانيه ...عن نفسي عايشه في غربه .....و الاسواق تسكر بدري يعني اذا تاخرتي بالطلعه ما تلحقين على السوق و اذا لحقتي على اخر لحظه زين....حتى التمشي بالسياه مافي مكان نتمشى فيه ...مب مثل بلادنا تشترين لج عصير بااارد و منعش من اي مكان و تتمشين في السياره في الشوارع و على البحر ...والله اشتقت للبحر خاطري لما ارجع البلاد اروح اخيم على البحر لكن جو بلادنا ما يساعد حرررر ...


يله شو نسوي مالنا غير الكوفي شوبات و المطاعم و التمشي بالسياره و البحر ...و لا تنسون شندويشات الشورما