الجزء الثاني..(تجهيــزات عرايــــ قطر ــس 2006)

:dd: ضحكتيني الله يقطع سوالفك بس تعرفي موانا اللي قفلته تحكم من الأداره هي من عندهاا

ويلا الف مبروك عليكم الجزءالثاني

السلام عليكم ورحمة الله وبركاته

خخخخخخخ انا اول وحدة بارد :)

الموناليزا ..
فديتج والله اني ادعيلج كل يوم ودوم على بالي الله يوفقك ويسخر لج قلب ريلج

دورت لج كمن دعاء :

دعاء تيسير الزواج

بسم الله الرحمن الرحيم والحمد لله رب العالمين
والصلاة والسلام علي أشرف المرسلين وعلي آل بيته وصحبه أجمعين

اللهم أنى أسألك بأني أشهد أن لا إله إلا أنت الأحد الصمد الذي لم يلد ولم يولد ولم يكن له كفوا أحد

إقض حاجتي وأنس وحدتي فرج كربتي أجعل لي رفيقا صالحا كي نسبحك كثيرا ونذكرك كثيرا فانت بي بصير يا مجيب المضطراذا دعاك ، أحلل عقدتي امن روعتي وفرج كربتي

يا إلهي هب لي من لدنك زوجا صالحا واجعل بيننا المودة والرحمة والسكن إنك على كل شئ قدير يا من يقول للشيء كن فيكون اللهم آتنا في الدنيا حسنة وفى الآخرة حسنة وقنا عذاب النار رب لا تذرني فردا وأنت خير الوارثين

أدعية و آيات تعجيل الزواج بإذن الله

قراءة سورة المعارج يوميا صباحا

سورة الواقعة ليلة الجمعة

سورة الذاريات مساء

قراءة هذه الآيات - آيات الزواج 100 مرة يوميا فى الصباح والمساء



سورة الأنفال " لو أنفقت ما فى الأرض جميعا ما ألفت بين قلوبهم و لكن الله ألف بينهم إنه عزيز حكيم" (63)

سورة الروم "و من آياته أن خلق لكم من أنفسكم أزواجا لتسكنوا إليها و جعل بينكم مودةً و رحمةً إن فى ذلك لأيات لقوم يتفكرون"(21)

سورة الذاريات "و من كل شئ خلقنا زوجين لعلكم تذكرون "( 49)

سورة القصص "و ربُك يخلق ما يشاءُُ و يختارُ ما كان لهم الخيرةُ سبحان الله و تعالى عما يشركون " (68)

سورة الانسان "و ما تشاءون إلا أن يشاء الله إن الله كان عليماً حكيماً " (30)

سورة الأنبياء "لا اله الا أنت سبحانك انى كنت من الظالمين "(87)

سورة النبأ "و خلقناكم أزواجا "(8)

سورة الفرقان "ربنا هب لنا من أزواجنا و ذرياتنا قرة أعين" (74 )

سورة الأنبياء "ربى إنى مسنى الضر وأنت أرحم الراحمين "(83)

سورة يوسف " إنما أشكو بثى و حزنى إلى الله وأعلم من الله ما لا تعلمون "(86)

سورة الأعراف " هو الذى خلقكم من نفس واحدة وجعل منها زوجها ليسكن إليها "(189)

يا حى يا قيوم برحمتك استغيث

- لا حول و لا قوة الا بالله


مع صدق النية واليقين و حسن التوكل *

مع صلاة الفجر حاضرا و عدم الوقوع فى المعاصى *

التصدق *


مع صلاة ركعتى قضاء الحاجة كل يوم بنية الزواج



اللهم إنى أسألك بأني أشهد أنك أنت الذي لا اله إلا أنت الأحد الصمد الذي لم يلد ولم يولد ولم يكن له كفواً أحد اقض حاجتي آنس وحدتي فرج كربتي اجعل لي رفيقاً صالحاً كي نسبحك كثيراً ونذكرك كثيراً فأنت بي بصيراً.

يا مجيب المضطر إذا دعاك احلل عقدتي آمن روعتي يا إلهي من لي ألجأ إليه إن لم ألجا الي الركن الشديد الذي إذا دعي أجاب هب لي من لدنك زوجاً صالحاً وتجعل بيننا المودة والرحمة والسكن.

فأنت علي كل شئ قدير يا من إذا قلت للشئ كن فيكون. ربنا آتنا في الدنيا حسنة وفي الآخرة حسنة وقنا عذاب النار. وصلي اللهم علي سيدنا محمد وعلي آله وصحبه وسلم.

ان شاء الله تنفعج



خطيبة الغالي :
رقم سعاد اللي طرشتيه لي قبل هي نفسها اللي حجزتيها حق عرسج ؟؟؟؟؟؟؟؟؟

الحلم الهادئ
شخبارج ؟ جربتي شي من اللي طرشته لج :)

ليــــــــــــــــــــــــــــــش ليــــــــــــــــــــــــــــش
كل ماتعبنا في موضوع وكتبنا كل شي فقلتوه............


عيدوا قوانين المنتدى حراااااااااااااااااااااااام والله مايصير عاد......


الله يعطيج العافيه خطيبة الغالي......ويعنج كل ماقفلوا واحد افتحي غيره ههههههههههههههههههههههه

وي احسب اني بارد اول وحدة مب مشكلة المرة الجاية

ههههههه سويت بيبي ماتغلبينا ...........فديتج والله أقدر تفاعلج واستجابتج لنا تسلمين ...............

عروس فرش عادي حبيبتي الشروط انها تكون 500 رد بس واحنا بنلتزم فيها...........شخبارج انتي...............

كلاسيك هههه خيرها بغيرها الجزء الثالث انتي اول وحده.............. لا سعاد البلوشي غير .......مادري من قال يبي رقمها ؟؟

عمري قطر ..وعليكم السلام ورحمة الله وبركاته.............

انا ابي سعاد اللي يمدحونها حق المكياج
انا حجزت عند سعاد عاد مدري اي وحدة هي اللي تتكلمون عنها لو لا
ما عليج امر طرشيلي رقمها
اي ويا ريت تطرشين لي من وين شريتي الذهب احتمال باجر اروح الخبر والبحرين
اللي تبي شي من هناك لا تستحي بس قبل الظهر :*)

كلاسيك :) هلا فديتج..لا والله يفداج الجذب ماجربت ولا شىء ...صراحه مالي نفس على شىء حتى الشغل مب معطته ذاك الاهتمام بالي مشغول وايد هاليومين :(
اقول؟ انتي بتحجزين اي سعاد؟ البلوشي البحرينية صح؟...لان هذي اللي معروفه بمكياجها للعرايس انته تووووووووب ! ركزي مب تغلطين :)


خطيبة الغالي :pain: انا اللي بغيت رقم سعاد البلوشي ياحظي...اذا عندج طرشيه....ابي سعاد البلوشي "البحرينية" مب مالت يونيك القطرية اوكي؟

قايزاااات خبر هام
شفتوا معرض المجوهرات يهههههههههبل ابي اروحله المهم
رفيقتي قالت لي هي تشتغل هناك تقولي انه مسوين خصومات لييين 50%
انا اقولكم جي عشان الي ناقصها مو بس اطخون كل شي حطوا في بالكم بتجيكم هدايا وااااايد واااايد ولا تعرفون شنو تسوون فيهم
سوو مثلي احم احم خخخخخخ
لا بس احس بعد العرس اذا ماجاني شي ابيه اروح اشتري احسن جي
خذتلي طقمين وايد وايد حلوين من محل الزين من البحرين ذهب واحد فيه فيروز ووايد مافيه بس صباتها عجيييبه..وخذتلي سلسال فيه قلب مو قلب بس عرفتوا يعني تشكيله تهبل الماس والسلسله مالتها خفيفه...وخذتلي خاتم فيه كمن لون غير الي ريلي جابهم لي من خواتم وسلاسل الماس مايقصر وخذتلي صح عقد حق اليد نسيت اسمه هو مو عقد بس يله خخخ الماس خفيييف يهبل اي صح وخذتلي ساعه الماس ناعمه بس كلها محفره على تشكيلات والماس شنو عجيبه امي خشتها تقولي ادريبج ما تخلين شي حق بعد العرس وبتلبسينها خخخخخخخخخ وياموتي على الساعات انا ها هاهاييي
وبس قلت باشتري طقم الماس يممممكن يمممكن وايد حلو بس قلت الحين خلني لين بعد العرس ادري اهلي واااااااااااايد لا يعدون
ولا يحصون وبيجيبون اشيا وااايد واغلبهم يعرفون ذوقي والي احبه واذا بعدين بينقصني شي عندي السوقه...اقولكم ليش على الأقل توفرين شوي من المهر يمكن بعدين تحتاجينه في اشيا اهم صح ولا شنو رايكم قايزات؟!!!

قايزه...انتي كده :up: تتهنين فيهم ياااارب

هلا بنات توني راده من المعرض
مو توني من ساعه خخخخخ
المهم باجر انشالله بقولكم كل شي لاني؟؟؟؟؟؟













شتتوقعون يعني؟؟؟؟؟













في شي غير اني؟؟؟؟






مرضت اهئ اهئ اهئ
الزكام والصخونه ذبحوني والحين الكحه شرفت مره ثانيه
الله يعينني

بنات حبيت انبهكم لشي بخصوص لسبوت لايت لازم اثنين واحد يمين والثاني يسار لان لو واحد بيطلع ظل العروس كبير بالقاعه مثل الوحش ههههههههههه هذا الشي شفته بعيني محدش الي

بنات اللي راحوا المعرض تقولنا شخذت وسعر اللي خته عشان نعرف الاسعار....

بنات انا افكر فالتصوير..
كم كاميره فيديو اخذ وكم فلم؟؟والسبوت لايت كم؟؟واخذ جسر الاضائه الملونه والا مش مهمه؟؟
والشاشات مش مهمه...يعني كم احط ميزانيه للتصوير؟؟؟؟؟

هلااااااااااااااااااااااااااااااااااااااااااااااااااااا

بنات كيييف الحال


مبرووووووك خطيبة الغالي على الجزء الثاني

هذا يدل عللى التفاعل والتميز صفحتج


والبركة في بنات قطر المتعاونات مع بنت بلادهم فدييييييييييييييييييييييييييييييييييييييييييييييتهم والله

هاي ..

باركوا لي بنات .. و أخيراً استقريت على الكوووشة ^^

جن رافي من كثر ما اروح و ارجع و اعيد و ازيد ,,

و باركوا لي خذت لي كولكشن وايت لينن من ايستي لودر ..

..

بكرة إن شاء الله إن الله أراد .. باروح المعرض و بآخذ لي كم شغلة جذي ..

..

امممم وين أحصل نعل و جواتي الله يعزكم تصلح للمناسبات ولا حتى للعرس لاعت جبدي و لا لقيت شي عدل : (

وبعدين رحت اليوم آخذ لي جوتي للعرس ما لقيت .. شاااااااااااااسوي ..

..

و بالنسبة لثاني يوم فكرت أحجز عند آمنة شاهين أو سعاد اللي كانت في يونيك ..

..

أنا مستانسة بصراحة لأني شطبت على كذا بند و افتكيت .. الفال لكم ..




امممم و لا طرا علي شي بلغتكم .. الحين مصدعة حدي

مبروووووووووووووك دوحانيه لاحظت بتوقيعك مابقاللك شي خلصي تجهيزاتك وارتاحي

واشرايك بكولكشن وايت لنن يجنن يستاهل اخذه ومن وين خذتيه وبكم؟وممكن تذكريلي مكونات الكولكشن؟

والحمدالله استقريتي على الكوشه طلعتي عيون راافي هههههههههه انا رحت عندهم لكن مع ارتفاع الاسعار بشكل فضيع غيرت

جوااتي اذا شفتي الستي وماحصلتي روحي الجبر صدقيني بمحلات اللي فوق تحصلين جواتي ناعمه انا خذتلي ب180 بعد مكاسر للعرس ناعم وشيك وفيه لمعه حلوة لحظه بجيب اسم المحل يمكن الامورة بتاكد وبرجعللك

انصحك بسعاد البلوشي لثاني يوم لان مكياجها هاادي جداا

مبروك على الجزء الثاني
وشوفي النحاسة كتبت المشاركة وما انتبهت اني 499 يعني محد برد علي بس افا عليكم انسخه واحطها لكم هني وانطر ردودكم
اللي عندها رقم انوار او ابتسام اطرشه لي الله يخليكم
وبغيت اسالكم ما في الا ماسيس في البلد انا رحته جنيت من اسعاره تدرون عقب ما اخترنا حق زواج اخوي قالت شوفو وانا بسويلكم خصم في النهاية وكل شئ علينا في العرس الكوشة والطاولات قبل لتخلص الحساب اتقول حق اخوي لين اللحين شي وسبعين اطلعت عينه مسكين والله حرام يا جماعه
عرايسنا اللي دارو على الكوش ما رحتو الغردينيا او اكسوتيكا او الوان الخليج اي محل ثاني والله انا صج منصدمه من الاسعار شئ مش طبيعي
والله يعين الرياييل على العرس

مبروك عليكم الجزء الثاني ويعطيج العافيه خطيبة الغالي ..

سلامات دلوعه قطريه ما تشوفين شرررر..

بناااات الي راح المعرض تقولنا التفاااااصيل

ان شاااااااء الله بكره اروح...

سي يا

كلثم ..

اي سكتييييي خبلت به .. تصدقين الحين من يشوفني ما يحتاي اقول له الحجز باسم من لوووول يعرفني ..

بس بنات نصيحة خلوا تعاملكم معاااه هو مب مع هاذي ام احمد تراها لا تهش ولا تنش و لا تدري شالسالفة ..


بالنسبة للعطر : ما يجيج في علبة وحدة كل شي بروحه ,,, و انا خذت الكريم و البودرة و العطر .. و بالنسبة للريحة حلووو و بنت عمي
حنت علي لين ما خذته ..
شريته من محل في سوق الجبر تحت مجابل الصرار .. بـ 480 تقريباً .. و هالمحل أنا أضمنه لج لا بغيتي تاخذين منه .. كل عطوراته أصلية و تعاملنا دايماً معاااه ..

و بالنسبة للنعل و الجواتي .. جواتي ما ألبس .. أو مب أي نوع .. و رحت السيتي و اللاندمارك و سوق الجبر .. ما لقيت شي عجبني
الا 2 بس لكن جوتي للعرس ما لقيت ..
شوفي لي من وين خذتيه و أنا أنتظر ردج ..


قطرية ,,

هلا بج أختي أنتوا شماخذين حق هالكثر ,,, و ترى مثل ما قلت إذا على هاذي بتطلعكم تنفضون مخابيكم ..
امممم شوفي في شهر 7 اللي طاف كان في عرس من جماعتنا .. و كان كل شي على المعرس و اللي أعرفه إن الكوشة من الوان الخليج .. و سعرها معقول ..

انا رحت في بداية تجهيزي للغاردينيا اشوف كوشهم ما عجبتني واايد .. ووحدة كللش ما تسوى بـ18 بس كان ع السريع يمكن عنده أشيا حلوة .. و شفت كوشة في أكسوتيكا مجسمة بـ10 و حلوة ..

بالنسبة للمناسبات أمس رفيجتي تقول لي إنه ما يجهز حفلة بأقل من 50 الف !!!!!!!

و على فكرة ترى عرس الحريم يكلللف .. عادي يوصل فوق الـ 100 الالف ..
هو أهم شي حجز القاعة .. و بعدها الأشيا الثانية تهوون ..

الله يتمم له على خير ... و الله يعين هالشباب من وين بيجيبون كل هالفلوووس ؟!!