حلاوة الحلـــــــــيب هديه مني لكم..........لاتفوتكم

اليوم بعلمكم طريقة حلاوة سهله طعمها على حليب((( تجنن))) بشرط انكم تتبعون خطواتي بالضبط علشان تضبطونها
جربي سوي كميه صغيره واذا انجحت عندك دبلي المقادير!!!مقاديري هذي تسوي صحن وسط






أول شي حضري الشيره

ومقاديرها:
كوب سكر
نص كوب ماي
نص ملعقة أكل عصير ليمون

الطريقه:
حطي السكر مع الماي في قدر او غوري صغير وخليه على نار متوسطه وانطري لين مايغلي وتأكدي ان السكر ذاب عدل وبعدين صبي عليه الليمون قصري على النار لين اخر درجتين عندج علشان تتم ساخنه.



((((في شي مهم هنيه واااااااايد ناس ما يضبطون الشيره عدل وانا كنت منهم لسبب بسيط اني كنت احط مقادير الشيره فوق بعض واحطها على النار لين ماتغلي فلما تبرد يصير فوقها طبقة سكروتخترب عندي واقطها.))))



ثاني شي
مقادير الحلاوه:
نص كوب زبده مذوبه عالنار (سائل)
نص كوب حليب مجفف (بودر)
ربع كوب طحين رقم 1+ربع كوب طحين رقم 2


الطريقه :

خلطي المقادير كلها في جدر



وعلى نار متوسطه الى خفيفه حركي المقادير بشكل متواصل لين مايصير لونها بني غامق لون الكاكاو بس حاسبي لا يحترق
على فكره في الصوره طالع اللون افتح



الشيره بتكون جنبج بارزه صبيها فوق الخليط وحركي دقيقتين



ملاحظه في ناس يذوبون ملعقة أكل نشا في ثلاث ملاعق ماي بارد وبعد اضافة الشيره وتحريك الخليط يصبون عليه النشا المذوب.



صبي الحلاوه في صحن وقدميه دافي او بدرجة حرارة الغرفه.