لا تردوني الله يخليكم

عضوة 15-02-2006 1 رد 892 مشاهدة
ع
السلام عليكم ورحمة الله وبركاته.............. صباح الورد يا عرايس احلى منتدى شحالكم؟؟؟؟ ان شالله كل شي اوكيشن وذ يو..........


المهم حبايبي بغيتكم فطلب واعرفكم ما راح تردوني.........انا ادور على خلطة لتبيض الجسم بس مب اي خلطة انا فبالي وحدة بس مب جادره الاجيها في المنتدى وانا جربتها في الصيف وعطتني نيجه حلوه وخاصة بالنسبة للركب السود حتى خواتي لاحظوا الفرق..............المهم سالفة هاي الخلطة


وحدة من العضوات كانت منزلتنها وتجول انها روعة وحتى ربعها مب مصدجين ان هاي البياض طبيعي وكانوا يعتقدوا انها خلطة كريمات وهاي السوالف وهيه من غيظها منهم ما خبرتهم بالسر

وانا بصراحة مب ذاكرة كل المكةنات وكنت مخزنتنه ف الكمبيوتر مالي بس للاسف اخترب وراح وياه كل شي............ ومن مكونات هاي الخلطة صابون غار و جلوسيد وجلسرين ويمكن كركم مب مذكرة زين

فياريت اللي تعرف شي عن هاي الخلطة تخبرني والا تحطلي الرابط.............ز ومشكورين الغالين
والسموحة
س
هلا حبيبتي صباحك ورد يارب ,, كيفك ان شاء الله بخير
الخلطه الي فيها نفس المكونات الي ذكرتيها ومدحوها أغلب بنات المنتدى
هي خلطة ( شسالفة)
المقادير:-
صابونة غار مبشورة ناعمة جداً تنقعينها بكاس ماي ورد طوال الليل عشان تذوب
علبة جلسرين السائل الشفاف من العطار
علبتين جليسوليد الاحمر كبار
فنجان قهوة زيت زيتون
فنجان قهوة زيت لوز
فنجان قهوة زيت خروع
ملعقتين كبار كركم من العطار مب حق الاكل .. لانه حق الاكل صبغته قوية
تخلطين المقادير خلط جيد او بالخلاط لين تمتزج مع بعضها وحطيها بعلبة واستخدميها يومياً لمدة ساعتين
هي كانت ما تحط بالخلطه ليمون ,, لكن لمن تجي تتروش تسوي سنفرة ملح خشن مع عصير الليمون
اتمنى تكون هي هاذي الخلطة الي تبغينها ولو مب هي قولي لي عشان أدور معاكي على خلطات فيها مكونات قريبه من المكونات الي قلتيها
بس حبيبتي ممكن طلب لو مافيها كلافة عليك
لو فعلاً طلعت هي نفس الخلطه ,, قولي لي وش النتايج الي صارت معك .. لأني ودي اجرب هالخلطة بس مترددة
تحـــــــياتي
X