شنو شعورك أول يوم تركت طفلك؟؟

وييي خل تحمد ربها.. الحمدلله رب العالمين... شهرين وايد زين..

انا رحت عن ولدي الجامعة وعمره اسبوعين بسسس! :(

لأن قانون الجامعة ما يسمح باكثر من هالقد..

وما كنت اقدر انسحب من الجامعة لأن ما ابي اتأخر في دراستي ,,

المهم ، اول يوم رحت عنه خليته عند امي، والحمدلله بس ساعتين ورديت..

ما حاتيته وايد لأنه كان عند امي وعندها حليبي المشفوط.. جذي كنت اقول ببالي..

كنت في البيت احاتي الجامعة ودراستي...

بس لما داومت ظليت مفهية وسرحانة في المحاضرات افكر فيه، وشلون اضمه وشلون يصيح...
واطلع تلفوني واشوف صورته وتدمع عيني...

قدرت ارتب جدولي دائماً بحيث ما اغيب عنه وايد، 3 او 4 ساعات وانا رادة له


اختي تقول لي انتي قلبج قاسي، عيل شلون تخلين ياهل ما كمل الشهر وتروحين عنه ..
:(

مب حرام دراستي اخسرها على آخر سنة واتأخر وما ادري بعدين شيصير...

الحمدلله الحين كبر حسونوه، وكملت دراستي...
ما ادري شنو بسوي لين اشتغلت وداومت، والله يستر من طول الدوام اللي بداومه..
بس اللي متأكدة منه ان حسون راح يحب جداته اكثر مني
:(


موضوع واااايد حلو اختي رانيا... افكارج رهييييبة :up:

شكراً جمانة،،، مسكين حسوني تركتيه بعد أسبوعين،، آنه تركته بعد 3 شهور وقلبي معورني، عيل لو مثل حالتك شو باسوي.. الله يكون بالعون، الحمد لله تخرجتي، وطبعا لما تشتغلين بيكون حسوني كبير وماتحاتين كثير أوالحالة الثانية أن البيبي الثاني وصل وبيصير فيك نفس الشي....

[grade="00008B FF6347 008000 4B0082"]

صباح الخير غاليتي : رانيا البحرينية

أنا لحد الآن ما جربت هالشعور ... لكن ... إذا ممكن بنقل لكم شعور أختي

وأول بيبي لها وكانت متخرجة وتوظفت مدرسة

تطلع من البيت تصيح وفي المدرسة أكثر ولما ترجع البيت أكثر وأكثر

لدرجة أن عيونها من كثر الصياح تنتفخ

وأول ما توصل تاخد البنت بحضنها وتقعد تصيح وتصيح وتضمها لصدرها

من كثر صياحها كانت تصيحنا


طولت عليكم ، وتسلمين رانيا ع الموضوع الحلو يا قمر [/grade]

الله يسلمك يا Neama، مسكينة أختك سوت فيلم،، هاذي بعد زيادة عني.. الفال لك يارب...

السلام عليكم و رحمة الله و بركاته

شو هالموضوع الروعة...تسلمي أختي أم عبد الله :)

ما تذكروني بأول مرة تركت فيها مريم...كان شعور رهيب و الله...

أنا أخذت ال 45 يوم إجازة...و فوقهم 3 شهور من غير مرتب...فصارت لما تركتها تقريبا 4 شهور و نصف...

و أول يوم رحت فيه الشغل...كان مأساوي...أتذكره للحين...

كله بكاء و عياط...و بالآخر رجعت البيت ( من نص الدوام ) و قدمت إستقالتي..

شفق عليه المدير و قال لي طيب إرجعي البيت الحين و بيصير خير...

و صار الكل يقول لي يا بنتي بتتعود...و ما تتركي شغلك...

ايام و ليالي أستخير و أفكر...و اشوفها أرجع أنهار و أبكي...

الحمد لله فترة و مرّت على خير (f)

الله يكون بالعون يا مرموم، عاد تقدمين إستقالتك مرة وحدة،، أنت الحالة كانت شديدة عندك...

هذا أول بيبي لنا وذكرنا مشاعرنا، ياترى حق الثاني بنسوي جذي؟؟؟؟

انا و اعوذ بالله من كلمة أنا

داومت بعد ما كملت بنتي 6 شهور قبلها كنت بطاليه
و كان اول يوم دوام مأساااااااه بمعنى الكلمه
كل ساعه ادق على عمتي اسالها عن بنتي
و بعدين ادق على زوجي و اساله متى بيجي ياخذني و بعدين ادق على عمتي

و لين وصلت الساعه 1 الظهر حسيت روحي بتطلع مو قادره
ما تعودت اخليها ابدا ابدا

و لما رجعت البيت حضنتها و قعدت ابكي جنب زوجي

و الله قصه رومانسيه و زوجي يهدي فيني و اقول لا ما ابي الشغل ابي بنتي

و كل شوي اجيبها و احضنها
:)
بس شوي شوي بديت اتعود و الحمد لله الامور ماشيه تمام

بيه ليش طلعت انا الوحيدة الي قلبها قاسي جذا!!!!!
:eek2:

اقولكم ام فاشلة ما صدقتوني !!!!
:down:

رانيا البحرينية:
الله يكون بالعون يا مرموم، عاد تقدمين إستقالتك مرة وحدة،، أنت الحالة كانت شديدة عندك...

هذا أول بيبي لنا وذكرنا مشاعرنا، ياترى حق الثاني بنسوي جذي؟؟؟؟

السلام عليكم و رحمة الله و بركاته

مش عارفة و الله يا أم عبد الله...

يمكن أزعل برضه...بس ما أعتقد مثل أخته...

بس ييجي إن شاء الله بقول لك :D

الله يعينكم صحيح شعور صعب بس ما اتوقع انه من الصحيح وصف الام اللي تترك الطفل وتداوم انها قاسية
حرام طيب شتسوي مثلا موظفة من كم سنة والحين يوم جابت اول بيبي تترك الوظيفة خاصة بعد زيادة المصاريف ؟؟؟

كل انسان وله ظروفه بصراحة ما احب اتدخل في احد يعني لو وحدة رجعت داومت بعد ما تولد بيوم مالي شغل بس استغرب شلون طاوعها قلبها لا أكثر ولا أقل

بس أكيد ما تكون قاسية

صعب الواحد يغير نظام حياته كلها عشان البيبي الجديد خاصة انه فترة وبيكبر واللي عندها ام والله يخلي لنا كل امهاتنا وتقدر تخليه عندها المفروض ماتخاف على البيبي لان أمها بتكون أحن عليه منها اكيد

مو أعز من الولد الا ولد الولد

بس اكيد الوحدة تحس انها تشتاق وتحن للبيبي خاصة بعد الرابط الكبيرة بينها وبينه 9 شهور في بطنها وبعدين الشهور الأولى من الولادة ويمكن طول ماهي مداومة دموعهاعلى خده بس شنسوي هذي هي الحياة .. خاصة حياة المرأة العاملة

حلو الوحدة تجلس مع طفلها بعد الولادة وبعد ما خلصت من الاستقبال وغيره بس مو اكثر من 3 شهور لانها بعدين بتغير نظام حياتها كثير ويصير صعب عليها الرجعة للعمل او الدوام ... اذا مارست حياتها بشكل طبيعي في اسرع وقت أحسن لها عشان تقدر تستعيد قوتها بعد شهور الحمل والولادة وهي بتنظم حياتها مرة ثانية

تسلم ايدك ام عبدالله على الموضوع الحلو

لا ياجمانة قلبك مو قاسي، بس أنت ظروفك أقوى منك،، ظروف الجامعة تختلف عن العمل،، وأنت كنت ناوية تتخرجين،، خلاص لما تجيبي الثاني أبقى معاه وقت أكثر ولا تزعلين..

RoOoOmy مشكورة على هالمداخلة الرائعة،،، صحيح ان ترك الطفل مرحلة كثير صعبة بعد التعود عليه لمدة كم شهر،، بس مثل ماقلتي بعد ولادة الطفل تزداد المصاريف وتلاقي الوحدة نفسها محتاجة للوظيفة أكثر من السابق، والحمد لله أمهاتنا ماخذين بالهم من عيالناـ وهم يعلومنهم اكثر منه...

ذكرتوني بالذي مضى:pain:

انا في الكورس اللي كنت بولد فيه سجلت لي بس 3 مواد واداوم يومين في الاسبوع بس .. ولما ولدت انا مصختها ، ما قعدت اسبوعين مثل جمانه ، قعدت 3 اسابيع وداومت في الاسبوع الرابع .. يعني يوم اداوم كان ولدي قريب بيكمل الشهر .
واتذكر اني خليته عند امي وكنت قاعده في المحاضرات وانا سرحانه وافكر فيه وقلبي معورني ، وفي البريك اطالع صوره واقعد اصيييح :cry:.. وكل شوي اتصل لامي اطمن عليه وامي كانت ترد وتقول لا تحاتين حسون ما فيه الا العافية انتي ركزي في دراستج ووو... بس ما في فايده :sad:، وكنت كل اتذكره واتذكر صياحه وحركاته وحسيت بشوووق كبير الى اني اضمه الحين الحين ..
واول ما رديت البيت العصر رحت دايركت ادور عليه طلع عند اختي نايم رحت له وحضنته وبوسته واختي تقول توه نايم ..الحين بيقعد وبيغربلج .. خليه نايم وانتي روحي ارتاحي شوي عن تعب الجامعه ..
ولاني كنت فعلا تعبانه قلت بخليه وبروح انام لي شوي .. ورحت اريح على السرير وقعدت اتقلب ومو عارفه انام وبعد ربع ساعه تقريبا سمعت ولدي يصيح واروح اركض واخده واضمه والاعبه وارضعه ومو عارفة شسوي اكثر ..

حتى امي علقت وقتها وقالت ما غيرج الا الضنا .. قبل ما كان في شي عندج اعز من النوم :dd:


مشكورة ع الموضوع اختي:shy: <<< وايد هذرت

كل وأنا عاد، جن محد صار ام في هالدنيا غيري، ما لحقت ولدي تركت الوظيفة، وما فكرت اشتغل الا يوم صار بنتي عمرها سنة وبعد مترددة واحاتيها، واشتغلت يوم صار عمرها سنة ونصف واول يوم عاد، امي انتفخ راسها من الاتصال كل خمس دقايق مكالمة، وتقرير بالتفصيل الممل وقاعدة في الشغل دقات نبض قلبي زايدة عن لعادة يمكن اني اشتقت ليها اكثر من اني احاتيها، استمر هالوضع تقريباً اسبوع بعدين شوي شوي بدأت اتعود

سحايب دبي،، ماشاء الله بنتك كان عندها 6 شهور ، من كذا تعبتي وايد لأت تعودتي عليها كثير، الحين الحمد لله كبروا وماعاد يهتمون فينا ...

ماما حسون،، سويتي بالجامعة عيل نهر دموع من صياحك،، الحمد لله أهلك مو مقصرين معاك...

أكبر قلب،، للحين نسوين تلفونات كل خمس دقايق او تغيرت العادة؟؟؟؟

و الله يا بنات انا وايد احاتي هذا الموضوع لان اجازتي قربت تخلص و بترك بنتي و هي عمرها شهرين بس لان ما عندي رصيد اجازات. وايد افكر في الموضوع و حاسه بتأنيب الضمير بس شو اسوي؟ و الله فكرت اقدم استقالتي لكن عقب تراجعت لان دوامي وايد مريح و قريب وايد من بيتي و ناس وايد حاسدتني عليه.

لا والله صرت اتصل مرة وحدةفي اليوم فقط لا غير

اوووووووووووووووووووووه والله انا عادي .. عقب ماخلصت بنتي 3 شهو سرنا انا وريلي اسبوع نغير جو وخلينا البنت عند اهلي.. عادي ماتولهت عليها ولا شي اصلا نسيت انه عندي بنية اتحسب بعدني عروس خخخخخخخخخخخخخخ

اما انا...فتركت ولدي اول مره 10 ساعات كنت رايحه الجامعه علشان اقدم امتحاني وكان عمره 8 ايام وبعدين عودت تركته وعمره17 يوم لمدة 10 ايام هم علشان امتحاناتي لاني كنت ادرس بالرياض وانا من الشرقيه والحمد لله في هذيك الفتره تخرجت
اما عن تركي له اول مره كنت يمكن اتصل كل ساعه بالبيت اسال عنه
اما عن ثاني مره كل شوي ولا اتصل والمشكله انه كان صياح درجه اولى,في هالمرره فعلا كان قلبي يتقطع وكنت كل ليله اصيح
تدروا اني رجعت له وشكله متغير(ملامحه تغيرت)وانتفخ(ماقصرت المراضع)

والله انا عااااااااااااااااد كانت قصتي مأساويه لما فارقت ولدي لاول مره

لان بصرااااااااحه انا طالبه في الجامعه ونظام الجامعه عندنا في الامارات انه سكن داخلي
يعني اتم اسبوع كامل في الجامعه وبعدين ارجع يومين بس البيت
والمشكله اني ربيت في نص الكورس الدراسي يعني ربيت وبعد اسبوع رجعت السكن
اتخيلوا شعوري عاااااااااااااااد والله هلكت من الصياااااااااااااح ومن الغصه والله كنت مقهوره
بس للاسف ما كنت اقدر اوقف الكورس لاني ابي اتخرج واوفر الوقت
فاضطريت اتحمل بس عشان خاطر ولدي حبيبي وكل ما اذكر هالموقف صج قلبي يعورني

بس الحمد لله مرت بسلاااااااااااااام