ساعدوها لو بدعاء او بكلمة

السلام عليكم ورحمة الله وبركاته
مرحبا خواتي اشحالكن ان شالله بخير وسهاله.انا اليوم عندي مشكلة لربيعتي وحبيت اعرضها عليكم لانها وااايد مهمومه ومتضايجه من هالشي..بس دخليكن ماباكن تلومونها لانها ندمانه اشد الندم وتابت وعرفت انها كانت في غفلة وربي هداها الحمدلله الله بس بعدها مهمومه وخايفه كثير..
هي الله يسلمكم كانت لها علاقة بشاب وتقدملها اكثر من مره بس ماصار نصيب من بينهم ..لكن الحملله ماصار شي بينهم بس الله هم انكانت تطرشله صورها بالتلفون وهي واثقه ان ماراح يفضحها او اي شي من هالقبيل,لانه انسان متزوج ويعرف ان اذا سوى بها شي راح يصيب هله لانه يوقولها كما تدين تدان ,, بس الشيطان يوسوس لها ويخليها دووم تحاتي وخايفه.وهو حلفلها ان تلفونه ضاع او مثل مايقول طاح فلبحر يوم كان ساير رحله وهو من الاساس كان ماسحنهن من زمان ..والحين البنت ياينه خطيب وخايفه وتريد ترفضه بس عسب هالسالفه وماطيع تعرس للعلم ان كان متقدملها اكثر من شخص..دخليكن ساعدوني كيف اقنها او اهديها لو شويه لانها وااايد مهمومه وخايفه وهي الحمدلله الحينه ملتزمه وتابة وتطلب من ربها ان يستر عليها في الدنيا والاخر..بس ديخلكن لاتلومونها لان اللي استوى استوى وكل انسان يخطا ومحد معصوم من الخطا..
واريد منكم لو بكلمه تساعدونها او دعاء لاتبخلون عليها بمساعده فديتكن ..

ادري طولت عليكن والسموحه منكن حبيباتي