منــــــع الحمـــــل

حبيبتي أنا ما أستعملت الحبوب إلا عشرة أيام من بعد الأربعين مباشرة ... وتركته لأن الحبوب تسبب لي في بعض التأثيرات السلبية له ... وهي الصدع النصفي وأنا أعاني منه ... ألم في البطن ... الترجيع ... فكان ما يصلح لي أني أخذه ... فزوجي هو الي طلب مني أني أتركه ... وصار المهمة في يد زوجي ... اعتمدنا على ((القذف الخارجي)) ... إلى أن صار عمر ولدي سنتين ونصف ...

أن شاء الله العرايس ما يقصرون ويجاوب على أسألتك ..

مشكووورة حبيبتي على ردج بس انا ان شاء الله عقب ما اولد ما ابي احمل بسرعه

و القذف الخارجي مب مضمون

اختي اي وسيلة منع حمل تختلف فعاليتها وآثارها من جسم للثاني

مو احنا اللي نحدد لك الحبوب واذا كانت تناسبك او ماتناسبك
الاخصائية بعد عمل فحوصات خاصة توصف لك الحبوب المناسبة وتشرح لك متى تاخذيها وتأثيرها عليك وعلى جسمك .. واذا كنتي بتستخدميها بعد الولادة اكيد راح تعطيك حبوب خاصة للرضاعة

معظم البنات يشتكون وانا كل معارفي وصاحباتي يستعملون الحبوب والحمدلله ماعمرهم اشتكوا من شي
بس اللي ياخذها بدون استشارة ومتابعة اكيد يتعب منها
وكون انها تسبب الصداع أو عصبية او غيرها من الاعارض فهذا في البداية بس .. اكيد اي دوا يدخل الجسم يؤثر عليه .. وفيه بنات يحكمون على الحبوب من تجارب الاخريات يعني بس نفسيا وحدة قالت لي تسبب صداع يعني اكيد تسبب صداع

بالتوفيق

بصراحة أخت نورة كانت طريقة ((القدف الخارجي)) وااايد مضمونة معي ما حملت مرة ثانية إلا لم زوجي قذف مرة وحدة بداخل ....

ترى هاي هي المشكله اذا صار القذف في الداخل

يعني الشي مب مضمون

بس انا لازم اخذ شئ لمنع الحمل على الاقل لمدة سنة

لاني اداوم و صعبه حمل ورى بعض