كلام الحب...!!

اشحالكم بنات .. انشالله مرتاحين..



اليوم يايتنكم بموضوع..هو أول مشاركة لي صراحه بس انشالله ما تكون الأخيرة...



الموضوع هذا يمكن مايكون مهم بالنسبة للببعض أو ممكن الواحد يشوفه شي عادي مب مهم وايد.. بس انا صراحه أعاني منه.. ألا و هو كلام الحب و العشق و الوله والذي منه مع الزوج الحبيب...



ماعرف أحس الكلمات تخوني يوم أكون معاه خاصه في لحظات الصمت أو اللحظات اللي تطلب من احنا الحريم انا ننطق ولو بكلمه.. خاصه وقت .ال.... احم احم... اللحظات الحميميه...


يعني المسكين يتريا كلمه ولا حرف.. واحنا مافيه صم بكم.. ماعدا من النفس والتأوهات...


حتى في الاوقات العادية.. وقت الجلسه عند التلفزيون ( أكره لحظه عندي لأنه يعلق على كل وحده يشوفها من لبس و شكل و جسم لا والأدهى انه يتغزل بعد و انا ماشي أحترق).. فياليت في هذي اللحظات أقدر أشغله بكلامي و أشد انتباهه عن التلفزيون واللي فيه...


حتى في التلفون يوم يكون مسافر ولا مش موجود فينفس المنطقة.. تمر علينا لحظات صمت.. و أحسه ينتظر شي مني.. و انا مافي أحاول بس بعد مب هاك الزود....


اللي تعاني مثلي ياليت اتشاركنا... واللي عندها خبره في هالسوالف.. ياليييييييييييييييييييييت تفيدني انا واللي شراتي...


في الانتظار..خخخ



ملاحظه: اللي عندها خبره ياليت تعطينا أمثله في كلام الحب.. مانبا التشجيع بس.. نبا أمثله حيه في كلام الحب.. و أي الاوقات تستخدم)...