ليلة حمرا.. بس ناقصة شي

السلام عليكم ورحمة الله وبركاته
مساء الخير
اليوم بخبركم عن التجهيزات الي جهزتها لعيد زواجي اخامس( تصدقون العمر يمضي.. كاني امس معرسة)..ههههه بس بعدني صغيرة
هالمرة اخترت لون لهالمناسبة وهو اللون الاحمر .. لانه السنة الماضية كان لونها ازرق.. والي قبلها اصفر .. وردي.. بنفسجي.. ابيض .. طبعا كانت السنة الاولى خليتها بيضة عشان احس اني بعدني عروس...ههههه


ما بطول عليكم.. اكيد مشتاقين تعرفون؟؟



والا موب مشتاقين تعرفون..؟؟؟



خلاص ما بقول لكم....!!!!!!









لا تعصبون .. خلاص ما تهونون عليه

بخبركم وحدة وحدة

اشتريت قميص نوم احمر فيه ورود صغيرة بيضة
فرش للسرير احمر ملكي
شموع وفوانيس حمرا..
كيكة على شكل قلب وشمعة على شكل رقم 5 .. عشان زوجي يتذكر انه هالسنة الخامسة.. لانه كل مرة يسالني كم كملنا
وعصير رمان .. الكاسات مزينة بالورود الحمرا
والمناديل على شكل قلوب حمرا

لصق على شكل قلوب حمرا للارض والجدران
الهدية عبارة عن عطور وكريمات ودبلة .. لانه زوجي من تزوجنا ما غير دبلته( والحمد لله للحين يلبسها موب مثل بعض الرياييل)
قلت باخذله دبلة جديدة احلى

طقم للحمام لونه احمر.. من صابون وكريمات وفوط حمرا

بلونات وقلوب تتعلق في سقف الغرفة وكلها طبعا احمر في احمر
وطبعا ناوية اهديه باقة ورد حمرا كبيرة وايد

واشياء وايد ما تحضرني الحين عشان اقولكم
ناوية على الغالي.. ليلة حمرا

بس نقصني شي.. واريدكم تساعدوني
انا كتبت الكلام الي اريده في بطاقة الهدية.. بس في كروت وايد عندي وكل واحد اريد اكتب فيه ابيات شعر حلوة وكلمات وخواطر حلوة تناسب المناسبة
يعني مع الدبلة بطاقة حلوة اريد شي مناسب لها لاني بعد ما يقرا البطاقة اريد البسه الدبلة بايدي
اريد يقرا بطاقة على المائدة قبل لا نقطع الكيكة .. شو برايكم اكتب فيها
في كل زاوية اريد احط له كرت


شو رايكم.. واذا عندكم اضافات .. او تعليق او شي لا تبخلون علي ..


وتسلمون.. وتتهنون في حياتكم .. يا رب