الرسوم المتحركة

أكيد الطفل في هالعمر بيسوي الشي الليي يشوفه ......

يعني مثلا بنتي ما تحب تطالع الرسوم المتحركه و لكن لما أقعد وياها و أطالع ... فهي تقعد وياي و تطالع بعد...و نفس الشي بالنسبة للأفلام و المسلسلات... يعني طبيعي 100%.....

على فكره نفس الشي لما أقعد عند الجهاز و أكتب على الكي بورد أو أحرك الماوس فهي تسوي مثل الشي و مجرد أقوم من مكاني تقوم ... و كأني أحسها تضايقني في قعدتي على الجهاز وما تخليني آآخذ راحتي ابدا...و لما أروح أشغل التلفزيون تجي وياي و نفس الشي لما أروح أمبطح علشان أرتاح فهي تجي وراي ... هههههههههه يعني مثلي و وراي وراي على طول ...

و الأفضل أنش تعودينه على متابعة رسوم معينه تحسين انها ما تخرب الطفل علشان تقدرين تتشغلين و تفضين شوي حق نفسش و هذا الليي قاعده أحاول ويه بنتي على شانه....

انا احس ان الموضوع عادي أطفال كثير وخصوصا الاطفال منهم ما ينذمجون مع الرسوم ويفضلون اللعب بالسيارات ومثل هذي الاشياء، بس اذا خاطرك يشوف الرسوم شغلي له (تيليتبيز ) لان الاطفال في سنه ينذمجون مع حركاتهم والوانهم وجربي، والسموحه على الهدرة الزايدة:smile:

اهلين اختي الصراحة كلامك صح الاطفال يتعلمون من اهاليهم كل شي يعني لازم نتبه لهم

خليك مع أبنك لما تحطين الرسوم المتحركة وعلقى على حركاتهم وطريقة كلامهم وشرحي له،، طبعا خلي له البرامج الي تناسب سنه مثل البرامج الي تنعرض بقناة mbc3 الصباح، بارنيز، Teletubbies، Bob the builder, boobah, Twennies هذه كلها برامج فيها الوان وحركات وارقام وحروف ،،، وشوفي كيف بيحب يشوف هالبرامج وبعدها حتى ما راح تلتزمين تكونين معاه لأن تعود يشوفهم,,,

آنه ولدي اخلي له هالبرامج والحمد لله تعلم نها الكثير، ماخليه يشوف الأكشن وأو غيره او الذبح والقتل،،،، او تنبيه في برنامج أسمه (يوغي) أنتبهوا لا يشوفونه عيالكم، في صليب وصلاة ولما صلى على الصليب انتصر وغيره فأنتبهوا لهالنوع من البرامج لا يشوفونها الأطفال...

مثل ما قالوا لك البنات اختي مو شرط ان الرسوم المتحركة تكون هاجس كل الأطفال

اختي الصغيرة الى عمر الأربع سنوات ما تحب الرسوم ... وامي كانت تستغرب
الحين التلفزيون لو على كيفها تنام جنبه ما تخلي مسلسل ولا رسوم ولا غيرها

الرقابة مهمة وضرورية حتى مع الرسوم المتحركة مثل ما قالت مشرفتنا ام عبدالله ... فيه بعض الرسوم فيها بلاوي

ولدي بعمر الثلاثة شهور كان يندمج موووت مع الرسوم...

وانا كنت مستانسة حدي لأني على الاقل اقدر اتصفح مجلة او اسوي شغل خفيف وقت ما يطالع التلفزيون..

بس لما كبر شوي وفهم الخدعة صار ما يحب الرسوم مووول...

ساعات اقعد معاه نطالع التلتبيز، لأن اسمع وايد يهال يندمجون معاهم.. واسويله حركاتهم ، يطالع فيني ويضحك..
جنه يقول شنو فيج ماما؟ لا تحاولين تقنعيني انا خلاص ما ينقص علي بالتلفزيون...

الحين عجزت وخليته على هواه.. مرده بيرجع له مو الحين اكيد بعدين..

مشكورين خواتي على النصيحه

اول ما قريت نصايحكم دايركت خليت على mbc 3 وفعلا اول مرة اشوفه يندمج ،، قبل كنت اخلي له على سبيس تون اللي دايما تعرض ابطال الديجيتال وما ادري شنوبس ما يندمج ولا يعطيهم وجه .. شكله ما يعجبه ههههههههههه


تسلمون مرة ثانية والله لا يحرمني من خبراتكم ونصايحكم

ولو ان برامج ام بي سي 3 ما تعجبني لهناك.. لكن بشوف بكرة..
يمكن الله يهديه مثل ولدج..

اناا عكسج تماما , انا ولدي عمره 8 لكن مدمن رسوم متحركه حتى حاسه انها وايد اثرت على مستواه في المدرسه و اذا كان يشوف الرسوم ما يتحرك من مكانه ولا ياكل و لا يشرب واذا ناديتيه ما يرد ابدا.