أنا ضــايجة ومقــهورة!!!

بسم الله الرحمن الرحيم


السلام عليكم ورحمة الله وبركاته


بنات عروس انا ضايجة ومقهورة من سالفة استوت



السالفة هي انه اخوي وافق اخيرا اني آخذ الليسن واسوق سيارة بعد ما كان رافض فكرة اني اسوق سيارة بس سبحان الله ساعات الظروف تخلي الواحد لازم يتنازل شوي لاني كنت اضطر اني اركب تاكسي عشان اروح الدوام وما تصدقون اكون اشكثر مضايجة يوم اركب مع واحد غريب فعشان جي هو وافق اني اسوق لانه امان عن اركب ويا واحد ....

المهم والله اني استانست وايد وسرت المرور ويا الوالدة عسب افتح ملف حقي وانا عمري 23 سنة المهم دخلنا عند المدير وقالنا لازم ابوها يكون موجود امي قالتله انهم مطلقين يعني امي تعيلني وما في داعي لحضور الاب دام الام موجودة وموافقة (عسى ربي يحفظها ويطولي في عمرها آمين) قال لا ما ينفع ولي امرها هو ابوها ولازم يحضر تخيلوا انا تحطمت وانا واقفة لانه مستحيل ابوي يحضر واصلا هو ما يسال عني فكيف الحين يحضر ولا ويوافق بعد ها الشي مستحيل يصير وانا متأكدة من هالشي بعدين امي قالتله انزين ممكن اخوها الكبير يحضر باعتباره ولي امرها وهو عايش ويانا قالها خلاص ما في مشكلة خليه يحضر ويتحمل مسؤولية اخته انا قلت الحمدلله انحلت المشكلة....

الأسبوع اللي بعده سرت ويا اخوي مرة ثانية ودشينا سيدة للمدير تخيلوا شو رد على أخوي قاله لازم ابوها يحضر ويوقع جدامي اخوي قاله انته قلت حق الوالدة انه ما في مانع دام اخوها بيتحمل المسؤولية بنات تخيلوا شو كان رده قاله انا ماقلت هالكلام الصراحة انصدمت ما قدرت اتكلم كيف يجذب جدامنا شو هالاسلوب ويكلمنا ويطالع الكمبيوتر يعني اطلعوا برع مالي نفس حسيت بقهر فظيع وقلت حسبي الله ونعم الوكيل

ما في اسلوب وحتى ما في طريقة تعامل عدله مع الناس لا وجذاب بعد حسبي الله ونعم الوكيل


احس اني مقهورة ومضايجة صبرت وايد لين ما وافق اخوي اني اطلع ليسن ويوم وافق اخوي المدير رفض يمشي اوراقي

ما قول الحمدلله على كل حال وحسبي الله ونعم الوكيل والله فيني غصة