ممكن بنات؟؟؟؟

السلام عليكم ورحمة الله وبركاته


بنتا شلونكم شخباركم....رجعت لكم بعد فترة غياب شهرين....رديت من شهر العسل......

المهم عندي استفسار.... بالمختصر اني يوم كنت مسافرة قبل لا ارد بأسبوع تأخرت علي الدورة لان انا دورتي منتظمة فعملت بعد يوم واحد من موعدها تحليل حمل من الصيدلية طلع ايجابي (حامل) بس بعد اسبوع حسيت بلآلم في بطني وظهري وبدي ينزل دم شوي عاد انا خفت ورحت عيادة نساء وعمل لي الدكتور التراسوند وقال لي الحين توج سبوع ما يبين اذا حامل او لا بس راجعينا بعد اسبوع بعد.. بس رديت الفندق وكنت كلش تعبانه ومتضايقة وخايفة لاني بعيد عن اهلي وما اعرف اتصرف وانا توني في شهر العسل...في نفس اليوم زاد علي الدم لان في المستشفى استخدمت جهاز الالترا ساوند وحسيت المتني وانا منات وايد تعبانة من السفر والرحلات والتنقل وما كنت ارتاح حتى يوم عرفت اني حامل كنت اتنقل داخلي بالطيارة من منطقة لاخرى...المهم ادري طولتها بس في يومها نزل كله دم مثل الدورة لمدة 8 ايام تقريبا وانا في هالوقت رجعت ديرتي ويوم كمل الدم رحت حق اخصائية وقالت لي اني طرحت الياهل...وسألتني ظهرج يألمج قلت لا بس الحين وايد يألمني وقالت عالاقل 3 شهور لا تفكرين تحملين لان ظهرج يمكن ما يتحمل بس زوجي خاطره في بيبي وامي بعد ما رضت اني اجل الحمل قالت ماعايج من الدكتورة وانا بعد خاطري بس ماعرف شسوي..

شي ثاني بعد انا نزل علي الدم تاريخ 13/1/2006 واليوم 13/2/2006 وللحين ما يتني ادورة هل هي تتأخر بعد الاجاض؟؟؟ وهل ممكن اعرف اذا حامل او لا الحين؟ظ

شكرا ومسامحة عالاطالة