ساعدوني الله يخليكم لذوي الخبره فقط والناس المتواضعه

ما حبيت ادش موضوعج بدون ما ارد عليج

بس ما اقول الا الله يعينج

ويوفقج

بس انا انصحج بعدم المبالغة

يعني سوي اللي خاطرج فيه بحدود لمعقول ... لان 50 الف ولا شي هالايام

وعسب ما تبتلشين بالمظاهر وتطيحين بالديون

والسموحه

هلا حبيبتي ماعليج الله يبارك في القليل
حتى لو العرس في خيمه
تقدرين بشوية حركات بسييييطه تخلينه رووعه وناعم
وحتى داخل البيت
في موضوع لوحدهبقسم افكار وخبرات معدله بيتهم عشان زواج اختها
والله طالع شي فظيييييع
وانتي قسمي الفلوس واخذي من الاماكن اللي اسعارها معقوله
عطور خذيلج طقم فرنسي وطقم عربي مع بخور ودهن عود ورش للغرفه
الملابس الداخليه والاندر وير خذي من مركز ساره في السوق القديم
وحتى الجواتي والشنط من هناك وخذي الالوان الاساسيه او اللي ناقصتج بس
والذهب يكفي جم خاتم وساعتين ذهبيه وفضيه على جم شغاب وطقم ذهب نعوم
اصلا بيجيج ذهب هدايا وايد لاتكثرين
هاي اللي جى ببالي الحين وانتي ماعليج اسئلي وبنجاوبج
وربي يوفقج

ياحياتي لاتشيلين هم فوق راسج اقلهن مهرا اكثرهن بركه وان شاء الله فيج الخبر والبركه وباذن الله تتيسر لج الامور من كل جهه وخصوصا مواضيع الزواج الله يبارك فيها من سابع سما اهم شي انج ماتتضايجين ولا تزعلين نفسج عيشي لحظات الحلوه واخذي كل شي بالمعقول لاتكثرين من اغراض العرس الا الضروري جدا . وحاولي تاخذين من راتبج شوي وترتبين امورج اكثر .

الله يتمم عليج بالخير

السلام عليكم

اولا ألف مبروك والله يتمم لج على خير

شوفي أختي المبلغ اللي عندج هو عشان العرس كله يعني تجهيزج والخميه ووووو وله شلووووووووون؟

المهم مثل ما قالت الاخت رتبي عمرج على قد بيزاتج يعني أنت لما خطبج أكيد كنت تعرفين الحال و مافي داعي للمظاهر

يعني قسمي البيزات هذا المبلغ حق جي وهذا حق جي فهمتي أختي

وسألي قبل ما تشترين يعني في اشياء بتحصلينها في مكان ناااااااااااااااااااار وفي مكان ثاني رخيصة

والله يوفقج

أختج،
حبر وورق

اختي الغالية انا عروس شهر 6 والمبلغ اللي عندج عندي وكان بامكان ريلي يعطيني اكثر بس من عادتنا نشتري الريال نفسه مو افلوسه ولا تتحسفين ع المبلغ اللي عندج وخذي بقول النبي عليه السلام من كانت اقلهن مهرا اكثرهن بركة فلا تضايجين من نفسج وصدقين حطيلج ميزانية وراح تقدرين اتوفقين بين كل شي واذا بغيتي اي مساعده من تجربتي فطرشيلي ايميلج ع الخاص وراح اساعدج باللي اقدر عليه من ناحية الفستان او الميكب او حتى التجهيزات الثانية......

الله ايوفقج........

أشكركم على ردووووووودكم لي و صدقوني وايد استانست من شفت الردود حسيت انه في حد بيساعدني عطيتوني ذرة أمل


تعرفووون انا مب مضايجه و لا شي بس ما اعرف الأماكن اللي اشتري منها بسعر معقول و شو اللي لازم اركز عليه يعني أكثر من شو


ولا شو على العموم انا بعدني يديده على الموقع و بقرأ من خبراتكم و بشوووف و يزااااااااااااااااااااكم الله ألف خير

غاليتي اولا مبروووك والله يتمم زواجكم على خير
يا قلبي انا بنت اخوي سوت عرسها في خيمة عدال بيتهم احسن من الفنادق
وصديقيني كان رااااااااقي جدا والحريم كانوا مستانسات وايد
مب لازم تشترين أشياء غالية عشان يطلع العرس وراقي بالعكس
في أشياء تكون جيمتها أقل وتعطيج نفس نتيجة الشيء الغالي..

أنا أنصحج تشترين جهازج من الشارجة لان الأسعار هناك تناسب الكل وحلوة
ونصيحتي لج لا تخسرين فلوسج على حفل العرس بس .. لانها بتكون ليلة وحدة
انا عندي أفكار في تجهيز حفلات واحيانا أشارك في تجهيز حفلات الزفاف
اذا حبيتي ممكن اعطيج أفكار عالخاص..
عشان يطلع عرسج حلو وراقي وبأقل الاسعار .. ثلث المبلغ خليه للعرس والباقي
حق بعد العرس وهذا الأهم حق الجلاليب والعطورات ومستحضرات تجميل وغيرهم ..

الف مبروك، والله يوفقج بالعرس