طريق’ الاستحمام الاسبوعي

حلوه وكشيخه 12-02-2006 35 رد 9,882 مشاهدة
ح
مرحبا على احلى عرايس واحلى بنات المنتدى ،،
المتزوجات

شرايكم كل وحده تقول لنا طريتها في السبوح علشان نستفيد وما اقصد السبوح اليومي اقصد الاسبوعي اللي نطووووووووووووول فيه ونهتم ،،
باذكر لكم طريقتي ،،
يوم الاجازه العصرقبل الطلعه اخصصه لنفسي ،،
اولاً : ابدى بحمام الزيت >>> عندي ماكينة حمام زيت شريتها ب450 اقعد تحت الماكينه نص ساعه
واحط خلطه على شعري من خلطات منتدانا الحبيب خبركم ام سعيد وام عدول ما يقصرون معانا كل مره افتح موضوع من مواضيعهم واجرب خلطه من خلطاتهم ((خلصنا حمام الزيت ))،، اغسل شعري والفه ببلاستك -الكاب-
((خلصنا من الشعر ))
ثاني خطوه : الجسم ،، اعمل سكراب بالسكر وزيت الزيتون بعدها استخدم الليفه المغربيه >> بعدها احط على جسمي بيبي اويل ((خلصنا من تنظيف الجسم))
،، والحين بانتقل للبانيو بس في خطوووه حلوووووووووه باسويها الخطوه الثالثه
ثالث خطوة : هذي أهم خطوه ((تعطير الجسم )) أملا البانيو ماي دافي واحط فيه غرشه كامله ماي ورد اتنقع فيه *لاتنسون انا لافه شعري بالكاب البلاستك شعري نظيف ومغسول * اطلع من البانيو ريحتي حلوه وجسمي رطب بفضل البيبي اويل

هذي طريقتي في السبوح واكثر الخطوات هي من منتدانا وبفضل جهود اخواتنا الفاضلات اللي ما قصروا معنا وفادونا بخبراتهم ،،

ياليت كل وحده قرت الموضوع تكتب لنا طريقتها في السبوح
أ
هلا حبيبتي انا طريقتي غير عنج بشوي لالالالالا اعتقد بواااااايد

انا اتفرك بكبري بنيـــــــــــــــــل وبعدها بيوم أغسل جسمي كله وأغسل شعري وبعدها احط حمام زيت واغسله وعقبها اسوي العمري حمام مغربي بالطريقه المعروفه بس اخلط الصابون المغربي بالحنا يطلع روعه ويبيض .. أو احط بدال المغربي أي نوع من اواع السنفره المهم أتعجج أتفرك من الخاطر وبعد ما اخلص اصب ماي ورد بايدي وافرك جسمي كله او بيبي اويل او اي عطر من البودي شوب الخاص بالجسم

وعقبها احس بانتعاش بس للاسف ما اقدر اسوي جذه كل يوم احس دوامي ماخذ كل وقتي الله ايعينا

يالله بنااات خل نشوف سبوحكم وانقلدكم ههههههه

وسبوووووووووووووووح الهنا للكل
ح
هلا أم عذبه مشكورة على مرورك يالغلا
والله يا أم عذبه طريقك وااااااااااااايد حلوه >>ونايه اطبقها يالغاليه ،،
بس عندي كم استفسار ؟؟
انا متزوجه واسمع كثيييييييييييييييييييييييييير عن النيل وحابه اعرف اذا يترك اثر او لا ؟؟
وشلون تستخدمينه جسمك جاف ولا مبلول

اخلط الصابون المغربي بالحنا يطلع روعه ويبيض

احس هالفكره عجيييييبه وايد عجبتني وباطبقها ،،
جزاك الله كل خير يا لغاليه ما قصرتي واكيد البنات استفادوا من خلطاتك الحلوه
ز
ان قبل ماتروش احط زيت زيتون على شعري والفه بنايلون ............................. وبعدها بساعه تقريبا
ادخل اتروش ...........اول اشوف جسمي اذاكا ن فيه شي يحتاج شيل تشقير وهيك يعني.............
بعدها ادلك جسمي بدلكه السوريه اطول وانا أدلك,,,,,,,,,,,,,
بعده اجيب مقشر ازيت الزيتون والسكر وافرك جسمي .....................
بعده اغسل جسمي بشامبو جسم معطر
وبعدها احط على المنشفه ,,,,,,,,,, وادهن جسمي
بعدين انسدح بسرير مع كاس مويه من التعب ماورى ماوقفت:gum:
شكرا أختي عالموضوع من جد مفيد
ح
هلا أختي ملكتني دمعه >>
انتي اللي مشكوره على مشاركتج >>>>>>>> حمام الهنا :up: انشألله
بس حبيبتي بغيت استفسر
بعدها ادلك جسمي بدلكه السوريه

ايش الدلكه السوريه ؟؟ تقصدين المساج العادي ؟؟
ح
هلا أختي ملكتني دمعه >> انشألله ما تملك الا الأفراح
انتي اللي مشكوره على مشاركتج >>>>>>>> حمام الهنا :up: انشألله
بس حبيبتي بغيت استفسر
بعدها ادلك جسمي بدلكه السوريه

ايش الدلكه السوريه ؟؟ تقصدين المساج العادي ؟؟
ومشكووووره يالغلا نورتي الموضوع بمشاركتج
@

مشكورررررره حبيبتى عالموضوع الرائع وطريقته وايد حلوة

اما انا باجازه نهايه الاسبوع اكون جهزت السونا واحط بالجهاز ماء + ماء ورد .

ادخل الحمام اسوى سنفره للجسم كامل وبعدها اجهز البانيو بماء + ماء ورد + ورود محمديه مجففه

اخذها من عند العطار + شويه كركديه منقع من قبل عشان لونه يخف ==== هذا حمام الملكه كيلوبترا .

وبعدها احط خلطه على جسمى وكل اسبوع احط خلطه وادخل السونا لمده 20 دقيقه او نص ساعه اما الخلطه اللى

غالبا استخدمها فهى خلطه الاخت الغاليه رومنسيه لانها رووعه واكون حطيت على شعرى حمام زيت او زيت للشعر

وكلها طبعا من المنتدى وخبرات البنات اطلع من السونا واتنقع بالبانيو واحس بعدها انى نظيفه والق ومرتاحه وااايد
ز
]تسلمين حبيبتي
بصراحه هي خلطه من سوريا وتجيبليها كاوافيره اتعامل معها
أهي بودره بونيه واحط معها شامبو جسم بس شي بسيط
وادلك جسمي فيه ومثل ماقلت كلما طولت يكون أفضل
وبعدها تحت الدش أدلك بليفه نعومه شوي
بس الصراحه بعد ماطلعين خيال أشراق وردتي مو طبيعي تحسي أنه بشر تك فتحت وبنفس الوقت فيها لمعه
ح
السلام عليكم

أختي بسألج من وين شريتي جهاز البخار حق الشعر

أما عن طريقتي

الصراحه نفس الايام العاديه الا اذا طق برأسي الصير بنت كذيج الساعه اسوي نفس طريقتج بس بدون جهاز البخار ولا فقرة البانيو

أختج،
حبر وورق
s
انا بعد مثلكم:
اسوي تنظيف شااااااااااامل لجسمي ابدأ بوضع زيت قبلها بلليلة مع تدلية لمدة نص ساعة تقريبا( الشغالة تسوي لي تدليك) بعدين اقوم اليوم الثاني اكون حاطة كريمات الجسم( خلطة الاسطورة اللي حاطينها بالمنتدى) ادش الحمام اغسل شعري واحط عليه حمام زيت واطلع، اسوي لي تنظيف لويهي اسوي كريمات للتنظيف بعدين سكراب حق الويه خاص بعدين احط عليه البخار، وبعدها احط قناع بروحي اسويه او عندي مجموعة كل يوم انوع، بعدها انظف ريلي بالماكينة مالت الريول( ارطبها بماي ساخن وافركها بالمقشرات وبعدين انظفها بالاداة ودلكها بالكريمات الخاصة شاريتنها من البودي شوب وايد حلوة) هذا كله تنظيف ويه والريول حمام الزيت لازال بشعري..بس اخلص اشغل حمام السونا واحط فيه فكس علشان يفتح مسامات جسمي،، وادش فيه واقعد ادلك جسمي بمقشر الخوخ والحمام المغربي، وبعدها اطلع اروح الحمام واتغسل عاد خلاص اكون مسويه كل التنظيفات( شعري وويهي وريولي).البس دلاغ علشان ريولي واحط خلطة بريولي ( فكس وفازلين وجلسرين).بعدين احط كريم بيبي جونسون واسوي كريم شاريتنه من بوظبي مول وايد روعة ريحته زهور طبيعية بس والله ما اذكر اسم الكريم..وبهاي الطريق اكون تنظيف ..التنظيف هذا اسويه مرة بالاسبوع بس طبعا طول الاسبوع اتسبح عادي بدون هالاشياء
وسلامتكم
د
ما شاء الله عليكم بنات ... حمام السعد والهنا يا رب

الله يعطيكم العافية على هالمجهود والله

بالنسبة لي ما اسوي اي شي .. اتسبح عادي بالصابونة والمفركة العادية
ما لي مزاج بصراحة خخخخ .. خاطري والله اسوي من كثر ما اقرا بالمنتدى بس اتعب من الفرك وتالمني يدي هههههههه .. مؤخرا عملت ملح الحليب لي بس ... وان شاء الله بحاول اعمل لي هالاسبوع بيوم اجازتي

دعواتكم لي بنات .. والله محتاجة لدعائكم

وبحاول اغار منكم واطبق شوي عشان
م
اا انا انطقيت عيين مدري شصار لي
اتعيجز اتسسبح
اول كنت يوميا اتسبح

الموهيييم

عجبتني افكاركم ماشالله عليييكم
ابي تشجييع منكم الله يخليييكم

عطوووني افكااااااااااااااااار










وبالنسبه لماي الورد احطه بمقدار كم ؟؟
ز
اضم صوتي لج الحياه الورديه هههههههه هذا الكسل ومايسوي
والله ساعات يطق بمزاجي اخذ دوووش كامل مع خلطات وجذي وحمامات زيت
مشكورين
ح
عزيزتي همس الخفوق ،،
شكرا على مرورك يالغلا والله جالسين نستفيد منكم يأغلى خوات
اما انا باجازه نهايه الاسبوع اكون جهزت السونا واحط بالجهاز ماء + ماء ورد

عزيزتي انا عندي الخيمه اللي أجلس فيها ما ادري اذا تعرفينها هي نفس نظام السونا بس يطلع منها بخار كثيييييير
الصراحه نصحني البايع لما اشتريتها اني احط مع الماي اعشاب بس ما سويت الطريقه >> شكلي باجرب احط ماي الورد لأني احب ريحته ،،
ادخل الحمام اسوى سنفره للجسم كامل وبعدها اجهز البانيو بماء + ماء ورد + ورود محمديه مجففه

اخذها من عند العطار + شويه كركديه منقع من قبل عشان لونه يخف ==== هذا حمام الملكه كيلوبترا .


عزيزتي ياليت تفيدينا لأن طريقتك بالنسبه لي جديده واول مره اسمع بها جزاك الله كل الخير ،،
ايش فايده الورده المحمديه المجففه ؟؟
ايش فايده الكركديه ؟؟
والله انك خطيييييييره وحركات (( حمام كيلو بترا :shy:))
ح
وانصح الاخوات حااااااااااااااااااااااااولو عدم تغطية الشعر مباشرة لانها تساعد الفروة على القشرة وهذه نصيحة قالها لاخوي دكتور جلدية

هذي النصيحه انصحتني فيها احدى الأخوات في احدى المنتديات نقلتها لكم علشان الكل يستفيد جزاها الله كل الخير انشألله
ح
ملكتني دمعه >>
بصراحه هي خلطه من سوريا وتجيبليها كاوافيره اتعامل معها
أهي بودره بونيه واحط معها شامبو جسم بس شي بسيط
وادلك جسمي فيه ومثل ماقلت كلما طولت يكون أفضل
وبعدها تحت الدش أدلك بليفه نعومه شوي

تسلمين على التوضيح اختي الغاليه >> :)
ح
هلا اختي حبر ورق
مشكوره يالغلا على مرورج

اختي بسألج من وين شريتي جهاز البخار حق الشعر


اختي انا من قطر وعندنا محل يبيع هالأدوات ما ادري اذا ينفع اقول اسمه على العام او لا بس اعتقد انه عادي
شريت من عنده ماكينه حمام الزيت + جهاز البخار للجسم
وناويه اخذ وانتي بكرامه ماكينة الرجل
اسمه (الصقر الذهبي)
نورتي الموضوع اختي
ح
هلا بالجميله وطريقك جد جميييييييييييييييييييييييييييله
اولا مشكوره على مروك اختي الغاليه،،
بعدها انظف ريلي بالماكينة مالت الريول

شجعتيني اخذ وحده مثلها وياليت تذكرين لي اسم ماكينتج واذا كنتي مرتاحه منها او لا

بس اخلص اشغل حمام السونا واحط فيه فكس علشان يفتح مسامات جسمي،،

حلوه فكرت الفكس خاصه انه معقم ويفتح المسمات (( يا خطيره )) :)
نورتي الموضوع اختي الغاليه ومشكووووووووووووووره الصراحه استفدت منك كثيييير يالغلا واكيد البنات استفادوا بعد :)
>> لاتنسين تردين علي عن ماكينة الرجل وانتي بكرامه >> واحنا شورانا غير المخاسير ههههههههههههه
ح
الحياه الورديه نورتي الموضوع اختي جعل ايامك كلها ورديه ،،
لازم تتشجعين وتطبقين افكار خواتنا اللي شاركوا ماشالله عليهم كل فكره احلى من الثانيه ،،
شوفي اللي يناسبك من خبرت خواتنا وافكارهم وحالولي تطبقين (( اتفقنا الغاليه))
واكيد بندعي لك اختي انشالله ما تشوفين الا كل خير ويوفقك ربي في كل خطاويك

ملح الحليب

بس بغيت اسأل وش يطلع
ح
رابطة مشجعي بيض الصعو
ابي تشجييع منكم الله يخليييكم


رابطة تشجيع زينب الكويتيه
تشجييييييييييييييييييييييييييع لأحلى بيض الصعو لكي تزداد بياض وجمال
ههههههههههه شرايج في التشجيع
نورتي الوضوع اختي وشكرا على مروك ومشاركتك بالنسبه لماي الورد نسبته مش محدده انتي واللي عندج ههههههههههههه انا احط غرشه كامله بس لاتخلينه يجيس شعرك يقولون مب زين
اختي زينب اتمنى تستفيدين وتتشجعين نورتي الموضوع يالغلا
X