ما هو أحسن كريم مرطب أستخدمتيه .. تعالوا شاركونا

oil _ free

Moisture spf 15

Neutrogena

أستخدام هذا المرطب ومرتاااااحه الحمدالله

وعليكم السلام ورحمه الله وبركاته
موضوعج حلو الصراحه بس مو احلى منج (r) توته الصغيرونه احم كح كح
جربت مرطب من ايف سان لورن وايد عجبني رحت للخبيرة وقلت لها ابي مرطب خفيف للبشرة .. انا بشرتي عاديه عطتني لوشن خفيف اسمه HYDRA TECH وايد عيبني الصراحه وعطاني ترطيب وايد حلو وفي حمايه خفيفه 8 من الشمس والحلو فيه انه يعطي البشرة ترطيب على مدار ال24 ساعة ولجميع انواع البشرة وحتى الحساسة وفيه منه لوشن وكريم ومادري شو الثالث يكون على كذا شكل ... وحتى لما اغسل ويهي كذا مره باليوم ما احس بأي جفاف بالبشرة مو مثل الكريمات الباقيه لما تغسلين ويهج تشقق من الجفاف وهذا الحلو بالمرطب وبعد بشرتي صايرة ناعمه ونديه
HYDRA TECH optimum hydration lotion spf 8

بنت ديره

هلا وغلا .. مشكورة على المرور ... نيتروجينا ماركة حلووة وأنا شفت هالمرطبات تبع نيتروجينا بس لسه ما جربتهم

تسلميين

طيف عاابر

هلاااا وغلااا فيك ومشكوووووووووورة على المرور

مبين على المرطب رووووووعة أحس انه يخلي البشرة ناعمة حييييييييييييل والوصف يهبل .... وكويس انه خفيف لأني بشرتي دهنية شوي عند الخدود والأنف ...... بس حبيت أسألك عن سعررره ؟

تسلميييييييين

تحيااااااااتي

تووووووووتة

احسن الانواع من لوريال وكرستيان ديوور عن تجربتي الخاصة

roses

هلا وغلا ومرحبا ...... :)

مشكوورة على ردك الحلوو .. ولوريال حلوة في ترطيبها . بس انا جربت كريم مرطب سمبل للتجربة من ماركة لابريري رووووعة خلي بشرتي ناااااااااااعمة حيييييييل عشان كذا سويت x كبيرة على مرطب لوريال ....

وكريستيان ديوور ماركة معروفة وحلووة بس ما جربت كريماتها بس الجلوسات ... وكم من مرة بودرة واساس

بنات صديقتي بتمدح مرطب كلينك .. تقول انها تحطه قبل النوم على وشها ولما تصحى تكون بشرتها وووووووواااااااااااووو روعة مرررة

وهذي هوو

[احسن الانواع من كرستيان ديوور عن تجربتي الخاصة

انا يعجبني مرطبات نيفيا وايد احسها طبيعية وحلوة

أنا صراحة كل ماأجرب شي مايعجبني ماأدري العيب من بشرتي أو من الكريماات ...

طيب أخوااتي إذا ممكن كل وحده تكتب السعر للكريم اللي تستخدمه ..

انا شخصيا أفضل ترطيب بالنسبة لي هو الجليسرين ،، يعطي ترطيب قوووووووووووي ونعومة حتى بعد ما تغسلين جسمج منه

وبالنسبة للماركات جربت نيتروجينا بعد واااااايد عجبني ،، وجربت بعد مجموعة كلينك الي هيه الصابونة والتونيك المنظف والكريم المرطب ،،،، وااااااايد روعة تحسينه ينعش البشرة ويرطبها مثل الزبدة عن جد رهيب

وجربت انواع ثانية بس ما عجبتني الصراحة تحسين تنشف بسرعه وما تفيد

انا عجبنى كلينك واولاى وشكلى بجرب اف سن لوران بعد مخلص منهم

عذاري البحرينية

هلا .. مشكوورة على الرررد وانتي تتتفقين مع roses في اختيار كريستيان ديوور

طلوع الفجر

هلا .. مشكورة على المشاركة ... نيفيا كلها أحسها طبيعية .. بس احسها دهنية بزيادة ... أي نوع بالضبط أستخدمتي ؟

chord

هلا ومرحبا .. يمكن ما أخترتي الكريم المناسب لبشرتك يعني بشرتك دهنية ولا جافة ولا عادية ولا نص نص .. كل بشرة لها الكريم الخاص فيها ..

بالنسبة للاسعار .. نيفيا ونيتروجينا وأولاي سعرهم وسط بسيط مش غالي مرة وهم ماركات معروفة ونيتروجينا معروف بانها طبية

أما كلينك غاااالية .. وكريستيان ديور ما عندي فكرة أتوقع غالية بس أرخص من كلينك

بنت الشاارقة

هلا ومرحبا

أنا عندي جلسرييييييييين بدولابي بس ما استخدمته .. بس احسه شوي حار على البشرة وما تمتصه بسرعة .. بجربه الليلة قبل النوم
أما كلينك واااااااااااو حمستيني علييه مرررة بس يبغاله ميزانية اذا بغيت اشتري المجموعة كاملة .. فخليني على المرطب احسسسن حتى أشعار اخر .. مشكورة يا قلبي

همس الخفوووق

مشكورة على الرررد وهلا فييك وواضح ان كلينك كثير استخدموه وعجبهم مرررة ...

تسلمون على الردود وبانتظار المزيد منها

توته صغيرونه انا بعد شفت البرنامج

بس قالوا ان الكلام عن ان المرطب يقلل من التجاعيد غلط ولا فيه شي من الصحة

مجرد يرطب البشره لا اقل ولا اكثر

عموما انا استخدم كلينك وايد حلو :)

هلا وردة العشرين

عيوني أي كريم مرطب فيه فيتامينات ومغذيات وهذي بدورها تغذي البشرة وتجددها وبكذا تخف التجاعيد وتختفي الخطوط وهذا كلام كثير كتب وبرامج وناس ما تتخلى عن الكريم المرطب
ومشكووووووووورة ع الرد عيووني

انا استخدم مرطب مال بودي شوب ..زيت الشجره ..احس انه وايد فعال ويرطبلي بشرتي بطريقه ناعمه

انا استخدم زيت جونسون للاطفال بعد الحمام للجسم و خاصة الكوع و الركبة و الايدين
لكن في العادي بستخدم نيفيا لاني احس البشرة تمتصها بسرعة و بسهولة (نيفيا ميلك)

انا ما بستخدم شي لاني للحين مو عارفه شنو المناسب لي؟؟؟ راح اروح لمتخصصه بالبشره وانشالله افيدكم .... بس حبيت اسال عن اللى استخدموووا كريمات كليك واللى استخدمواا كريمات من ماركه ديوور ؟؟؟ شنو نوع بشرتهم هل دهنيه او عاديه او جااافه ؟؟؟؟ وهل ماركه ديور لها مستحضرات كامله للبشره يعني مرطب وتونيك وغيره وغيره او لا ؟؟؟؟؟؟



وشكرررررررررررررررررررررررررا

أنا أستخدم روك و هي ماركه طبيه

جربت مرطب كلارنس و ما عجبني فرديت على روك

شيخة البيت

هلا وغلا مشكوورة على الرد وبودي شوب ( كله على بعضه حلو )

تحيااااااتي

توووووووووتة

lammy
هلا وغلا ... فيه بنات ذكروا نيفيا بس أنا احسه دهني مرة .. بس فيه انواع كثيرة منه والظاهر اني اخترت واحد غلط

وردة الحب

هلا وغلا .. ان شاء الله يجاوبكي اللي جربووا ... بس لكل بشرة كريمها الخاص يعني كل نوع بشرة لها كريم خاص لها سواء كلينك وديور انتي خليكي البائعة تشوف بشرتك واتختارلك الكريم المناسب

whatever
هلا وغلااا .. مشكوووورة .. وروك ماركة طبية معرووفة ... أما كلارنس ما دري عنهااا

تسلمووووووون على الرد

تحيااااااااااتي

توووووووووتة