شريت الحلبة و الرشاد بس كيف أستخدمهم ؟؟

M

Miss.B

مشرفة سابقة

11-02-2006 | 08:42 PM

بسم الله الرحمن الرحيم
السلام عليكم ورحمة الله وبركاته

أعذروني يا بنات اذا اذيتكم بس انا غشيمة بهالمواضيع و أخاف أجازف .. انتو خواتي ما استغني عن مشورتكم و الله يخلي خواتي اللي ساعدوني بموضوعي السابق ما قصروا الصراحه

:smile:

مثل ما قلتلكم بالأول صارت عندي لخبطة هرمونات خلت دورتي خفيفه و توقف على ثالث يوم و نويت ان شاء الله آخذ حلبة و رشاد هالشهر مثل ما انصحتني وحده من الأهل عشان أتنظف عدل و أتخلص من التفخه اللي مضايقتني و زايده وزني بسبة احتباس الدم

المهم اليوم رحت شريت الحلبة و الرشاد لكن بسألكم عن طريقة الاستخدام ؟؟

ما عليكم أمر يالغاليات أبي أعرف شلون آخذهم يعني أسفهم مع الماي ولا أغليهم ولا أخلطهم بالأكل ؟
و الكمية شلون سواء للحلبة أو الرشاد ؟
أطحنهم ولا أخليهم حب ؟
كم مره باليوم ؟
أظل عليهم طول الدورة ولا بس أول الأيام ؟

علماً بأني غير متزوجة

و الله يعطيكم العافيه
:flower:

ر

روضة بوظبي

عروس ماسية

12-02-2006 | 07:45 AM

ماعندي فكرة كيف استخدامها للدورة !!

اللي اعرفه ان الرشاد يستخدم بعد الولادة لايام النفاس

والحلبة تشرب علشان ادر الحليب على الياهل

ان شاءالله البنات ايفيدونج

ح

حلوووة البحرينية

عروس ذهبية

12-02-2006 | 08:31 AM

مثل ما قالت الأخت نهر جاري ... الرشاد والحلبة حق ما بعد الولادة ... بس حق تنظيم الدورة أول مرة أسمع عنه ... عندك الدارسين وااااااايد زين تنظيف ما بعد الدورة ... يعني تأخذين ملعقة دارسين (قرفة) مطحون مع نصف لتر ماء ... يغلا ثم يشرب في آخر يوم من الدورة ... فهو يعمل على تنظيف الشوائف وأي متبقي من دم الدورة ....

M

Miss.B

مشرفة سابقة

12-02-2006 | 09:06 AM

نهر جاري
حلوة البحرينية

تسلمون خواتي ما قصرتوا

:)

الحلبة و الرشاد قالولي عنهم ينظفون الرحم أثناء الدورة لكن ناخذهم بكميات أقل طبعا من النفاس .. القرفة جربتها بس ما حبيت طعمها و ما قدرت أشربها من كثر ما اهي حاااارة

ك

كويتية / بنت مشرف

عروس مشاركة

12-02-2006 | 09:41 AM

خلطيهم مع نسكافيه وشربيهم
لووووووووووووووول

ا

الاندلس

عروس مشاركة

12-02-2006 | 03:13 PM

شوفي صلحي كاسة حليب او زنجبيل مع دارسين تطبخينهم 10دقائق بعدين تكون الحلبه مطحونه كويس وعلى الريق تاخذين ملعقه وبعدين تشربين عليه الحليب او الزنجبيل بس خليه حلو بس مو مره لان الحلبه مره وبنسبه للرشاد ماله داعي وفيه حاجه حلوه تنظف الرحم وتخلي المره المتزوجه مامعه سوائل حتى للبنت زين الي تبغاه راح اقوله عن اسمه

M

Miss.B

مشرفة سابقة

12-02-2006 | 03:50 PM

الأندلس

تسلميييين يالغاليه ما قصرتي

ملعقة حلبة مطحونه و فوقها الحليب .. تمام

:)

الرشاد وايد يمدحونه و اذا اتعرفين بعد شلون طريقته ياريت تفيديني

بس ما علمتينا عن السر الثاني ؟؟؟ انا ناوية على روحي هالشهر ماراح أخلي شي هههههههههه

س

سندس84

عروس رائعة

12-02-2006 | 03:57 PM

اممم تبين الطريقه الي يسوون فيها الرشوفه((مثل الشوربه بس بطعم حلو)) الي يحطون فيها الحلبه والرشاد الى الوالده يعني..

ف

فوانيس

مشرفة سابقة

12-02-2006 | 06:16 PM

هلا و غلا مس بِ

منــــوره يا الغاليــــه

احيانا اشرب القرفه او الزنجبيل او الرشاد

و مفعولهن ممتاز

و خاصة الزنجبيل

M

Miss.B

مشرفة سابقة

12-02-2006 | 07:13 PM

سندس84

تسلمين يالغاليه بس مو هذا قصدي .. أقصد طريقتهم بالأكل
البعض يغلونهم مع ماي و سمعت انهم ينلهمون ناشفين و ناس اتقول حطيهم مع الأكل .. الصراحه احترت
حتى الكمية لي الحين مو قادره أحددها بالضبط

:)

فوانيس

بعد عمري يا فوانيس لما اشوفج يشهد ربي استاااااانس
انا الحين محتارة بطريقة الرشاد .. الأندلس ما قصرت و قالت الحلبة تنشرب مع الحليب لكن الرشاد شلون ؟
اغليه مع ماي ولا أحطه بأكلي ؟ و المقدار اشكثر ؟
الله يوفقج فوانيس ساعديني ترى اللي يشوف كرشي يقولي داشه الرابع ههههههههههههههه

j

joree2000

عروس مشاركة

12-02-2006 | 08:34 PM

اختي ارسلتلك رسالة خاصة بخصوص موضوعك بس تعذر انك تستلمينها
ماادري اش المشكلة

M

Miss.B

مشرفة سابقة

12-02-2006 | 08:54 PM

joree2000

حبيبتي جوري عدلت الخلل .. ياريت ترسلينها مره ثانيه ما عليج أمر و ان شاء الله توصل هالمره

:)

j

joree2000

عروس مشاركة

13-02-2006 | 01:14 AM

ها اختي وصلك شئ على البريد انا اسفة على التاخير بس جوني ضيوف على غفلة ومااقدرت ارسلك

M

Miss.B

مشرفة سابقة

13-02-2006 | 10:57 AM

joree2000

وصلتني رسالتج و رديت عليها

:)

مشكووووووورة يالغاليه ما قصرتي