هديه رومانسيه لزوجج او خطيبج..ادخلي و تفرجي

سيارة ار سي


طبعا هالسيارات ريموت كنترول بس غاليات على 3000 درهم تقريبا و اللي تباهم من الامارات تشوف محل بيت الهوايات عدال مركز بوهيل..و هالسيارات للبالغين فقط..و شي طيارات بعد

ساعه منعكسه على الجدار


كنت شاريه وحده من نكست بس خلصو..تلقونهم في محلات الالكترونيات

جهاز تحديد المواقع



تلقونهم في محلات الالكترونيات..خصوصا للي ريلها يحب القنص و الحداق

عجبتني الساعه النعكسه على الجدار حسيتها انسب هديه
لأن زوجي ما يحب الشوكولاته والحلويات ولا الدببه والالعاب
لكنها افكار حلوه جدا وممكن اهديها لبنت كمان
مشكوره عزيزتي

ليتات الليزر



الرياييل يحبون هالسوالف و موجوده في غرائب طرسام في الستي سنتر

شنطة ادوات التصليح



بتلقين وايد في ايس هاردوير في شارع زايد مختلف الاحجام و الاسعار..خصوصا اذا ريلج يحب السيارات او تصليح الاشياء في البيت

مشغل افلام الدي في دي المنتقل



تلقينه في كارفور اسعاره على الف درهم تقريبا

كوب



تقدرين تسوين كوب على كيفج في محل في صحارى عدال الالعاب يحط لج الكتابه اللي تبينها و الصوره اللي تبينها على الكوب..هديه حلوه

ليت زينه



هالليت حلو و يعيب الشباب و موجود في غرائب طرسام

شجر البامبو



هديه حلوه لو يشلها المكتب معاه في الدوام..و موجوده في القريه العالميه

نافورة الكاكاو للمناسبات الرومانسيه



و في اخوات في المنتديات يبيعونها

ميدالية كل شي



طبعا هاي الصوره مب نفس الشي..انا اقصد الميداليه اللي فيها كل شي..سكروب و مقص و و و و
تلقينها في الستي سنتر تحت الماجيك بلانت..عند محل تصليح الاحذيه و اسعرها 200 درهم تقريبا

لعبة مونوبولي



تلقينها في تويز ار اص

اي بود



اذا زوجج يسير الصاله يلعب رياضه او يركض..فهذي هديه مناسبه جدا

تلقينهم في فيرجن ميجا ستور في الستي سنتر..و الاسعار اقل و اكثر بشوي من الف درهم على حسب النوع و المميزات


كاميرا تصوير



اذا زوجج يحب التصوير و موجوده في كل محلات الالكترونيات بأسعار مختلفه

يعطيك ألف ألف عافيه..
كل وحده احلى من الثانيه..
وعجبتني فكرة نافورة الشوكولاته.. كل الافكار حلوه
وننتظر جديدك يا قمر...

تي في تونر



هالجهاز يخلي ريلج يشوف التلفزيون في الكمبيوتر
تلقينه في محلات الكمبيوتر..بس ما اعرف سعره

شاشه مسطحه للكمبيوتر



تلقينها في كارفور السعر يبدأ من الف درهم على حسب المميزات و الحجم..خصوصا اذا زوجج يحب الكمبيوتر او يحب يتابع التداول على الكمبيوتر

ميموري كارد للموبايل



اذا تلفون زوجج من انواع التلفونات اللي فيهم ميموري كارد اشتريله واحد مع 256 ميجابايت
موجود في محلات الموبايلات و سعره 200 درهم و شي

نظاره شمسيه



اذا تعرفين شكل ويهه عدل و واثقه من نفسج انج تقدرين تختارين له النظاره المناسبه...خذيله نظاره شمسيه و تكون ماركه
تلقينهم في باريس غاليري

عطر



الهديه التقليديه و المتجدده...دايما في عطور يديده..خذي ست كامل يكون احلى..احيانا نفس الماركه و احيانا اخلطي

ساعه



الساعه ايضا هديه تقليديه ..لكن تقدرين تغيرين فيها..سير جلد مثلا او رياضيه..او غاليه اذا ميزانيتج كبيره

ميداليه



يا تكون ماركه غاليه او شي رخيص بس مكتوب عليه اسمه او اهداء

بوك



في هذي الحاله دوري اصغر بوك في المحل و اشتريه..و قبل لا تسيرين..دققي عدل في بوكه اللي عنده من قبل و خذي مثله بالضبط..لان يحبون ستايلات معينه في الابواك..كل واحد و ذوقه

بزمه



اذا ريلج يحب يلبس كندوره ام كلرات..بس لو كندوره عربيه لا تتهورين و تشترين تراه ما بيلبسهن

بجامه



بس طبعا مب مشجره و قبيحه مثل اللي في الصوره..و طبعا شوفي اذا ريلج مممكن يلبس بجامه او لا..لانه اذا راع وزار و فانيله ما بيتخلا عنهم و لا تفكرين تغيرينه..لكن اذا هو يلبس من قبل..شوفي بجامات دبنهامز خصوصا الحين الجو بارد و ايضا بجامات كالفن كلاين

كيكه





اذا طباخه ماهره سويها بروحج...او طلبيها..مخبز قيصر عنده كيكه على شكل قلب..و اكتبي عليها اللي يعيبج

كب كيك





طبعا انتي سويه..او اشتري جاهز من الجمعيه و حطي عليه كريما..و حلو لو تكتبين حرفه و حرفج عليه

برجر القلب



اتوقع هذا سهل ما يباله شي بس قطعيه على شكل قلب

و لا تنسين..الطريق الى قلب الرجل معدته لوول

موبايل



هذا الموتورولا يحبونه الرياييل لانه وايد ضعيف
او كوميونيكيتر اذا ريلج يحب الاسهم و يتداول عن طريق الموبايل

غطاء للعطر



فكره حلوه و تغنيج عن التغليف

فن



استهبلي مره و ارسمي عمرج و ارسمي ريلج و عيالج و لصقيهم على باب الثلاجه..بس بطريقه كيوت طبعا

نحت على الكرستال و الخشب





تلقينهم في المعارض و تحطين اللي تبينه و يصير صور بعد على الكرستال

كاكاو الجسم و النكهات



طبعا مكود في لاسينزا..للحظات الرومانسيه

غرشة الحب



هذي سويها بروحج و الغرشه ام سداده تلقينها في الدايسو في لامسي بلازا او ستي سنتر الشارجه بخمس دراهم

تي شيرت على كيفه



سويله تي شيرت على كيفه او كيفج اي صوره تبينها او كلام..في المحل اللي في صحارى صوب الالعاب ب 45 درهم

مخده



ما اعرف وين تقدرين تسوينها..بس اشتري الوان القماش من مكتبة دبي للتوزيع و جربي تسوينها بروحج

بنات لا تنسوني من دعائكن الطيب

بسير ارقد الحين و برد عليكم باجر اذا الله راد

واااااااااو

شي اكثر من مميز حبيبتي

بصراحه عطيتيني افكار بجد كنت محتاجته

ربي يوفقج و يسعدج