بنتي ما تنطق ...شسوي ساعدوني

اهلا اختي دهن الورد...

دام بنتج عمرها سنة ونص للحين اتوقع عادي انها ما تكلمت..

في بعض الاطفال ومنهم ولد اختي.. يظلون يجمعون يجمعون كلمات وجمل وبعدين مرة وحدة ينطقون يقولون كل شيء..

ولد اختي ما تكلم الا بعمر السنتين والنصف، لكن ما شاء الله كل شيء كان يقوله...

تقدرين تودينها لطبيب اطفال عشان يتأكد من سلامة حواسها خصوصاً السمع والنطق عشان تتطمنين...

بسم الله على بنتج .. بس ما اتوقع ان هالشي طبيعي ..

لانه الطفل من صغرة لازم ينطق حروف ويخربط ...

بس الغريبه .. انج ما انتبهتب لهاي الاشيا ..

يعني انا الصراحه من بداية الاشهر كنت اتابع النطق عنده يعني كنت اقوله يوم هو شهرين اغووووو اغووووو وحاولت معاه اليما سمعت منه ..

وعقب تاخر شوي اليما قال بابا وماما خفت وعلى طووول وديته عند الدكتور قالي طبيبعي ... الخوف من انه يكمل ال5 شهور وهو ما ينطق باي حرف .. والحمدلله

بس حبيبتي ودي بنتج عند الدكتور عشان تطمنين لا سمح الله ...

لا تهملين اي شي .. حتى لو هالشي ما ينخاف منه انتي اذا وديتيها مب خسرانه شي ...

صح قوم بو سنه ما يكونون جمل بس يطلعون حرف او حرفين متصلين .. ووايد يخربطون بلغتهم الخاصه ... ما شاء الله مربايت عمتي الحين سنه وترطن كلمات اتحدى الي يفهمها :dd:

اختي جمانه ..تسلمين على الرد ...
اختي بجعه...مشكوره على الرد...وانا بنتي مب انها ساكته على طوول ..بس ما اعرف شقولج..انا يوم اقارن بينها وبين اليهال الباجين احس انها ما تقول شي ابدا..مع اني والله كم ارمسها واقولها قولي ماما ...تهز راسها ..تقول لا...اخليها تشوف التاليتابيز...واييب لها العاب فيها صوت ..بس ما ادري مب راضيه ترمس ..بس مثل المناغاة يعني غاغاغاغا...بس تقريبا ها الي تقوله ..بس شكلي لازم اعرضها على دكتور ..بس يار ترا شو الفحص الي بيسويلها

اختي دهن العود لاتخافين على بنتج انا عندي ولدي عمره سنتين ونصف للحين ماقال كلمه ماما وبابا ونفس طريقه بنتج يحب يلعب بروحه بس الدكاتره طمنوني انه شي عادي دام اهو يحب يلعب ويتخيل لالعاب اشياء هاي شي طبيعي اصبري اختي وحاولي دايما تكلمينها وانصحج اتودينها عند دكتور للنطق اهو راح يعلمج اشلون تتعاملين معاها دامها صغيره احسن لها من الحين والله يخليها لج

احب اقولج ان الدكتور راح يسوي لها فحص السمع اول شي وذا تاكد ان سمعها زين بيعطيها دورات تعليم النطق هاي شي عادي لاتخافين عليها

أختي حاولي اتسمعيها القرآن و كلميها كأنش تكلمين واحد كبير و إن شاء الله بتتكلم و بتصير ولا أحسن منها

مرحبا اختي

والله قلبي عورني وايد

الغاليه اتمنى انه بنتج نطقتج يارب

لانه الموضوع من كمن شهر

ولو مانطقت احسن شيء تودينها عن دكتور مختص بالنطق


وطمنيني يا الغلا

والله يا دهن الورد انصحج انتودينها ابسرع وقت اتسويلها فحص سمع لان لاسمحه اله فيها شي تتعالج ابسرعه لانها صفيره وانشاء الله مافيها شي لان ابنتي اسمله علي بنتج عنده مشكله في عصب السمع وهي تقول وهي صغيره ما ما وبا با وقالو عنه ماتكلم بعدوجابولها مختصين اعلمونها الاشاره وهي في السنتين من عمرهاواناجلستين ورفضتهم لان اعرفه حجي فاضي والحمد الله الحين الاسانها طول اذانها وترفض لبس السماعات والحين هي زينه معنه خوفوني وفقدو فيني الامل معنه الامل موجوددايما انشاء الله وهي ماقامت السولف من اختها كبرت وقامت اسولف فبنتج تبي يهال العبون معاها وتعلم من هم الكلام وماطول عليج وتقلقين انشاء ماكو شي

والله يا دهن الورد انصحج انتودينها ابسرع وقت اتسويلها فحص سمع لان لاسمحه اله فيها شي تتعالج ابسرعه لانها صفيره وانشاء الله مافيها شي لان ابنتي اسمله علي بنتج عنده مشكله في عصب السمع وهي تقول وهي صغيره ما ما وبا با وقالو عنه ماتكلم بعدوجابولها مختصين اعلمونها الاشاره وهي في السنتين من عمرهاواناجلستين ورفضتهم لان اعرفه حجي فاضي والحمد الله الحين الاسانها طول اذانها وترفض لبس السماعات والحين هي زينه معنه خوفوني وفقدو فيني الامل معنه الامل موجوددايما انشاء الله وهي ماقامت السولف من اختها كبرت وقامت اسولف فبنتج تبي يهال العبون معاها وتعلم من هم الكلام وماطول عليج و لاتقلقين انشاء ماكو شي(f) :shy: :shy: :shy:

ما عليها شر انشاالله وأحسن شي الواحد يطمن، أنا بالنسبه لي أي شي أشك فيه حتى لو حبه صغيرة أودي ولدي أطمن بس عشان ما أتم أوسوس ويرتاح قلبي،،
حبيت أقولج الغالية بشكل عام لا تقارنين بنتج بالأطفال الباقيين لأن قدرات كل طفل تختلف عن غيره، وكل طفل له بيئه وجو خاص ينمو ويعيش فيه..
ما أريد أطول عليج بس نصيحتي على الأقل وديها عند الدكتور عشان يطمنج وانشاالله تكون بخير وعافية

فينك يادهن الورد
طمنينا على الكتكوته
ان شاء الله نطقت


تحياتي

الله يخليلج بنتج ....

بس ما اظن ان هالشي طبيعي لانه انا عندي ولد وما شاء الله عليه يتكلم يخربط بلغته .. وكلمة ماما وبابا ودادا قالها من 7 او 8 شهور ... وللعلم ان البنت تتكلم قبل الولد وتستوعب اسرع عن الولد ...

انا اشوف الاحسن انج تعرضينها على طبيب مختص عشان تطمنين وتطنينه على الحلوه ...

عيل ابشرج ولد اختي عمره 3 سنين الحين بس بدا يرمس لا والرمسه منقعه..

فلا تحاتين مرات الوراثه تلعب دور..يعني اذا كان حد من صوبكم ولا من صوب ابوه تاخر ف الكلام ف يمكن يكون ماخذ ها الشي منه..

السلام عليكم و رحمة الله و بركاته

الغاليه عيال أخويه كلهم متأخرين في الرمسه و البنت بعد بالمره و جريب إتكمل أربع سنوات

إن شاء الله ماعليها الا العافية،، في أطفال يتأخرون بالكلام،، عندي بنت خالي عمرها سنة و4 شهور وبعدها ماتتكلم غير كم كلمة، مع أن كل مراحل النمو كانت عندها بسرعة الا الكلام..
للأطمئنان خذيها لطبيب مختص يتأكد من الحواس،، وأنت بدورك كلميها على طول أشري على الأشياء ونطقيه كذا مرة يكون تحفظ الأسم... طمنينا أختى

دهن الورد بنتج مافيها الى العافيه بس هي متكبره شوي<<<<خخخخخ
لاتخافين مثل ماقالو الاخوات مافيها الى العافيه في اطفال انواع الي يتكلم من عمره سنه والي من عمره سنتين وفي الي مايمشي الى متاخر لاتخافين الله يطمنج عليها ان شاء الله .
.
.
.
.

يااختي هدا مرض التووحده ادا طفل مايحب يشاارك حد ويلعب معاه ودوم يبي لووحده ويتاتا بكلام على طول افهمي التووووووووووووووحد وهشي معرروف

استغرب من الاخوات يقولولج ب3سنين مايتكلم وعاادي

لا مش عاادي هالشي موطبيعي

عروس الدوحة اسمحيليه بس شو هالدفاشة ف الرد ؟ :mad2:هذي ام وقلبها يعورها ع بنتها ..
اختيه انا اقولج عن تجربة مع اصغر اخوانيه عادي تم لين عمره 3 سنين مايتكلم رغم انه كان يفهم كل شي حتى ابويه شك انه مايتكلم بس الدكتور قال عادي مافيه شي ..
واحينه عمره ماشاء الله 13 سنه حبوب واجتماعي وطيب بس ملسوووون يعل القلب اذا بغى شي..
بس هذا مايمنع انج تعرضينها ع طبيب عشان اتكونين مرتاحة وعسى الله يطمنج عليها

حبيبتي لا تحاتي و لا شئ ولدي عمره سنتين و يتكلم كلمات بسيطة و اللي بعمره كلهم يتكلموا جمل
و أعرف ناس تأخروا في الكلام لسن أكبر و ألحين يتكلموا بطلاقة
و بعدين البنت تسمع كلامك و تفهم
---هذا الشئ يطمن ( السمع و الاستيعاب ) عندها اوكي ---
و إذا على اللعب لحالها مو ضروري يكون توحد و خاصة لما تكون بنتك البكر يمكن تكون تعودت تلعب لحالها
بكرة تكبر و تلزق في الأطفال الثانيين
عموماً هذا الشئ ما يمنع أنك تعرضيها على الطبيب
و إن شاء الله ما يجيها إلا الخير
طمنينا عليها خيتو