قصت ولدتي بنفل

مبروك اللي ولدو جميعا ....

العلم سلمتكم خواتي ...

بتارخ 19 /1/2006 يوم الخميس بدات قصتي كنت صاحيه بدري ونشيطه ومسويه حملت تنظيف في البيت ...وشهيتي مفتوحه للاكل وافطرت وتغديت ..ورحت ابي انام الساعه 2 الظهر لكني حسيت بالم خفيف خفت وقلقت لاني حسيت انها ولاده وكنت انتظر الالم يزيد واقول الى زواجي لكن الالم مره خفيف بس على المغرب لقيت نقطه من دم خفيفه بعده خفت بس الالم خفيف مره بس الساعه 10 كلمت امي مع انها بعيده مني وقلتلها قالت عادي وانت باقي على موعدك 3 اسابيع بدري هذا تعب من الشغل اللي سويته روحي نامي بس انا كنت قلقانه وكل اشويه اروح الى الحمام والقى نقطة دم مره ثانيه واكلم خالتي (ام زوجي ) قالت اشربي قرفه واكلي تمر واذا زاد الالم روحي المستشفى واكلت تمر وشربت قرفه لكني على طول رجعتها لان كبدي تحوم والم زاد وكانت الساعه 2 الليل وصحي زوجي واقوله ياله المستشفى وهو مو مصدق ابدا وامر خالتي وادخل على الدكتوره وتحط الجهاز وتقول الرحم مفتوح بس 1 ونص ودخلتني غرفه وحطت الجهاز فيني ومغذيه وانا اقرى سورة الزلزله كل ما جات الطلقه واحس انه يخف الم جد ويوم جات الساعه 4 الفجر قالت السستر قومي امشي اشوي وطلعت امشي مع زوجي وخالتي في المستشفى وكل ما جات الطلقه حضنت خالتي مره وزوجي مره وهم حليلهم حاسين فيني فديتهم وبعدين الساعه 6 قالت الدكتوره تعالي اكشف عليك قالت الرحم مفتوح 4 سم يله غرفة الولاده ودخلت الساعه 7 الصبح غرفة الولاد والساعه 8 ولدت وجبت احلى بنوته ..وكان يوم الجمعه بتاريخ 20 /1/2006
والله الحمد ما تعبت كثير وكانت ولدتي سهله ..لكن الخياطه كانت مره متعبه لاني سويتها مرتين لان المره الاول كانت خطاء عشان كذا دخلوني غرفت العمليات واخذت تخدير كامل وفكو الخياطه الاول وسويت خياطه ثانيه ..بس الحمد الله على كل حال
ونصيحتي للي تولد انها تحاول تتنفس زين قصار جهدها ولا تدفع قبل الكتوره ما تقولها ..
وهذا علمي وسلامتكم ....