ساعدوني...كيف اعلم طفلي يحل واجباتة؟؟؟؟

احتي nono

ثاني روضه صغيره
بدري على الواجبات

لا تجبرينها خليها تلعب وتنبسط
في هالمرحله

وبعدين الواجبات في هذي المرحله مسؤولية المعلمه

اذا صارت تمهيدي شدي عليها شوي بس مو بالضرب ابدا عشان ما تتعقد

واذا عندها احد اكبر منها يدرس خليه يحل واجباته معاها عشان تتشجع وتنافسه

والله يخليها لك

ذكرتيني بولد اختي.. كل الامراض يشتكي منها وقت كتابة الواجبات... :D

عالعموم.. وقت كتابة الواجبات ينبغي انتقاؤه بعناية...

لا تطلبي من الطفل ان يكتب واجباته فور عودته من الروضة فقد يكون متعباً..

او وقت عرض الرسوم المتحركة، او لعب اخوانه بجنبه..

اطلبي منه ان يرتاح قليلاً ، ثم ابدأي معه مجدداً..

اعملي باسلوب الثواب بدل العقاب.. " اذا حليت الواجب كله، بنروح الحديقة المغرب "

:)

المشكلة انها الوحيدة...اول واخر العنقود..بعدين مثل ما قلت انا ما الجا لاسلوب العقاب الا في نهاية المطاف وبعد فشل كل الوسائل..وبالنسبة للمكافاة بعد حل الواجب البنت تلعب علي وتاخذها قبل البداية بالواجبات لو وعدتها اسوي لها او اعطيها شي.

عزيزتي شوي شوي عليها وفي هالسن الطفل يقدر يحفظ اكثر من ما يكتب

ويفضل انج تحفضينها مثل السور القصيره او الحروف او الارقام او ما شابه من التعليم

لأنها توها في سن الروضه ولا تلجأين للضرب ابداااا لأنه بعدها را تكره الدراسه فبذلك راح تكبر المشكله

ومثل ما قتلج في هالسن الطفل يكون مستوعب اكثر للحفظ لا للكتابه الا بقدر بسيط جدا وعلى فترات

واتمنى اني افدتج وطمنينا عنها :)

الي ردوا على يشكرون...والي قروا مشاركتي اتمنى يستفيدون
بالنسبة لبنتي احب اقول انها ذكية ,,,,بس مزاجية
وانا لاني موظفة الرجع قريب العصر اتغدى واصلي وانام (وبنتي بعد تنام) , يعني ما فية حل واجبات لين بعد المغرب.
المشكلة اذا حد بيزورنا او انا مشغولة او نبغي نطلع ياللة نكتب عشان نخلص ونروح ,, تبتدي تتملص ماما بعدين , اذا رجعنا,حبيبتي ياللة نشوف المس شو عطتج اليوم تبتدي تتلهى عنى وتعطيني بو طناش!!!!!!!!!!!!!!!!!
هي في الحفظ ماشاء اللة عليها تحفظ مع المدرسة, بس المشكلة انها ما تتجاوب معاي في البيت وابوها اذا تاخرت يقول خليها تنام بدون ما تحل!!!!!!!!!!!!!!!
بالنسبة للمكافات مارستها بكل انواعه...الحلويات, السوبرماركت, الستكرات والستار بس التجاوب على حسب المزاج.

اختي انظري هذا الرابط

هنا

لا تعبينها ولا تضغطين عليها

اصلا العمر هذا عمر حفظ..واليدين مااكتمل نموها عشان تعذبينها بالكتابه كافي اللي تسويه بالمدرسه

اهم شيء بعمرها تنمين عندها ملكة الحفظ..وانتي بتلاحظين انها تحفظ بسهوله مو زي الكتابه .

انا قريت اكثر من دراسه علميه تحذر من الكتابه قبل سن الخمس سنوات

لاحقين على تكسير الاصابع بالابتدائي

اتمنى لك كل السعاده

أنا بقلك شو تعملي

ما في اشي اسمو صغير طفل متل العجينه كيف ما عجنتيها بتمشي. أول شي نظمي وقتها يعني زي ما في ساعة لعب في ساعة واجبات بعدين دايما قوليلها في شي جديد لازم تعرفي حتى تكبري خلي الدراسه متعه الها المكان الدّفتر خلي في مية لون القلم نقي ملفت للنظر جيبي طوابع وكلشي صح طبعيلها وكمان لما تكتب صح زقفيلها وامدحيها وقدام الناس كبري راسها لا تقولي ما بتفهم هذا الجيل بفهم كلشي جربي وباذن ربنا راح تستفيدي تعبك وهيه صغيره راحه الك وهيه كبيره ونسيت أققلك خليها تعتمد عحالها قد ما تقدري ......................