بنت عمرها قريب الـ 21 و محتاجه مساعدتكن

السلام عليكم ورحمة الله وبركاته

مرحبا

أنا بنت بيصير عمري 21 في 17 فبراير

::المهم::

شعري طويل إلى نهاية ظهري تقريباً، مو غليظ و لا خفيف، ناعم بس يكش

شنو أعمل فيه؟

أنا ما أقدر اسشوره كل مره أغسله، لأنه من النوع الدهني عند الجذور، فباسشوره من هني، و بيدهن من هني.

ما أقدر أخليه مفتوح لأنه يكش.

ما أقدر أخليه كيرلي على طول لأنه يتعب.

فالشي اللي أعمله تقريباً طول الوقت، إن ألمّه و أرفعه، و أمسكه بالعضاضه (الكليب)، و هذا مو شي حلو أبداً.

يعني أنا توني في بداية العشرينات، و أبي أتعدل و استانس مثل باقي البنات، بس شعري مو مساعفني.

أنجدوني..أنجدوني..

أنجدوني جزاكن الله خير