سرير بأعمده

اختي بعطيج بعض الافكار واتمنى انها تعجبج

لاءنه انا وايد عاجبني فكره الفراش تكون فيه اعمده وممكن تغيرين بشكل لفراش من خلال الاعمده


ممكن اختي تيبين خيوط نايلون لضعيفه كلشه وتشترين كرستالات الي تكون مبطله ويدخل فيها الخيط وتحطين كرستاله وتربطين الخيط عشان ماتتحرك وتسوين نفس الطريقه لين يكمل الخيط كله بالكرستالات فيكون شكلهم حلوو ومن بعيد مايبين الخيط بس الكرستالات ويكونون على لون الكفر

وممكن تشترينهم جاهزين انا شفت لخيوط جاهزه وفيها كرستالات وفي بعضهم فيهم قطع ريش


وممكن طريقه ثانيه ممكن تحطين كله خيوط بلاستك وتشترين الجلاليب (الي ممكن تحطين ورقه على الخيط والجلاب اهوا الي يمسك لورقه بالخيط)اتمنى انج فهمتي قصدي
وتثبتين فيه كروت فيهم عبارة حب وشكر لزوجج لمن يقعد من النوم يشوفهم

او ممكن تثبتين فيه الاوراق والكروت الي تتبادلونها بالمناسبات وانتي وريلج تقعدون تبطلون واحد واحد وتذكرون احداث هل يوم

وطريقه ثالثه ممكن تحطين الخيط وتثبتين بجامة زوجج الي تحبين انه يلبسها بهل يوم

او ممكن تثبتين بالخيوط كلها حبات ككاو صغار

واتمنى انه وحده من هل الافكار تعجبج

يا سلاااااااااااااام عليج يا احلى_كويتيه

صدق انج خطيره ........زكيف ما يت هاي الفكره في بالي....................في رمضان جبت حبل ذهبي وجبت فوانيس صغار بالشموع تقريبا 6 ودخلت الخيط فيهم وربطته نفس ما قلتيلي بحركة الخرز...الصراحه الاضائه فيهم تجنن...أنا صورته بحاول اني ارسله لج...........

هم حلوه فكرة الفوانيس بس ديري بالج من حرارة الشمع ممكن تحرق الخيط ويطيحون

واتمنى انه الافكار عجبتج
وحطينا الصوره بالموضوع خل البنات يستفيدون من الفكره