الحمو الموت000ساعدوني

السلام عليكم ورحمة الله وبركاته

خواتي من عنواني بتعرفون نوع مشكلتي انا متزوجه من فتره طويله وعشت اول فترة زواجي فبيت اهل زوجي وكنت اعتبرهم اخواني يعني ما اغطي ويهي عنهم وناكل مع بعض ونسولف مع بعض وهذا الشي موجود فأغلب الاسر الاماراتيه عندنا حتى فبيت هلي يعني حريم اخواني مايتغطن عن اخواني يعني نحن تربينا على هذا الشي ونحن صغار انه عاادي:sad:

بس الحمدلله كبرنا وفهمنا وانا الحين ابغي اغطي ويهي عنهم بس زوجي رافض الفكره يقول الحين بتغطين لو من الاول بعد يمكن0000اقووله قبل انا ماكنت اعرف والحين عرفت وانته قبل كنت تعرف وماطلبت مني والاكنت غطيت ويهي من دون ما اتردد:mad2: 00انا زوجة الابن الاكبر وزوجة ابنهم الاصغر اول ماتزوجت كانت ماتغطي وجهها بس الحين طلعنا كل حد فبيت الحمدلله وهيه ماشالله عليها غطت وجهها:up: بطلب من زوجها وحصلو معارضاات واايده وانتقادات من اهل زوجي حتى زوجها كانيعلق عليها تعليقات سخيفه مع انه هوالي قالها تغطي ويهها بس في سبيل يضحك ويفرفش امه اون يمزح بوالشباب ويوم يكونو هم مو موجودين هات ياتعليقات وحش اعوذ بالله فالمخلووقه جدامي وجدام زوجي الله يستر انا من وراايه شو يصير ههههه بس خلاص الحين سكتو وتقبلو الوضع بس اهل زوجي مايحترمونها بس لاتفهموني غلط يعني مايسوون لها سالفه وجودها مثل عدمه لا يعني الحين هيه متغطيه بس نحن عندنا يوم الجمعه نتغدا مع بعض تتغدا معانا وويها متغطي :eek2:حرام تكسر خاطري صح اطيع زوجها بس يعني هو بعد يخليها تتغطى بس تقعد تسولف او تاكل يعني المفرووض يتخذون حل يامايجون يتغدون يا يفصلونا لوحدنا لانه نحن عايله كبيره الحين انا مو مرتااحه بانه ناكل مع بعض يعني ابغي حل اقنعهم انه نحن الحريم ناكل مع بعض والرياييل مع بعض00 وهذا احسه شي مستحيل لانه عمتي ماتقدر تتخذ قرار بتسمع مني وبتروح لعمي وبيسوونها سالفه انه انا ومرت اخووهم جينا ونبا نتحكم فيهم وفي ترابطهم الاسري :angry:0000وتدريجيا ابا حل عشان اقنع زوجي اغطي ويهي والله هذا حرام ومايصير يارب تغفرلنا مع اني اخفف روحات لهم واول مايدخلو ن اخوانه البيت انا ادخل فالغرفه يعني احاول على قد ما اقدر اني ما اشووفهم او يشوووفوني بس غصبن عني باكل معااهم يعني كنك يازيد ماغزيت---مثل
وبغيت اذا غطيت وجهي خلاص يحترموني يعني فالاكل والكلام والسوالف يكون فيه حدووود لين متى يعني:think:


الي عندها حل تسااعدني وماتبخل علي ادري الموضوع لازم ينحل من البداايه بس هذا الي صااار:sad:
اباحل ارجووكم ابا طريقه اقدر اتحاور معاهم لانه احس طريقة الحوار معدومه عندهم يعني اي موضووع بحاول افتحه بيفسروونه عكيفهم ومستحيل يعطووني مجال اداافع عن رااي وكلامي هذي نبذه بس عن طبع بيت اهل زوجي :cry:مع العلم انه زوجي حبووب وطيب انا اقدر اقوول بغطي ويهي بيقوولي عراحتج لكن فخاطره زعلان لانه كم مره عاد لي هالجمله شفتي شو الي يا لمرت اخوووي مافينا عالصدعه والحشره نحن خلينا مرتاحين00يعني اريح امه وابووه واغضب رب العالمين:cry:

هذي قصتي وادري طولت وانا كنت باخذ قراري خلاص بتغطى والي فيها فيها سواء يزعل زوجي والا اهله ميهموني بس قلت استشيركم يمكن اكون متسرعه لانه اخرتهم بيرضوون هما
لاني للاسف مااقدر استشير حد من اهلي لانه كلهم عندهم هذا المبدأ يابنت الحلال شوتبين بالغشووه000للاسف:down:



ممــــــــــــــكن طلــــــــــب نهــــــــــائي اي وحده تــــــــــــدخل تشارك لو بدعــــــــــــــــــوه لي مابي اشوف مشاهـــــــــــدات من دون مشاركـــــــــــــــات وربي ينول كـــــــــــل وحده تــــــــــــــــرد علي الـــــــــــــــــــــي فبالهـــــــــــــــــــــــا:clap::shy::smile:(r)تراني اليوم صاايمه ودعوة الصائم مستجابه باذن الله