زهقت زهقت من اختيار مكياجي لجهازي

والله انا تعبت وزهقت واحترت


انا فرحي اتأجل
الحمد الله علي كل حال


وقلت فرصة عشان ادور علي المكياج اللي ناقصني ده بقا

لاني الحمد الله خلصت كل جهازي وماباقي لي غير المكياج
اللي جنني وطلع عيني وبهدلني



اولا كريم الاساس

انا عندي بودرة فور ايفر المضغوطة اشترتها وهي غالية علي اساس انها كومبكت
وما تحتاج كريم اساس تحت منها



قالوا لي لا لازم كريم اسااس تحتها ماتنفعش لو حدها

بدات رحلة العذاب في البحث عن كريم ااساس


قلت بورجو قالوا لي مش قوي وخفيف اوي

قريت هنا في المنتدي وهناك كمان

قلت مايبلين اللي بيقولوا عليه زي الكريمة المخفوقة
قالوا لي حلو بس خفيف وما يناسب بالليل

وماكس فاكتور قالوا لي لا مش حلو


فور ايفر غالي جدا
وجيرلان اغلي منه بكتير

قالوا كريولان حلو وجميل
قلت فرصة موجود في مصر وسعره كويس




طلع تقيل اوي

وانا مش بحب الاساس اللي يغير الشكل وكاني واحدة تانية
كده لما اجي ازيله هحس ان وشي بهتان ومش هو شكلي وانا بالمكياج

وانا عايزا نوع حلو وقوي بس مش زي الجبس

لا نوع كويس واقدر اتحكم في تقله




ياخراااااااااابي زهقت وطلعت عيني


الله يخليكم قولوا لي علي نوع يكون كويس وعملي وحلو ينفعني وانا عروسة
واوصفوه لي


حتي لو مش في مصر اقول لخطيبي يجيبه لي من الخليج



وكمان

انا عاجبني جدا تاتو منتج الحواجب من فور ايفر
حلو جدا وبالذات لما شفت جويل بتستعمله في برنامج بالصراحة احلي

وخاصة اني عندي فراغات في حواجبي بسيطة

وهو عندنا في مصر بس غالي جدا


بليز اللي تعرف منتج زيه من ماركة تانية تقولي عليه بس مايكون غالي زي فور ايفر



الله يخليكم ساعدوني

والله زهقت ومضايقة كل يوم اقعد افكر واقول ها هشتري ايه
هعمل ايه

وبرضو مش عارفا اختار حاجة

لما زهقت واضايقت

ربنا لا يوريكم


ده غير لسا برضو اللون التركواز والابيض لكتب الكتاب ان شاء الله
والبلاشر الكريمي
وشوية مانيكير ل الاظافر

والحمد الله اشتريت الوان روج حلوة من بورجو وكمان بلاشر بورجوا

بس عايزا اشتري لون روز هادي اوي لكتب الكتاب برضو
والوان جرئية كمان للروج والمانيكير


والله فعلا مافي بني ادم خلقه ربنا
عاجبه حالي ومرتاح

لا البنت عاجبها حالها ومرتاحة


ولا اللي هتتجوز مرتاحة واهي تعبانةومزهقا الناس معاها باسئلتها وبمواضيعها (( دي انا طبعا))


ولا اللي متجوزة وعندها اطفال مرتاحة


ربنا يعينا ويهدينا يارب

وربنا يارب يوفقها وينولها اللي في بالها اللي تدخل وترد عليا وتساعدني عشان ارتاح