آلام في أسفل البطن!! - منتديات عروس

ر

روح سواف

عروس نشيطة

07-02-2006 | 03:42 PM

السلام عليكم ورحمة الله وبركاته ش

شحالكم يا بنات و حريم المنتدى؟ إن شاء الله الكل بخير

بغيت أسألكن :- أنا حامل ف الشهر السابع تقريبا ع نهايته و باجي كم يوم و بدش الثامن إن شاء الله، بس من البارحه أحس بألم فظييييييييع ف بطني من تحت وايد يعورني، قمت من النوم الساعة 4 و نص الفجر و من عقبها ما قدرت أرقد من الألم، سرت المستشفى الصبح سوت لي الدكتوره سي تي جي و طلع كل شي تمام لانها كانت تبى تتاكد تقول يمكن يكون ألم ولاده بس الحمدلله ما في شي وانا كنت اتوقع انه الألم سببه شي ثاني و بعدين سوت لي سكان و بعد قالت لي كل شي اوكيه ولله الحمد و يمكن يكون الألم طبيعي، بس أنا أحس الألم فظييييييع!! و الين الحينه بطني يعورني مع اني خذت اجازه من الدوام و رديت رقدت و بعد ما قمت من النوم للأسف الألم بعده مستمر..

ماادري هذا الشي طبيعي و لا لا، ياليت يا اخواتي اللي عندها خبره و خصوصها الأمهات اللي مرن بتجربة الحمل يخبروني و يطمنوني و يزاكن الله خير,,,

بس بليز لا تطنشوني..

اتريا ردودكم..

م

ماما حسون

عروس برونزية

07-02-2006 | 03:51 PM

ما عليج شر يالغالية

ما ادري انا ما صادفني هالنوع من الآلام اثناء حملي ولا كنت افدتج بشي

اتمنى من مروا بهالتجربة يفيدونج وان شا الله ما في الا العافية

سلامات

ا

ام نيلا

مشرفة سابقة

07-02-2006 | 03:55 PM

الله يكون في عونج ..

بنتريا الجواب من ذوات الخبرة ..

ر

ريم81

عروس ماسية

07-02-2006 | 07:29 PM

ان شاء الله البنات يفيدونج

طمنينا الغالية

ن

نجمة الرضا

عروس رائعة

08-02-2006 | 12:21 AM

الآلام الليي تشعر بها الحامل في أسفل البطن عادة تكون بسبب التهاب في البول و انتين بكرامه فحاولي تشربين سوائل كثيره و ماي ... و بعد تأكدي انه ماعندش التهاب في البول ...

و أمي دايما لما أشكو لها من الآلام تقول لي الحامل تحوي كل شي.... يعني كل الم و تعب و اجهاد يصيبها و هذا الشي عادي لأكثر الحوامل ...

و الله يسهل علينا و على الجميع ان شاء الله

ف

فوانيس

مشرفة سابقة

08-02-2006 | 09:49 AM

هلا الغالية روح سواف
اذا انتِ بكر فأظن الالآم طبيعيه جدا و تزيد بالتدريج للشهر التاسع
انتِ حاولي ترتاحي بقدر المستطاع و دايما ارفعي رجليك بمستوى جسمك
و ما تشوفين شر يا رب

ر

روح سواف

عروس نشيطة

08-02-2006 | 11:30 PM

ماما حسون:
ما عليج شر يالغالية

ما ادري انا ما صادفني هالنوع من الآلام اثناء حملي ولا كنت افدتج بشي

اتمنى من مروا بهالتجربة يفيدونج وان شا الله ما في الا العافية

سلامات

الشر ما ييج اختي ماما حسون..

يمكن تختلف أعراض الحمل من وحده لوحده..

ع العموم مشكوره يااختي ع ردج و ربي يسلمج من كل شر.

ر

روح سواف

عروس نشيطة

08-02-2006 | 11:31 PM

ام نيلا:
الله يكون في عونج ..

بنتريا الجواب من ذوات الخبرة ..

الجميع إن شاء الله

اوكي نترياهم...

مشكوره اختي ع ردج..

ر

روح سواف

عروس نشيطة

08-02-2006 | 11:34 PM

ريم81:
ان شاء الله البنات يفيدونج

طمنينا الغالية

إن شاء الله..

والله الحمدلله الألم خف عن قبل بس بعده موجوده، والتقلصات بعد مؤلمه..

الله يعين إن شاء الله، و تسلمين اختي ع ردج..

ر

روح سواف

عروس نشيطة

08-02-2006 | 11:36 PM

نجمة الرضا:

الآلام الليي تشعر بها الحامل في أسفل البطن عادة تكون بسبب التهاب في البول و انتين بكرامه فحاولي تشربين سوائل كثيره و ماي ... و بعد تأكدي انه ماعندش التهاب في البول ...

و أمي دايما لما أشكو لها من الآلام تقول لي الحامل تحوي كل شي.... يعني كل الم و تعب و اجهاد يصيبها و هذا الشي عادي لأكثر الحوامل ...

و الله يسهل علينا و على الجميع ان شاء الله

ماادري إذا كانت التهابات بس الحمدلله اخر مره سويت تحليل ما قالوا لي في شي ولا اني احس

بألمها ولله الحمد، و عن الشراب الحمدلله أشرب قد مااقدر..

تصدقين اختي نجمه انا بعد أمي يوم خبرتها قالت لي عادي الألم لازم تتحملين ولأن هذا أول مولود..

تسلمين اختي ع ردج..

b

birdy123

عروس نشيطة

08-02-2006 | 11:37 PM

حتى انا هاليومين تصيرلي الالم في اسفل البطن
انا حامل في شهري الاول وعندي عيال ..

واعتقد اختي اختي نجمة الرضا عندها حق في كلامها

التهاب البوم الله يعزكم يسبب هالشيئ
وضروري نشرب ماي بكثر .

شكرا الغاليه

ر

روح سواف

عروس نشيطة

08-02-2006 | 11:41 PM

فوانيس:
هلا الغالية روح سواف
اذا انتِ بكر فأظن الالآم طبيعيه جدا و تزيد بالتدريج للشهر التاسع
انتِ حاولي ترتاحي بقدر المستطاع و دايما ارفعي رجليك بمستوى جسمك
و ما تشوفين شر يا رب

هلا بج زود اختي فوانيس..

أيوه انا بجر، تصدقين اختي فوانيس حتى اميه قالت لي عادي هالآلام لانه أول مولود ولازم

تتحملين، حتى أحس بطني وايد صغير ويابس ماشي مساحه لتمدد البيبي ويمكن هالسبب، و خطوط

التمدد بدت ف أسفل البطن، بس إن شاء الله تروح عقب الولاده..

إن شاء الله برتاح بس دوامنا متعب،، الله يعين و يتمم الحمل ع خير و يسر الولادة علي و ع الجميع

إن شاء الله..

تسلمين اختي ع ردج.....

ر

روح سواف

عروس نشيطة

08-02-2006 | 11:45 PM

birdy123:
حتى انا هاليومين تصيرلي الالم في اسفل البطن
انا حامل في شهري الاول وعندي عيال ..

واعتقد اختي اختي نجمة الرضا عندها حق في كلامها

التهاب البوم الله يعزكم يسبب هالشيئ
وضروري نشرب ماي بكثر .

شكرا الغاليه

الله يعينج اختي birdy123 و يعين الجميع إن شاءالله،،

هيه والله مشكله هالالتهاب وعلاجها ضروري عن تزيد وتسبب مشاكل عوده لا سمح الله..

العفو اختي و تسلمين ع ردج..

ا

القلـ الجريح ـب

عروس جديدة

09-02-2006 | 01:08 AM

مراحب عزيزتي

انا فى حملي الاول كنت فى الاسبوع 34 كنت مثلج وايد بطنى يعورنى مثل الحيسات اتروح وترجع
قلت لامي امي قالت عادي عقب الحيسات بيومين نزل ماى عندى فجأه وعقب رحت المستشفى نوموني
والحيسات مكانها والماى بعد ينزل لين اربع ايام وعقب ولدت
واتمنى انج ما تهملين نفسج ارتاحي اكثر وراجعي الدكتوره خليها اتشوف عندج عنق الرحم

تحياتى لج