خلطه تلمع الشعر بسرعه فائقه

الطريقة :
1- تروحين للعطار : تقولين لو سمحت ابغى (( فوة ))
2- مواصفاتها :لونها بني غامق كنها عيدان صغار ( كنهاعيدان قرفة))
3- تروحين للبيت :تطحنينها بس لاتكثرين بالمطحانة عشان ما تنكسر
4- تاخذين مقدار ملعقتين كبار من الفوة وتغلينهم مع مقدار 3 اكواب ماء
لمدة 5-7 دقائق
5- تصفين المحلول ((تاخذين المحلول بس ))
6- تدخلين للحمام ( اكرمكم الله ) وشعرك جاف تضعين الكمية على شعرك
بحيث ان الكمية تجي على شعرك كلة من الجذور للاطراف
7- تدلكين شعرك
8- يقعد على شعرك مدة بسيطة 5 الى 15 دقيقة تكفي
9-تغسلين شعرك بالماء والشامبو
10- تطلعين تمسين الشعر تسوينة ( كعكة )
11- تفكينة لما ينشف وبتشوفين الشعر كيف يلمع وقوي ويجنن
سوية قبل المناسبة مباشرة وروحي

ملاحضات :
1- المادة لها عدة مزايا منها حسب ملاحضتي الخاصة انها تزيل
او تخفف لون الصبغة ( انا اصبغ شعري ببروكسيد الأعشاب ويطلع اللون
اشقر غامق ما يعجبني فازيل اللون اواخففة باني اضع (الفوه) واطول فيها
يعني اقعد 15 دقيقة لما اغسل القى اللون يطلع جنان بني لامع
مع اشقر واحمر بسيط ) يعني هي المادة عبارة عن صبغة طبيعية
بس الشقراوات يمكن يكون اللون عليهم اشقر محمر فانصحهم يجربون
اولا على خصلة واحدة

2-اول مرة ضعية لمدة 5 دقائق واذا النتيجة ما كانت واضحة بالمرة
انتظري الى ان ينشف شعرك ثم ضعيه مرة اخرى لمدة 10 دقائق
مع التدليك المستمر اذا ما وضحت النتيجة انتظري كم يوم ثم ضعية
لمدة 15 دقيقة وهكذا الى ان تظهر النتيجة

3- اسباب تأخر ظهور النتيجة هي
# سمك الشعرة
# خشونة الشعرة
#ان يكون لون الشعر اسود
# ان تكون طبيعة الشعر شديد البهتان .....وغيرة

4- احيانا اضع لشعري وصفة من المنتدى هنا اني اخلط زيت زيتون وزيت خروع
بنفس الكمية من وادي النحل واضعة على شعري مدة يومين قلنا يومين
مو يوم ونصف واغسل شعري بالشامبو لما ينظف وانا بالحمام اضع الفوة
فيكون ناعم وطايل من تاثير الزيوت ويلمع من الفوة
بس كذا تطلع نتيجة الفوة مو واضحة بالمرة
يعني لا تضعون الزيوت الأن بعد ما تشوفون تاثير الفوة بكم اسبوع ثم
جربو الزيوت.