لايحبنى

هلااااااااااااااااا الغالية
شوفي انا بصراحــــــــــــــــــــــــــــــــة ما أعرف شو اقولج

بس لحظة انج قلتي انج ملتزمـــــــــــــــــــــه؟؟؟؟؟؟؟؟؟؟؟؟؟؟؟





وهذا لازم يكون اكبر رادع لج


مع احترامي



لازم تحطين في راسج ان دنيا اخرتها الموت وبن ادم ما يدري اي لحظه يمووووووووووت

والزواج باييييييد الله لا تستعيلين على رزقج


وسمووووووووووووووووووووووووووحه

طيب اذا تقول انه مهتم بيها وكل يوم يمر ويسأل وهي تريده بالحلال ليش مايتقدم للزواج بيها شنو المانع؟ يعني يمكن الولد متردد لانها اكبر منه؟ خليها تتكلم وياه مرة اخيرهمادام هم تكلموا ولمدة 3 اسابيع وتعرف شنو اللي غيره مش تنتظر سنه كامله وهي في حاله اكتئاب , هذا رائي مو حل للمشكله بس حبيت اساعد تحياتي

السلام عليكم و رحمة الله و بركاته

بصراحة أختي إستغربت !

يعني هو ملتزم...و مش عايز يعمل شيء حرام...

طيب لو رايدها...ليش ما يتقدّم لها ؟ ما المانع يعني ؟

و لماذا تظل تفكر في واحد متعته إنه يعرف أخبارها من الشغالة ؟

شيء غريب...صح؟!

اختي تقولين انه ربيعتج ملتزمه فكيف ملتزمه وتكلم واحد غريب عنها وتعرف انه هالشئ اللي يالسه تسويه اكبر غلط وحرام
اختي انصحي ربيعتج انها ما تفكر في هالشخص وتبعده عن تفكيرها لانه لو هالشخص يباها كان تقدملها وانتي كتبتي انه يعرف بيتهم ويسال عنها والصراحه انا اشوف انه مب من حقه انه يسال عنها ويعرف الاحول
اختج
بنت زايد 555

اسمحيلي الغاليه
بس تصرف غريب من بنت ملتزمه و تعرف حدودها و واجباتها

المفروض تمتنعين عن هذا التصرف

الرجال في هذا الزمن ما يجرون ورا البنات بهاي الطريقه

اثقلي و اجعي الله يصبت خطاج لطريق الخير

لا تزعلين مني بس هاذي نصيحة اخت لاختها

موضوع غريب
اذا ماكان عنده ولاعندها ظروف تمنعهم من الزواج ليش مايتقدم وبدل من مروره من جمب البيت يدخله ويطلبها رسمي.....!!


وكلمة مع العلم ايضا انى منقبه مع انى جميلة الشكل
هل يعني ان من تلتزم بالحجاب الشرعي يعني انها قبيحه

من التزمت بالحجاب ارضت ربها وصانت نفسها وجمالها بالحجاب

عندما يعرف السبب ، يبطل العجب..
اكيد في سبب يمنع الشاب من التقدم لصديقتك.. >>>>> يمكن العمر..
كم فارق السن بينهما؟
او يمكن سبب ثاني..
المهم طالما ما تقدم بخطوة جديدة في طلب القرب..
من المفروض انو ما تشغل بالها فيه..
لانها ما تعرف عن جد حقيقة مشاعره تجاها ولا قصده..
في ابتعادها عنه تضمن نفسها وسلامتها وقلبها..
لان ما تنسي ممكن يخطب فتاة ثانية ويصدمها..
لذا عليها بالانضباط وعدم الانقياد وراء المشاعر..
عدا هيك اتمنى تجد الراحة والسلوى معه او مع غيره...

مع احترامــي
ديــما

السلام عليكم ورحمة الله وبركاته

عزيزتي الريايل بصف عامه مايحبون المراة تفرض نفسها واذا هو يبيج راح يتقدملها

تحياتي شورتي

أشكركم خواتى على الرد على موضوعى كل قولتوه دار فى بالى وخذته بعين الاعتبار انا مب فارضه نفسى عليه لأنى مااتصل مجرد مسج كل ثلاث اشهر مثلا بس انا مستمره بسبب حركاته تخيلو انه فى شهر 7 كنت اسوى رياضه امشى يوميا كان يمشى هو بعد بسيارته جدامى يوميا شهر وقلت له ارجوك اتركلى مجال انساك لكن ماشى فايده المهم انه هذا شى بسيط لكن سؤاله عنى مستمر عنى من وراى

الشى الثانى بالنسبه لكونى منقبه هو يوم كلمنى قالى انا مااعرف شكلك قتله انا شكلى حلو يعتبر هذا ردى على الأخت فى وايد منقبات فى منتهى الجمال

انا مع الاخوااات

اختي ليل الانتظار
هل راح تتقبلين اللي بقوله لك
ولا راح تزعلين منه ابد توعديني

اختي ليل الانتظار او صديقة ليل الانتظار
ابقولك شي بالبداية في اغلب الامور لازم تكون الصراحه قاسيه و مؤلمه
خليني ارجع لمشكلتك اعطوني الحل
الحل ف وشو في انه يحبك او شلون تخلينه يحبك و يموت فيك
اعذريني اذا قلت لك و انتي بهالتصرفات و بالتصرفات اللامسئولة اللي سويتيها معاه مااظن راح تحصلين حبه ابداانا ما اجزم او ااكد لك هالشي-لانه بامر الله سبحانه و تعالى- لكن معروف يا اختي من يوم بدينا نوعى على الدنيا و حنا عارفين ان أي بنت تكلم رجال اول اول اول شخص بطيحين من عينه هو الرجال اللي تكلمينه او تضحكين له او تناظرين له وانتي منقبه صدقيني اهم شي بالبنت حيااااااااااااااااااااااااااااااااااااااااها لو انها ملكة جمال لو انها اغنى البنات لو انها عايشه وين او متعلمه وشو ما فيه شي اهم عند الرجال من حياها و ادبها والتزامها
لا تزعلين مني او من كلامي و لا تقولين اني معقده او عجوز(مثل مايقولن عني) بس انا انصحك مثل نفسي
عزيزتي ليل الانتظار خليني
تقولين انا مؤدية لفروضي وواجباتي 0اتوقع تقصدين الدينية0 اختي اسمحي لي و كنت تأدينها بخشوع و ايمان قوي و مواااااااااااااظبه ما اتوقع بتقومين بهذه التصرفات
(احنا اتفقنا ما تزعلين)
بعدين تقولين اضطريت للعمل مع احد الشباب مباشرة
انا ماراح اتكلم عن عملك لان هذا شي مايخصني اولا و لانه مورد رزق ثانيا فمحد يدري بظروف احد مع العلم اني ما اييد عمل مختلط لان انتي قلتي بنفسك وهذه هي الفتنه
احببت هذا الشاب من كل قلبي بدون ان يعلم مع العلم انا اكبر منه في السن
اختي ليل الانتظار
انا ما انكر عليك الحب00 ابدا لان هذي مشاعر و احاسيس لانملك تقييدها لان امر تسييرها بامر الله سبحانه و تعالى بس ياليتك تميتي على كلمة بدون ان يعلم
يمكن تختلفون معي بها النقطه بدون ان يعلم صدقيني احنا بمجتمع لازم لازم الوحده اذا الله ابتلاها بمحبة انسان تخبي هالشي بقلبها ما تصرح فيه وفي المقابل تقدر تكسب محبة هذا الشخص بطرق صحيحه وواضحه وغير محرمه كأن تجذب اهتمام امه و اخواته بأي طريقه و ما اظن هالطرق تخفاكم
ما ادري اذا تفكيري صح او لا بس هذا تفكيري و هذي مبادئي
المهم نرجع لموضوعنا
صديقتي اللي اسلمها كل اسراري ............كلمني في الهاتف
اسمحي لي اسمحي لي صديقتك هذي و لا تعرف وش الصداقه انا لو مكانك من اول الخطوات الي بتخذها اقطع علاقتي فيها نهائيا او اخليها رسميه قد قد الامكان
صديقة تدل صديقتها على الخطا ياليت بس كذا الا تجيب لها الخطا بكبره اعذريني بس اكيد هي تسلك هالطريق و تبي تجرك معاها
كيف تجيها الجرأة تكلمه وتقوله على سرك كيف ؟ كيف تشيع اسرارك على الغرباء كيف تقوله يكلمك و تعطيه رقمك هذي وين عايشه عادي عندها
ما تعرفون شي اسمه خووووووووووووووف
خوف من الله خوف من القدر خوف من العذاب خوف من الاهل خوف على سمعتك تروووووووووح ولا يمكن ترجع
انتي تضمنين هالصديقة التوووووب ما راح تروح لباقي زميلاتكم او لقرايبها و تقول ليل الانتظار تحب اللي معاها و تكلمه
دريتي ليه اقول هالمشاعر لا تخبرينها لاحد لان فيه نااااااااااااااس كثييييييييييير ما تحترمها
بس لفتني انك تقولين اخبر احدى صديقاتي...... ليل الانتظار كيف كذا كييييييييييف؟
وربي فيني الحره؟؟؟
اذا الرجال و هو رجال قال اخاف الله انتي تبينه ما يخاف الله ؟؟
اعرف انه يمر ويكلم خادمتنا ووووو
صدقيني ولا تزعلين هذا كلااااااااااااام فاااااااااااااااااااااااااااااضي ضحك على الذقووووووووون الشيطان جالس يزين لك الخطا و يحليييييه
ليه يسأل علي الخدامه ؟ ليه يمر من امام منزلنا؟
انا ايضا لا اريد الحرام اريده بالحلال .....
اسمعي اختي
لو كانت وحده من صديقاتي –لا قدر الله – مكانك وش ابنصحها
1-تحاول قد ما تقدر تقوي صلتها بربها قبل كل شي واكثري من قرااااااءة القران الكريم
2-حاولي تدورين لك على شغل ثاني من دون ما احد يدري باستثناء ولي امرك وخبريه مايقول لاحد (طبعا لا تقولين له عالمشكله) قولي مو مرتاحه او الشغل واجد و علي ضغط واهم شي لا تخبرين احد ((واستعينوا على قضاء حوائجكم بالكتمان))
اذا مافيه مجال تغيرين شغلك ..ابقي فيه بس بشخصيه جديييييييييييييده والكل راح يلاحظها
3-لا تقولون اني قاسيه او معقده بس صديقتك اقطعي علاقتك فيها فووووووووووورا
((قل لي من تصاحب اقل لك من انت؟؟؟))
من دون ما تجرحينها قولي لها لو سمحتي انا فكرت في حياتي اللي مضت لقيت ان فيه اشياء كثيره خطا كنت اسويها واهمها كانت بسبب سوء تصرفاتك و انا فعلا غير راضيه عن نفسي ولا عنها ولا عنك وتصرفاتك فلو سمحتي خليني ابدا حياتي صح من جديد
انتي الله يوفقك و انا الله يوفقني تدرين هي سيده بتروح تخبره وفعلا راح يدري انك تغيرتي واتوقع شي مهم يدري انك تغيرتي من البنت الطائشة الى الملتزمه قول وفعل
وصدقيني ربي بيعوضك بدالها بأحسن منها في المقابل اذا تكلمت معك ردي عليها بطريقه مهذبو ولكن باختصار<<<<<<<<ابوك يالفصحى لا تروحين تتكلمين معاها بالفصحى
4-حاولي قد ما تقدرين قد ما تقدرين ما تتقابلين معاه بالدوام و اذا اظطريتي خليك حازمه ادي الشغل و تكلمي فيه بدون ما تبينين أي ضعف او لين وعلى قد السؤال ردي و لاتمين لو ثانية زياااااااااااده
5-اذا لاحظتي انه يلاحقك او يحسسك بوجوده طنشيييييييييييه باختصار المكان اللي هو موجود فيه لا تكونين فيه بدون داعي تمشين و جاء يمك غيري المكان ما تقدرين ادخلي البيت و اصفقي الباب واذا داومتي قولي له لو سمحت مالك أي حق تلاحقني قوليها مباشره لا ترسلين مسجات و لا هم يحزنون
واذا سأل الخدامه بعد قولي له لو سمحت البيوت لها حرمه حرام تتعداها تبي تسأل ادخل البيوت من ابوابها و اسأل خل عنك الخدم وسوالف الطايشين
صدقيني راح يحيي فيك الالتزام
وبنفس الوقت ما ابيك تعقدين عليه اماااااااااال كبيرة عيشي حياتك و انتي ترددين
يارب يسر لي طريق الخير و ابعد عني طريق الشر
واستغفري الله على اخطائك و صدقيني الله سبحانه راااح يجزاك كل خير
وآآآآآآآآآآآآآسفه على الاطاله او اذا زعلتك بشي او قسيت عليك
يقولون ((يا بخت من بكاني ولا ضحك الناس علي))<<ما ادري اذا صح اولا
عموما تحياتي لك و لكم جميعا
لحظة
حلو توقيعك اطبعيه بورقة صغيره و دائما خليه معاك و اقريه كل ما كنتي فاضيه

انتظرتك تردين علي قبل ما انشر ردي الثاني بس مارديتي و انا والله مستعجله
اسفه مقدما بس انا نقلت لك اللي بخاطري

:clap::clap::clap::clap::clap::clap::clap::clap::clap::clap::clap::clap::clap::clap::clap::clap::clap:


ما عندي تعليييييييييييييييييييق كافي اللي قالته بنت شيووووخ

السلام عليكم و رحمة الله و بركاته

سلمت يداكي أختي بنت شيوخ...

ما شاء الله كلامك عين العقل...الشيطان هو اللي يزيّن للإنسان الخطأ و الله...

اساسا السالفه من اولها غلط يعني اكلم شاب وانزل من كرامتي وعفتي واقول في الاخير لايحبني؟ ..؟؟؟....آآآآآآآآه ياقلبي لاتحزن

:up:بنت شيوووووخ :clap: اسم على مسمى

جزاك الله الف خير انتي قلتي الي ابي اقوله واختصرتي عليه الكلام

انا اشهد ان البنات كفوا ووفوا وخاصه بنت شيوخ الله يعطيها العافيه