ما ادري شسوي ؟؟

والله انا توني مكمله سنتين من عرست
و حملت على طول عقب العرس و عقب ما ولدت قلت بجرب العازل

مثل حالتج الغاليه سببلي التهابات و قرحه و يا دوب تعالجت قلت بجرب طريقة العد شهرين و لا أنا و لله الحمد حامل

و الحين افكر من اولد شو اسوي

و الله احترنا بس انا ت=نهائيا ريلي مش مقتنع بطريقة الحبوب
و خوفتيني من اللولب مع اني كنت مفكره اركبه


الله يوفق اللي تعطينا طريقه مضمونه و سليمه صحيا

هلا بسحايب :(
والله ما تتخيلين شكثر فيني احبااااااااااااااط والله جد ما ادري شنو الحل قمت اصير على اعصابي كل شهر .. واللولب يمشي مع بعض الناس انشالله حبيبتي يمشي معاج وما يكون حظج مثل حظي

بس ودي ارد اجرب اللولب مرة ثانية عند دكتورة ثانية زوجي قالي شلون تجربينه مرة ثانية بعد اللي صارلج بالمرة الاولى قلت يمكن صدفة ما ضبط معاي اول مرة

والله محتارة
ما انكر نعمة ربي اليهال نعمة :)

بس صعبه اذا اكتشفتي انج حامل بوقت ما تكونين ناوية تحملين فيه
:)

اخواتي حبوب منع الحمل ما تنأخذ بدون وصفة طبيب

يعني لازم الاخصائية تسوي لكم تحاليل وتعرف اي نوع يناسبكم فيه مركزة الهرمون وفيه بعضها خفيفة مثل ياسمين ويمكن ما ناسبتكم لانك اخذتوها بدون استشارة

زيادة 2 كيلو تعتبر معقولة وبعدين الزيادة بتوقف يعني مو كل اسبوع بتزيدين نفس الوزن اختي كويتية ....... لا تخافين والصداع هذا كله عرض جانبي في البداية بس انتي اي نوع توصفه لك الطبيبة استمري عليه شهرين وشوفي النتيجة

انا معاك صعبة احمل في وقت انا مو راغبة فيه يمكن يصير فيني شي لاسمح الله ... الاطفال نعمة بس الحياة صعبة مو مثل قبل ويبي لها تخطيط وتنظيم

اسمعي نصيحتي وروحي الى اخصائية تشوف لك اللي يناسبك

هلا رومي

انا ياسمين خذيته باستشارة طبية من الدكتورة اللي ولدت عندها بس بدون تحاليل
دكتورة ثانية قالت لي لازم كل مرة تجربين نوع من انواع الحبوب الى ان تثبتين عند نوع يمشي معاج
يعني بالله لي متي بضل اجرب شنو فار تجارب انا :think::think:

وبعدين انا نوعي اسوي رجيم اول ابأول فزيادة كيلوين كانت كارثة بالنسبة لي وخصوصا اني سادة حلجي عن الاكل
والكل كان يشوفني يقولي صايرة متفوخة وصدرج متفوخ
انتي حامل !!!!!!!!!!!!!!!!!

على بالهم حامل

شوفي اختي انا كنت اعاني مثلك وحملت مرتين بدون ما اخطط كل من طريقة العد لكن الحين عقب ولادتي قلت باكل حبوب ورحت حق دكتورة وكتبت لي عن حبوب وايد زين اسمة جاينيرا صج انه ممتاز جربية لان وايد ناس يستخدمونه وان شالله بيناسب

طيب انا سامعه في ابر يستعملوها البنات كل 3 اشهر مرة وحدة جربيها عسى ولعل ,, وجربي العد اذا كانت الدورة عندك مضبوطه يعني مثلي انا ما استعمل اي مانع والحمد لله على العد فقط تحياتي

السلام عليكم ورحمة الله وبركاته

ينقل لركن النساء والحمل والولادة لأنه موضوع نسائي خاص

تحيتي لك

أختي ابتعدي نهائيا عن ابر المنع لأنها مضره جدا وممكن تسبب لج عقم مؤقت أو حتى دائم..

في طريقه علميه اسمها بي لنجز تعتمد على طبيعة الافرازات... يعني عن طريق الافرازات اتعرفين متى بيكون عندج التبويض..

سويت بحث على بي لنجز على الجوجل وبيطلع لج كل شي عن هالطريقه اهي تبي تركيز ووقت كبيرعسب تفهمين عليها لأني صراحه ما فهمت عليها الا بعد قرائتها على مدار 3 أيام..

الله يكون في عونكم


والله يرزق اللي ما عندهم


اسمحوا لي ما اقدر اساعدكم


اتمنى لك حياة سعيدة

السلام عليكم ورحمة الله وبركاته الله يعينكم انا باقي بدري علي هالكلام لاني عروسه وابغى انشالله احمل لكن قريت في الجريده عن الليمون تدهنين فيه المهبل قبل الجماع ويعمل على قتل الحيوانات المنويه والله يوفقك حبيبتي00

شكرا لكم كلكم
ما قصرتوا
بس سالفة الابر تخوف
والليمونه يعني ما ادري ما تحرق !!!
:)


انا مشكلتي مع الحبوب اني بس اقرا الورقة اللي شطولها يصير فيني رعب
وطريقة العد حملت عليها





انزين منو جرب
حبوب








غراسيال ؟؟؟

أنا مع زوجي اعتمدنا على القدف الخارجي وكنا في أمان الله لمدة سنتين ونصف السنة إلى ما قرر زوجي أنه يقدف مرة واحدة فقط في الداخل وصار الحمل ... طريقة وايد فعاله بس لا يخون فيك زوجك ... أهم شي ....

و الله يالغاليه بعدني ما جربت اي حبوب لا غراسيال و لا غيرهم

و القذف الخارجي ما منه أمااان ترى الرجال احيانا من النشوه يصير ما يتحكم بنفسه (( عفوا على الصراحه ))

و انا جربت العد و حملت على طووووول شكلي عديت بالمقلوب

الحمد للهعلى نعمة الاطفال بس و الله الحياه وايد صايره صعبه و تبيلها تخطيط يالله يالله الواحد يلحق عليها

الليمون يحرق يالغاليه وممكن يسبب للرجال التهابات لانه المنطقه عند الطرفين جدا حساسه


اللي عندها طريقه تفزع علينا بها

و جزاكم الله خير

طلعت مو بروحي أعاني من هالموضوع
:sad:
والله هالحريم ابتلشوااااااااااااااا انزين ماكو شي للرياييل !!!!!!!!!!!!!!!!
قلت لزوجي فيه ابر للرياييل شرايك تاخذها
مسكين اخترع قالي لا لا يا معوده
قتله ايييييييييييييييييييييي بس احنا اللي كلشي فوق راسنا
:(

فيه تحاميل قبل الجماع بربع ساعه
بس احسها مؤرفة
لوووووووول


حلاته الوحده بعد اليهال واذا وقفت حمل تعيش مع زوجها مثل الاخوان
لووووووووووووووووووووووووووول

جان مسخرة

جربي التحاميل المبيده للحيوان المنوي انا ناويه اجربها بعد الولاده
ولا هي مقرفه ولا شي بتحطينها قبل بفتره حسب ماتقول لك الدكتوره و تذوب
وبتكونين انتي مرتاحه و متطمنه و زوجك بعد بيكون مرتاح
تعرفين الرجال مايحبون سالفه القذف الخارجي و بعد فيها خوف لان مثل ماقالت الاخت حزتها ماتدرين الرجال بيقدر يسيطر على نفسه ولالا و انا ماعندي استعداد اغامر بعد الولاده :)

ههههههههههههههههههه ضحكتوني بنات وخاصه يوم قالت الاخت ( نعيش اخوان ) هههههههههههههه


قولوا بس الله يرزقنا ( احنا اذا انتوا ماتبون ) الذريه الصالحه هههههههههههههههههههه

انا سعت انه الحبوب كل مره تستعملين نوع لين اتشوفين اللي يناسبج..

الله يعطيج العافيه...

سمعتي عن حبوب جنيرا


اعرف وايد ناس استخدموها من اقل الحبوب في الاضرار الجانبية والله اعلم

سالي عنها دكتورتج وعموما الدكاتره دايما ينصحون فيها