اوافق والا لا ؟ والله تعبت

هلا اختي الله ايجيب لج اللي فيه الخير ان شاء الله
وبالنسبه لموضوعج اذا هو ريال ماعليه كلام ليش اتردينه حتى لو هو مش متعلم انتي بعد ماياخذج ساعديه على انه ايكمل وبيكمل ان شاء الله عادي ياما ازواج كملوا دراستهم بعد زواجه وبتشجيع من نسوانهم
واستخيري اختي اهم حاجه الاستخاره وسالوا عن الولد
و الله ايجيب لج اللي فيه الخير ان شاء الله

حبيبتي

انا رائيي استخيري

وفعلا امك صادقه مو كل متعلم فاهم

كثير متعلمين ترى تلقينهم شايفين عمرهم ومافيهم خير

وطبيعي في العكس

صدقيني ياغاليه اهم شي الاخلاق وحسن التعامل

ولو على التعليم انتي بشطارتك بقدرين تخلينه يكمل دراسته

اهم شي صلي استخاره 3 مرات وانشاء الله ربي بيوفقك

هااااااا بشرينا اذا تم الموضوع على خير


عيوني الله يتمم لك على خير ويريح بالك يارب

استخيري أول ..

أنا مثلج بس فرق تنازلت عن شرط الشهادة و لازم يكون في مستواي التعليمي ...الخ ,,, و الحمد لله الله رزقني باللي مستواه أعلى " ما شاء الله "

انتي استخيري كل يوم و اسألوا عدددل عن الريّال .. و الله يوفقج ..

اختي ماراح ازيد ع كلام خواتي .. استخيري واسألو عدل عدل عدل .. عن دينه واخلاقه وشخصيته ..

والله يكتب لج الي فيه الخير ان شاء الله .. وهالشي قسمه ونصيب حبيبتي يعني حتى لو ماخذتي هذا ان شاء الله بيجيج نصيبج ..

وامج اكيد ماتقصد شي يمكن كلمه وانقالت بس لانج بنوته تحسستي من الكلمه وهالشي طبيعي ..

الله يوفقج ان شاء الله وطمنينا

خليهم يسالون عن الريال و لا تستعيلين يمكن يطلع مو زين

و اذا طلع زيت
استخيري
و تاكدي لو لج نصيب معاه بيصير رغم كل الظروف

بس انتي وكلي امرج لله و استخيري

و تذكري قول الرسول - صلى الله عليه و سلم - : اذا جاءكم من ترضونه دينه و خلقه فزوجوه.


و الله يوفقج

سئلوا عن الريال زين ما زين وكعدي معاه وسئلي وعرفي منه اذا انه انسان طموح ويحب يواصل او لا لكن اب طريقة غير مباشرة عشان لا تندمين بعدين واتكولين رفضت و حكمت على ولد الناس وظلمته وظلمت نفسي ولما اتحسين انه انسان اوكي وخلوق ومحترم وطيب وولد ناس وبعد ما يكعد وياه بعد ابوج واميج و اتسألون عنه اذا نصيبيج بتاخذيني والله يوفكيج انشاء الله حبيبتي

يعطيكم العافيه على هالردود اللي تثلج الصدر

جزاكم الله خير


اليوم أمي فاتحتني بالموضوع وقلتلها اذا هذا اللي تمنينه لبنتج أنا موافقه .. لاني جد تعبت ومالي خلق أبجي واقول لا وودي أكلم أبوي بس خايفه :(

أمي خافت يوم قلتلها جذي قالت لاااا أنا ماني بغاصبتج على شي وقالتلي ابوج مايبي يسمع شي مو زين عنكم من الناس وقصدها يعني ما تزوجنا :) ترا والله العظيم الزين كله فينا و الحمدلله ماني بمادحه نفسي واخلاقي هم الحمدلله زينه بس كل شي قسمه ونصيب واللي فيه الخير بيصير ان شاءالله ..

بغيتكم بس ميخالف في شي أبي تقولون أنا غلطانه والا لا .. الصراحه وماني بزعلانه من الصراحه والله

أنا باقيلي سنه وحده على التخرج وبصير مُدرسه ووايد عليهم الطلب المدرسات :)
بخلص هالسنه وبعدها اللي يجي من الله حياه الله ..
هل أنا غلطانه في هالشي ؟؟ يمكن يجيني اللي لو ثانويه شهادته راضيه بس والله المستوى الثقافي عندي وايد وايد مهم ..

قلت لامي قالتلي قولي لابوج هالشي وفهميه شوي شوي علشان ما يزعل ..

شرايكم خواتي ؟؟؟

حبيبتي كلنا نطمح بزوج متعلم ومثقف صاحب شهاده عالية ووظيفة محترمة وأهم شي راتب عالي بس مو كل متعلم يحترم الحياة الزوجية ويقدسها عليكم

بالسؤال عن الشاب إذا خلوق ويستاهل الله يهنيج وياه وإذا ما في أخلاق لالالالالالالالالالالا يغسل ايده يعني لا شهادة ولا أخلاق خل يولي :mad2::mad2:

وعليج بالاستخارة قبل كل شي.............

اول شي استخيري
تاني شي كل وحدة فينا من حقها انو يكون في عندها مقاييس على اساسها بتختار زوج المستقبل
بس كمان لازم نكون عقلانيين في هاي المقاييس وواقعيين
انا براايي اهم شي الدين والاخلاق
كمان كتير مهم الشهادة والعلم
بالاضافة لوظيفة واستقرار مادي
بس السؤال هل كل المتزوجات ناس متعلمين ومعاهم شهادات عالية مبسوطين ومرتاحين ؟؟
اكيد لا
وكتير من الازواج اللي مو على قدر عالي من التعليم عايشين حياة سعيدة مع زوجاتهم
اهم شي يكون في تناسب بين الازواج يعني ما يكون في فجوة بينهم ولا يكونوا من طبقات مختلفة وبعيدة
والله يوفقك للي فيه الخير

منال الكويت تسلمين يالغاليه على الكلام

mrami
ان شاءالله اللي فيه الخير يصير .. لانه شي راح ارتبط فيه طول عمري !!

آخر تطوراتي الحين ..

إني خليت أخوي الكبير يمسك زمام الامور وقلتله كل اللي في بالي واللي قلتله لكم وان شاءالله اللي فيه الخير يصير .. اللي كاتبه الله لي ان شاءالله خير ..

تسلمون يالغاليات على هالردود والله خوات ونعم فيكم

بعطيكم اخر المستجدات كل مرة اذا مافيها ازعاج لانه مهم جدا اخذ رايكم ارتاح والله :)

أدعوا لي أمانه بالخير ..

بصراحة اختي هذي كلمة وخذيها مني عن تجربة
أكبر طز في الشهادة

وترى الشهادة شهادة الدين والخلق مب العلم وهذا كلام الرسول عليه السلام اذا جاءكم من ترضون خلقه ودينه فزوجوه.

واذا على المستوى الثقافي فأنا اقولج يا عيوني ان الثقافة مب بالعلم ياما ناس متعلمين بس مب مثقفين والعكس صحيح.

ترى الثقافة تيي من القراءة والمطالعة من الاحتكاك بالناس بجميع اجناسهم ودياناتهم واعمالهم

الثقافة هي الحياة والمعاصرة مب شهادة!! شو رايج لو ياج طبيب جراح ...لكن؟؟ ما يعرف شي عن الاقتصاد ولا عن السياسة ولا عن الدين ولا عن الحب ولا عن تكريم الزوجة؟ تبينه؟! بتاخذينه عشان شهادته؟!

قبل كل شي واي شي سألوا عن الريال عدل(( يعني عدل)) بما في الكلمة من معنى واذا طلع كل شي فيه زين هاذيج الساعة يلسي مع عمرج فكري وفكري في كلام الأخوات وكلام امج وجاوبي على اسئلتي وآخر شي استخيري ربج وشوفي شو كاتبلج .

اما عن السنة الأخيرة لج في الجامعة عادي خطوبة الحين وعقب تخلصين زواج

وبالتوفيق ان شاء الله

الشهاده لا تصنع الرجال

والحمدلله انه يملك شهاده متوسطه

السلام عليكم ورحمة الله وبركاته ...

ابقولج رايي واتمنى البنات مايزعلون من كلامي

كلكم علقتم على استفسار الاخت من صوب الرجال واذا هو زين او لا

محد منكم فكر في البنت نفسها واهي شتبي...ياجماعه ترى مهم جدا الاقتناع النفسي بالشخص اللي ترتبطين فيه...البنت بتكون جامعيه واهو متوسطه واهي يهمها المستوى التعليمي والثقافي واكيد بيكون فيه فجوه بينهم بهالمجال.

فيه بنات..ماتعني لهم الشهاده شىء...يعني عادي عندها لو زوجها اقل منها في التعليم...بس مثلا تبيه غني او من عايله كبيرة او تبيه وسيم او او او العديد من الاسباب

كل بنت لها طلبات معينه في الشخص اللي تتزوجه...ومن هالطلبات ..فيه اللي تقدر تتجاوزة والا ماتقدر تتجاوزة لانه بياثر على نفسيتها بكره وعلى نظرتها للرجل.

انا اقول...انتي اختي ادرى بنفسج..وبقناعتج....لا توافقين عليه الا اذا كنتي واثقة ان نظرتج له ماراح تكون دونية او فيها حسرة لانه مش على المستوى العلمي اللي تحلمين فيه...لان اولا الرجل ماله ذنب بهالموضوع...يعني هذا هو وماغشكم بشىء...فانتي اذا قادرة تتكفين مع هالامر...توكلي على الله

اما اذا بنفسيتج مراح تكونين مقتنعه ميه بالميه او مرتاحه من هالموضوع بالذات (تعليمه) انا اقول لا تظلمينه معاج ولا تبتدين حياه فيها جزء من الحسرة او عدم الاقتناع لان هالشىء بيعكس بظلاله على حياتج بكره معاه.

هذا رايي الشخصي مع احترامي لكل الاراء السابقة.

واتمنى لج التوفيق

عليك بالاستخارة قبل كل شي واللي كاتبه ربك بيصير
بالنسبة للشهادة مهي مقياس للجال الزين كثير معهم شهادات عالية خسارة فيهم ذكرتيني بوحدة اعرفها كانت مصرة تاخذ واحد متعلم تعليم عالي وجاها اللي تمناه ولقته هو بصوب والعلم ماله بصوب
تزوجت غيره تعليمه عادي يعني متوسط شافت معاه الحب والسعادة والاحترام والاخلاق الراقية
اتمنى لك التوفيق وترى البنت مو زين ترد خطاطيب كثير
تحياتي لك

السلام عليكم

اختي انا مو متزوجه ومثلج بعد ابي واحد مستواه التعليمي عالي ...

والصراحة انا احسها صعبه تاخذين واحد شهادته متوسطة بعد لو ثانوية ماعليه .. بس هذا بعد ما يمنع انه زين...

فانتي الحين متردده وانا اقولج كتبي في ورقة الايجابيات والسلبيات وشوفي اللي يناسبج وهذا زواج وصعب انج تتسرعين ولا عليج من كلام الناس إذا لج نصيب بييج

وصلاة الاستخارة مهمه جداا

والله يوفقج إن شاالله

حبيبتي صدى صوتي المستوى التعليمي موكل شيء
وانتي عارفة ان ثلاثة ارباع اللي في الجامعات موجودين عشان الشهادة
موعشان العلم نفسة عشان كذا نلاقي أن الجامعي احيانا
اقل مستوى في التفكير والثقافة من صاحب الثانوي أو المتوسطة
ياليت تستخيرين الله
و الله يختارلك الصالح
تقبلي خالص تحياتي

الله يرزقج بالزوج الصالح انشالله

بس آنة اختلف مع البنات في سالفة ان الشهادة مو مهمة

عزيزتي آنة أجوف ان التكافؤ بين الزوجين ( الاجتماعي و الاقتصادي ) مهم لنجاح العلاقة الزوجية ،،، و من ضمنها التكافؤ العلمي او الثقافي
يعني انتي بتعيشين مع زوجك العمر كله انشالله ،،، ادا كان هو متعلم و فاهم راح يعينج و يشجعك ،،، و العكس صحيح
و بعدين يسهل عليكم النقاش في المستقبل ،،، و راح يكون متفهم انشالله

و في النهاية أتمنى لج السعادة انشالله