فـــســـــتـــــان الـــــعـرس

ع

عروس دبي

مشرفة سابقة

11-01-2003 | 08:44 PM

السلام .....

انا كنت عضوة في منتدى عروس وانقطعت عنه بسبب العرس انا عرسي كان من شهر وحبيت أأجر فستان العرس هو وايد حلو بشهادة كل من حضر العرس وطبعا هو يديد محد لبسه وهو مصممه مصمم لبناني في بيروت مع
الطرحة طبعا والنعال وفيه فكرة حلوة في الفستان يعني هو مب شغل بس فيه فكرة مبتكرة طبعا اللي تريد تأجره اكيد بتشوفه وتقيسه وبيعجبها انا واثقة بس المهم يكون عودها رفيع نوعا ما عشان انا ضعيفه وطويله...
المهم طولت عليكم بس اللي عندها الرغبة انها تشوفه تكتب لي وبيكون بينا تواصل بالرسائل الخاصة.......

ع

عضوة

11-01-2003 | 09:10 PM

مبروك يا عروس دبي الله يسعدج

وان شا الله بتحصلين حد من البنات ايجر الفستان وانا بحاول اساعدج

ه

همسة

عروس ذهبية

12-01-2003 | 01:45 AM

يا هلا والله وغلا

كلولولولولولولولولولولوش

من شفت إسمك على طول دخلت أبارك لك ، لآني متوقعة إنك تزوجتي

;)

سعيدة لك ، وأتمنى ترجعين تشاركين معانا مثل أول

ع

عروس دبي

مشرفة سابقة

12-01-2003 | 10:22 AM

الله يبارك فيج الحرمان وما تقصرين الغاليه....

هموسة مشكورة حبيبتي وان شاء الله نرجع نتواصل مثل قبل....

ع

عروس دبي

مشرفة سابقة

17-01-2003 | 10:02 PM

الفستان وااايد حلو انا متأكدة اللي بيي قياسها بتأجره على طول على العموم انا من دبي اللي يبغي يشوفه ويحكم.........

ع

عروس دبي

مشرفة سابقة

11-03-2003 | 10:01 AM

:)

ن

نسمة أمل

عروس جديدة

11-03-2003 | 05:01 PM

أول شيء مبروك إختي عروس دبي والله يباركلج إنشاء الله ويوفقج..:D :D
من فتره شفت مشاركتج ومن وصفج للفستان إنه في حركه مبتكره تشجعت إني أشوفه بس كنت مأجله الموضوع شوي.. وإنشاء الله عن جريب بحدد موعد العرس:o :o :o و بتفق وياج على كل شيء... وتسلمين يالغاليه... :) :)

ع

عروس دبي

مشرفة سابقة

11-03-2003 | 07:12 PM

الله يبارك فيج عزيزتي وان شاء الله نفرح فيج قريب ...

وان شاء تتوفقين في امورج ..........

وعن الفستان متى ما تحبين مري شوفيه ....

ع

عضوة

11-03-2003 | 09:26 PM

:D :D يلا بنات الفستان:D :D

عروس دبي ذوقها راقي واكيد الفستان رررررروعة:D :D

ع

عروس دبي

مشرفة سابقة

12-03-2003 | 12:46 PM

مشكورة عزيزتي الحرمان على مدحج والله يوفق الجميع

ن

نسمة أمل

عروس جديدة

13-03-2003 | 04:30 PM

تسلمييين إختي عروس دبي وماتقصرين..:) :)

a

alm7tarah

عروس جديدة

14-03-2003 | 04:32 AM

عروس دبي

اولاً الف مبروك... وانا ودي أستاجر الفستان بس ياليت توصفيلي كيف شكله.. لان انا زواجي في شهر 8 ميلادي... وادور احد يأجر فستان
فا يليت الوصف او حتى صوره ولونه ومقاسه
:) انا في الانتظار

ع

عروس دبي

مشرفة سابقة

14-03-2003 | 08:11 AM

هلا عزيزتي والله يبارك فيج ......

بالنسبة للفستان طبعا صعبة اني انزل صورته ..

بس ممكن اوصف لج اياه هو عبارة عن فستان لونه ابيض وعاري من فوق

يعني من دون كم ومشغول وايد على الصدر والبطن وباقي الشغل موزع

على الفستان كله والشغل متوزع على القطعة نفسها وعلى الدانتيل

والطرحة فيها دانتيل على الأطراف ومشغولة بالشج وتلبس بطريقتين

مثل ما قال لي المصمم اما تكون مثل الشيلة وتكون مفتوحة او تثبت

في الشعر من وراء ...

ومسولي معاها حذاءبكعب لأن الفستان طويل نوعا ما ........

اتمنى اكون وصلتلج وصف الفستان مع انج اكيد لما تشوفينها وتقيسينه

بيختلف الحال لأني شفته بالرسمة حلو بس يوم خلص طلع اكيد احلى

واتمنى اللي عندها الرغبة تشوفه وتحجزه ترد عليه خلال اليومين القادمين

لأني مفكرة اوديه محل لتأجير فساتين الأعراس لأنه فرصته بالتأجير او البيع

اكبر .....

واتمنى التوفيق للجميع........

ن

نسمة أمل

عروس جديدة

14-03-2003 | 03:05 PM

إختي عروس دبي..بصراحه ما أعرف شو أقولج وأنا مستحيه منج وايد...:o :o :o
من وصفج للفستان يدل على ذوقج الرفيع وإن الفسان وايد حلو وروعه بس المشكله فيني:o :o :o إنه كنت أبغي موصفات معينه في اللون والأكمام..
بس إنشاء بتحصلين حد يأجره..
واسمحيلي يالغاليه تراني أذيتج وايد...:) :) :)

ع

عروس دبي

مشرفة سابقة

15-03-2003 | 10:56 AM

عزيزتي ما في داعي للمستحى احنا كلنا خوات اهنيه ويمكن احسن انج

عرفتي وصف الفستان عشان تبدين اتدورين الفستان اللي في بالج والله

يوفقج .....

ن

نسمة أمل

عروس جديدة

16-03-2003 | 03:11 PM

تسلمين يالغاليه..:) :) :)

M

MEMI

عروس جديدة

22-03-2003 | 02:33 PM

انا ابغي فستان عرس ممكن ااجره منج

ع

عروس دبي

مشرفة سابقة

22-03-2003 | 06:20 PM

عزيزتي طرشيلي رسالة على الخاص برقمج وممكن نتفق على يوم تمرين

وتشوفين الفستان