زوجي اصغر مني ....!!!

هلا وغلا

هذا الموضوع يختلف من وإلى.......

واكثر ما يدمر الزواج لما تصير الزوجة الأم الثانية او البديلة للأم...

لأنه حلات الزوجة بدلالها وغنجها مش سوي هذا ولا تسوي ذاك

وهذا لا يمنع من ان الرجل احيانا يكون رجل بمعنى الكلمة حتى ولو كان صغير السن ويكون احسن بـــ 100مرة من رجل الأربعينات.

وفي ناس تقولك ان الرسول عليه الف الصلاة والسلام تزوج بمن اكبر منه سنا..

لكن لا تنسوا شيأ مهما بأنه رسولنا علية الف الصلاة والسلام ولا شبية له....

وبعدين لا تنسي حاجة مهمة بأن الحرمة مع الحمال والولادة تبدوا اكبر سنا......

و21 سنة وايد صغير على الزواج هذا المفروض كل إهتمامة بالدراسة وبس

السلام عليكم و رحمة الله و بركاته

بصراحة أختي هو فعلا فرق !

يعني 5 سنين مش شويه...بس أكيد في علاقات نجحت...و كانت على مستوى المسؤولية...

أهم شيء شخصيته و أخلاقه...

شوفي هذا الموضوع أختي...راح ينفعك جدا إن شاء الله...

من هنــــــا

و الله يكتب لها الخير دايما إن شاء الله....خليها ما تنسى الإستخارة...

والله اذا متوافقين بالرأي والافكار ويحبوا بعض عااااادي بس حبيبتي هو المتعارف عليه لازم الرجل يكون اكبر من المراءه لانها تكبر اسرع من الرجل نتيجه الحمل والولادة واتعب المنزلي عكس الرجل وانا اذكر بنت كنت اعرفها كانت اختها متزوجه واحد هي اكبر منه ب 3 سنوات وكانت تحكيلي ان اختها متعذبه مش لانه يعيرها بفرق السن لا ولكن تقول على طول لازم انا اكون الحكيمه والرزينه والمتسامحه على اعتبار اني الاكبر ومهما غلط لازم اسامحه.

هسى انا مثلا الفرق بيني وبين زوجي تقريبا 10 سنوات والله اللي يشوفنا مايحس بهذا الفرق يمكن اول ماتزوجت بس بعد الحمل وتغير الجسم ولملامح ابدا ماواضح هذا الفرق,, عن نفسي مستحيل اوافق على واحد انا اكبر منه بيوم واحد ... طبعا هذا رائي شخصي لي ,تحياتي

الصراحه وايد فرق

انا مب ضد الزواج من واحد اصغر مني بس في هالحاله اشوف انه لا و السبب انه توه صغير 21 سنه يعني المفروض همه الدراسه و تكوين مستقبله و اهيه 25 يعني وايد فرق بينهم و عقب سنه او سنتين بتصير جنها امه خصوصا عقب الحمل و الولاده و بعد يمكن مايتم معاها طول العمر يعني فالوقت اللي هي بتوصل فيه 30 اهوه توه في عز شبابه و ماعتقد هالعلاقة بتطول .

و يمكن انا غلطانه لان في امثله على ناس تزوجو و عاشو مرتاحين بس الواحد المفروض يفكر وايد زين لان هذي يعتبر قرار العمر و الوحده مو كل يوم بتتزوج.

و الله يوفقها و يكتب لها اللي فيه الخير ان شاء الله

ماادري انا مره تابعت حلقة بالعين لومني غلطانه برنامج البيوت اسرار مضمونها ( كيفية اجراء التعدد بعدل)

وواحد من الاخصائيين قال : انه الرجل اول مره يتزوج وحده اكبر منه وبعد كده ارملة والثالثة نسيتها بس الرابعة اصغر واشب لانها الختام


والله يستر ويختار لصحبتك الي فيه الخير

هو فرق السن مو كبير ولا عيب لو هو كان اكبر من 21 ........ ناس ما عندها مشكلة تتزوج شاب اصغر منها ( انا ما احب ) ... بس مثلا لو هو اكبر من هالعمر يكون احسن اكيد بتتغير طريقة تفكيره ونظرته للحياة مع شريكة حياته

يمكن الحين يمشي الوضع وبعدين يعايرها او يسبب هالفرق مشاكل بينهم خاصة ان البنت تنضج اسرع من الشاب ... هي ليش خايفة ؟
هل تحسه مو قد الزواج اصلا ؟ هل لمح لها من قبل ؟ ايش رأي اهلها واهله في الموضوع

بعدين شلون تمت الخطوبة بدون تفكير من هالناحية ؟

المفروض انها قررت من قبل واستشارت قبل ما تنخطب .... لو الرجال مواصفاته حلوة ومو حاسة بفرق معاه عشان هي اكبر منه .. ماله داعي تعور راسها بالتفكير

مرحبا حبوبه ..
انا ريلي الله يخليه لي اصغر عني بس بسنه وحده بس وانا واااااااااااااااااااااااااايد مرتاحه وياه وحياتنا ماشيه على احسن مايكون الحمدلله ..وبعد لاني ابين اصغر عنه بالعمر يعني :shy:وهذا اللي مريحني ..وهو ماشالله عليه تفكيره وعقله وحتى شكله اكبر عن سنه واحسه اعقل عني فديته والله..
خلي ربيعتج تستخير واتسوي الشي اللي مقتنعه فيه وان شالله خير..
والسموحه

الموضوع فعلا بحاجة إلا تفكير


بس انتي اختي ما ذكرتي شي عن رأي أهلها و هل هي من خلال فترة الخطبة و العقد كانت على وفاق معه


و هل هو حسسها بشي من انه منضايق من فرق السن ؟

مراحب..

انا الصراحه من شهر تقريبا اتقدملي واحد عمره 21 سنه وانا عمري 24 سنه بس رفضته ...

الصراحه خلنا انكون واقعين هالزمن شبابنا الي اعمارهم 21 سنه مب مال زووواج ...بعده ما شبع من حياته والعقليه والتفكير وايد يلعبون دوووور والله ..انا يوم لست افكر فيها ومن الي اشوفه من الناس الي ما خذين اصغر عنهم الصراحه ما شفت علاقه ناجحه كلهن ريايلهم 3 او 4 بالكثير تموا سيده من بعدهااااا يلعبون من ورا حريمهم يتعرفون على بنات اصغر عنهم ابوايد...وهني منو بيوده طبعا ما انروم لانه بيطفر من كثر ما نحن عالراسه...

وسمحولي انا ابدا ما ايد الزواج من رجل اصغر عني الا اذا كان فارق السن سنه مب اكثر مهما كانت عقليته انشالله لو عقليته توزن جبل

مبروك الزواج
بصراحة فرق لكن اذا فية حب ونظرة احترام بين الزوجين تتلاشى الفوارق
وعندي بعض النصائح للعروسة :
ياليت دائما تحسسية برجولته وحسن رأيه واحترامك له
لاتنظرين له انه اقل منك خبرة وفهم ولاتحسسيه بالفرق .
عند المناقشة واخذ الأراء لا تحتقري رأيه حتى ولولم يكن مناسب بل ايديه ثم اطرحي رأيك بكل تواضع
بيني لة أنك محتاجة له ولاتستطيعين عمل شيء بون مشورته.
حسسيه دائما انه كبير بعقله ورجولته
ودائما تلعب الزوجة في حياةالرجل دور (الأم والأخت والصديقة والحبيبة والبنت ووووو ) بغض النظر عن فرق السن
ولا تنسي نصيحة الإعرابية لإبنتها( كوني له أمة يكون لك عبدا)

الصراحه الفرق كبير بعمرهم الحالي

لو كان 30 و هي 35 مو مشكلة .. لكن 21 بشكل عام الولد صغييير
يعني لو انا عمري 20 سنه و خطبني شاب عمره 21 بفكر ألف مره لأن هالعمر بوقتنا الحالي ما يتحملون المسؤولية و يبون الزواج حق الوناسه

طبعا مو الكل لكن الأغلبية .. النضج بوقتنا الحاضر اييهم متأخر

المشكلة مو بفرق السن لكن بالسن نفسه .. عمرها 26 سنه ناضجه و فاهمه و اهو 21 توه ما شاف الدنيا

ماعرف البنت ولا أعرف الزوج .. انا كلامي بشكل عام و اذا كانوا متفقين و مستواهم الفكري واحد أكيد اهمه ادرى بمصلحتهم

:)

فرق العمر مب معناته ان الزواج أكيد بيفشل
المشاكل تستوي بين اغلب الازواج بغض
النظر عن العمر.....

أغلب المتزوجات اللي يحطن مشاكلهن
ويا رياييلهن في المنتدى أزواجهن أكبر عنهن
يعني العمر مب ضمان حق السعادة

انا شخصيا اعرف 2 متزوجات وكل وحده أكبر عن
ريلها بسبع سنين بس ولا وحدة تشكت من ريلها
وقالت ان عايرها..........وفي وحده أكبر عن
ريلها بسنتين بس........وريلها مبين للناس انه
متكرم عليها عشانها اكبر عنه
وواحد من اهلي عرس وعمره تقريبا 17 سنه
وماشاءالله عليه متحمل مسؤولية بيته

حبيبتي الريال بأخلاقه..............لو الريال خربان
لا تتوقعين الخير منه مهما كان عمره

هي ليش وافقت من البداية؟ اكيد هي او حد
من اهلها شافوا انه ممكن يتحمل المسؤولية
وعشان جيه أمنوه على بنتهم..

ربيعتج ممكن ريلها يعايرها لو هي أهملت عمرها
عقب العرس أو العيال...........يعني لا تهتم برشاقتها
ولا تتعدل ولا تهتم ببشرتها........معروف ان الوزن
الزايد والتجاعيد تضيف عمر فوق عمر الوحده....
خليها تحافظ على رشاقتها وبشرتها وزينتها

وفي شي مهم
لا تعامله أبدا على اساس انه اصغر عنها وما تهتم برايه

ولا تذكر دوم جدامه انها أكبر عنه (ممكن يبتدي يفكر في
هالشي لين ما يقنع عمره انه لازم ياخذ وحده ثانيه اصغر
عنه او يفكر انه ظلم عمره) ترا الحرمة ساعات تكون
حنانه وممكن تثبت في باله فكرة فرق العمر

ولو بعدها خايفة خليها تصلي الاستخارة لين الله
اييسر لها أمرها.........

الله يوفقها ويوفقج

الفرق مو كبير بس عن تجربه من اقرب الناس لي اخوي واختى لا بد يوم يتكلم عن هذا يوم من الايام ولوغشمره

يعني لازم بعلق مع الايام - الله يوفقهم بس اذا تحبه تتقبل الامر عادي ما كنها سمعت شي

اختى الغاليه بقولك عن شى حدث لنا وواقعى

اخوى تقريبا كان بنفس العمر 21 او 22 وقرر يتزوج باكبر منه تقريبا 4 او 5 سنوات لا وبعد مطلقه

طبعا هلى رفضو ووقفو له وقفه عدله بدون فايده يحبها ويبها وتزوجها واليوم وبعد مرور 7 سنوات على زواجهم

صدقينى انها من اقرب الناس لنا وطيوبه وتحافظ على بيتها وعيالها واخوى لسه يموووووت فيها رغم انها تبان اكبر منه

وهى محافظه على نفسها قدر ماتقدر لكن اخوى وسيم بزياده وشكله اصغر من سنه رغم هذا مايشوف بالدنيا غيرها ...

والسالفه مو سالفه يبى احد يعوظه حنان الام لان امى الله يخليها لنا ماقصرت عنا بالحنان والحب

هذى قصه مرينا بها واتمنى تستفيد منها صديقتك وتتصرف بذكاء وتمتلك قلب زوجها ومارح يشوف غيرها حتى لو هى اكبر

تسلمون على ابداء الري

الزوج من اهلها

وهو مقتنع بها كزوجه ومقتنع بفرق السن

مادام انها محتاره ومتوتره وخايفه من المستقبل

لا توافق

والتوفيق من الله سبحانه وتعالى

فرق السن مش مشكله فى الزواج بس الفرق ده كبير 5سنين كبير يعنى لو سنه 2 ممكن انما 5صعب وكمان اكيد هتحس بلفرق بس مش دلوات وهو كمان لان المراه من المعروف بتكبر بسرعه عن الراجل وبيبان عليها

[move=right][move=left]واووو بصراحه فرق السن بينهم جداً كبير خصوصاً انه توه صغير ومابعد اكتمل عقله
ولو تزوجو بيعيش معاها اول سنتين حلوه بعدين بيقعد يعايرها بفرق السن اللي بينهم
ويتحجج اذا سوا اشياء غلط بانه متزوج وحده كبر امه
نصيحه قولي لصديقتك ماتخذه وتنتظر واحد اكبر منها او كبرها احسن
من شاب صغير وللحين بفترة مراهقه وبصراحه سنه مو سن زواج[/move][/move]

هلا خواتي مشكورات على ابداء الرأي صديقتي تزوجت اللي اصغر عنها وبصراحه مثل ما اشوف عايشه في نعيم وتقول انه زوجها ميت فيها ومدلعنها ومشاء الله الله رزقهم بولد كيوت الله يهنيهم وانا اقتنعت انه فرق السن مب مهم


ومشكورات على المرور