ممكن مساعدة ؟؟؟ من كل اللي يستخدم باراشوت

والله اني ودي أفيدك بس ماعندي أي معلومه.......



بأستفسر وعسا ألقى لك الي تبينه........

السلام عليكم ..

البراشوت علبته لونها أزرق ..

وفي اعتقد نوع جديد مكتوب عليه برشوت الذهبي كمان لونه أزرق ..

شوفي الغلا براشوت اوكي وريحته وايد حلوة .... وانا جربت الازرق

بس العلة اللي خلتني اودره ..... انه يوم اتحطين في شعرج ويتم يومين .... يالله عاد تعالي شوفي .... جنج مب غاسلة شعرج

يكون في شعرج شرات القشره .... مادري كيف اوصف لج ..... بس انتي لو تبينه جربي ....عقب طالعي المشط ....هههههههههه

بس انا قريت لام سعيدة موضوع عن كريم للشعر اسمه بالمرز ..... وصدق عجيب .... والحين استخدمه ووايد مرتاحة عليه .... انا خذت

اللي بالجوز .... ولونه ابيض ..... وريحته هو بعد حلوة .....

والله يوفقج انج اتحصلين الكريم اللي يناسب شعرج ..... وسموحة عالاطالة الغلا

السلام عليكم ورحمة الله وبركاته



سبحانك اللهم لا اله الا انت استقفرك واتوب اليك



u عزيزتي دام ان شعرج جاف فاستخدمي باراشوت الازرق..
اي نوع منه.. المهم هو ازرق وعليه رسمت جوز الهند اذا ما كنت غلطانه.. وريحته جوز الهند..

والاخوات كفو ووفو في الرد عليج..



تسلمين حبيبتي rose2006 على التوقيع الطيب كثيرا

أنا استخدم باراشوت الازرق بصراحة رووووووعــة

براشوت يجي منه اتواع بعض العلب مالته تكون بلاستيك وهي الي مسويه ريحه فيه ..

انا قالت لي بشكارتنا ان براشوت العبه الحديد ما تكون ريحته مثل العلبه البلاستيك ..

جربي وشوفي.. وعلى فكره احسن نوع هو الازرق ..وفيه نوع ثاني هو cbc وهو نوع من انواع براشوت ..

استخدميه وااااايد زييين ..

تسلمون ع ... الردود ........ والمساعدة الحلو

:up:

ياحبيبتي الباراشوت كله على بعضه حلو مافي شي مب حلوفيه وأصلاُباراشوت صناعة هندية لو تكوني عارفة شعور الهنود كيف كان ماترددتي

للرفع

براشوت الكريم اللي غطاه لونها ازرق
طبعا هذا اللي انا استخدمه وتمام

إذا كان شعرج مصبوغ في نوع جديد توه نازل حق راشوت واستخدمته وايد زين وهو لون مغطاته اخضر زيتي ومكتوب علية حق الشعر المصبوغ والتالف

تسلمون حبايبي ع المساعدة الحلوه ... والله يجازيكم بكل خيـــر :smile:

وطبــعا بعد الافادة انا ع طوووووول رحت الجمعية .. واشتريت باراشوت الذهبي ... واستخدمته ... احطة بساعة قبل لا أغسل شعري

وصراحة جزاكم الله اللف اللف خير ... لانه دصق فعلا رائع .. انا شعري وايد دهني ومصبوغ واطرافة جافة ... وصراحة وايد شعري احس تحسن 3 مرات استخدمته .. وطبعا اكيد بستمر علية ... استويت اقدر حتى افتحة ف البيت قبل كنت استحي افتحة احس انه شكلي جنه الكهرباه مسكتني:dd:

بارشوت جدا ممتاز

بالتوفيق وعقبال ماتصك شعورنا على شعور الهنديات _________ ( بالمشمش )

أنا استخدمت باراشون الأزرق و هو مكون من زيت جوز الهند نقى 100%
و ليس مضاف عليه أي نوع زيت تاني
و شكله مجمد أو متماسك قليل و هذا لأنني أردت استخدام زيت جوز الهند مع الخلطة الهندية ( زيت جوز الهند + زيت الخروع + زيت الوز الحلو + زين Anoop ) بكميات متساوية
بصراحة أنا استخدمت مرة واحد هو كويس و لكن حتى اعطي رأي صائب لابد من تجربته لمدة شهر

ZeNa New LQQK

السلام عليكم ورحمة اللة وبركاتة

اولا اريد اعرف هل زيت البارشوت موجود في مصر وما شكلة .. لو واحدة عندها صورة تضعها


اريد انقل لكم شيء مهم جدا ...وهو ان زيت البارشوت مع محلب مطحون ....يجعل شعرك حرير
( منقول ...والله اعلم)