بنااااااات الإمارات ,,الموضوع يخصكم ^__^

تبين اتعرفين السبب لان اضني من شهرين او بنفسي قريت الموضوع فالجريده كانوا حاطينه في جريدة البيان اول صفحه بعد..

انا سمحوا المواطنه تزوج واااافد بس بشرط اتكون في محاكم الامارات يعني عادي ما فيها شي...ومشالله بناتنا ما قصرواا ههههه

يالله الحمدالله هذا النصيب انكتب

بس عن اذا اتقدملي انا الصراحه ما اروم اخذ وافد عيال البلاد يالله يالله تتعبين وراهم لين ما ترضينهم وين الي من برع

تخيلي عاد

ليش خلصو شباب بلادنا؟؟؟؟؟؟!!!!!!



بس ...الصراحة اتصير....




يعني مب حلوة .....احس ما يركب ..



ما اتخيل بعد..


اخذ حد يكون مب ولد البلاد..


ما يعرفون عاداتنا و تقاليدنا ...تكون غير



لاااااااااااااااااااااااااااااااااااااا .....مستحيل....لاااااااااااااااااااااااااااااا

:think::no::think::no::think::no:

مشكوووووره على الرد حبوبه .. كنت بعطيج جالكسي دامج أول وحده اتردين على موضوعي بس دبي بعيده مافينيه حيل ^__^:bigsmile:

ليش انا اول وحده الي رديت انا ابا جلكسي شووو سالفه ليكون الي اكتبه ما يبين؟؟؟؟؟؟؟؟؟

الأخت مريومه القطوه .. مشكوره على المشاركه .. اما سالفة انه ما يعرف العادات و التقاليد تراج اخر شي بتطيرين وياه لبلاده .. يعني انتي اللي لازم تتعلمين عاداته و تقاليد الحينه .. انزين الريال اشحقه خله بنات بلاده و خذج انتي ؟؟ انا أبى أقول ان القضية من طرفين .. انتي و هو . و سلامتج حبوبه ^__^

الأخت عروس الموج :حبوبه انتي اول وحده اترد بس انا نسيت احط اسمج في الرد ^__^

رغم اني متزوجة

بس من رايي اذا خليجي مب مشكلة بس وافد وايد صعبة

خلنا من الاهل مثل ما تقول

بس في حاله الخليجي


عيالي ان شاء اللهراح يحصلون مستقبل
بس الوافد روحه شارد من بلاده ( قصدي الفقر ) وياي ايمع فلوس في بلادنا بما انه الرواتب عندنا عاليه بالنسبة لهم

واهم شي طبعا الجواز

الخليجيين ما عليهم زود مرتاحين بما انهم مواطنين في بلادهم

بسالوافدين حتى في بلادهم متلعوزين

هذا بالنسبة لرايي

المفروض الوحدة تفكر في المستقبل

يعني لا قدر الله ما توفقو ورجعت لاهلها كيف بيعيشون عيالها في بلاد غريبة لهم

lura :وجهة نظر منطقية !! .. اشكرج على الرد حبوبه

شاشوا شكيت اتحرا الكلام الي اكتبه محد يشووفه هههههه

هههههههههههههههههههههههه .. ترا محد غيرج من أهل دبي رد عليه .. يعني مفهووووومه من دون ما احط اسمج

ختيه Cute_Barbie

اشكرج على طرح مثل هالمواضيع اللي اكيد انه كل وحدة منا شافت هالحالة يا عندهم في الاسرة او حد من ربيعاتها او معارفها



بخبرج عن شغله ختيه قبل لا اجاوبج انتي قلتي انه ممكن انه يكون عربي والعربي معناه مسلم ، والمسلم يزوج اذا كان من تروض دينه ، لكن من جهة اخرى فان شبابنا المواطنين معظمهم يرون ان المواطنه يجب ان تسحب منها الجنسية في حال زواجها من رجل غير مواطن ولا يستحق ابناءها الجنسية الاماراتية ، متناسين انه المواطن وان تزوج من كائن فضائي يتحق لها الجنسية لها ولابناءها وان طلقت او ترملت .


بالنسبة للخليجي فقد تناسي معظم المسؤليين بان الخليج عبارة عن قبائل واحدة تفرقت عشائر وفخوذ منها في دول الخليج ومن النادر جدا ان تجد قبيلة في دولة خليجية لا توجد لها اصول او فروع في الدول الاخرى فالمسألة مسالة انساب والمفترض من مجلس دول التعاون التعامل مع هذه المسالةبمرونه وسلاسة اكبر




اختي اسمحيلي اذا طولت عليج ولكن اذا بغينا نتخذ قرار بشأن مسالة مثل اللي طرحتيها فيجب ان ننظر اليها من جميع الجوانب ، ليتم في النهاية اتخاذ القرار المناسب .


بالنسبة للجانب الشخصي للفتاة اللي يتقدملها شاب خليجي او عربي فعليها ان تعرف تمام المعرفة بان تضحي تضحية يجب ان تفكر فيها جيدا وعلى المدى البعيد ، فليس امامها الا ....

تضحية (1)

تذهب الى بلد الزوج وتعيش هناك بعيده عن اهلها واماراتها وصديقاتها وطفولتها مبتدئة حياة جديدة وتضع في اعتبارها مسالة التأقلم مع هذه البلاد واهلها ومحيط زوجها .


تضحية (2)

تتزوج المواطنة من هذا الشاب وتقيم واياه في الامارات واضعة في اعتبارها انها في حالة عمل زوجها فانه سيعامل كوافد وبالتالي فان الراتب يختلف عن راتب المواطن وبالتالي قد تتضرين الى العمل ليس للمتعة والتسلية ولكن للضعف المورد المادي وهو حال معظم المواطنات اللائي تزوجن من وافد خليجي او عربي الا ما ندر

تضحية (3)

في حال وجود المورد المادي الجيد والاقامة في ارض الوطن الغالي فانه يجبا لاخذ بالاعتبار بان ابناءك سيعاملون معاملة الوافدين فلا يحق لهم ما يحق لاناء خالاتهم او باقي افراد العائلة من جهة الام ولا يتم اشراكهم في التربية العسكرية او المناسبات الوطنية او كليات وجامعات الدولة الحكومية الا جامعة الامارات وبالتالي اخذ الاعتبار تامين الجاني المادي لهم للمستقبل .
هذا غير مراعاتهم مراعاة نفسية لما سيلاقونه من تفرقة تؤثر في نفوسهم ونفس المواطنة التي ستحس في هذه الحالة كانها غريبة وهي في وطنها .


فديتج انا مكانج ما راح اوافق الا اذا كان هذا اخر الحلول بالنسبة لي

رايت من اهلي وصديقاتي ما يجعلني افكر الف مرة قبل القدوم على هذه الخطوة وهن يعانين اشد المعاناة زهذه كله لوكان الزوج رجل طيب ويساعدها فما بالك اذا كان مهملك واولادك

والسموجة على الاطالة

amal777 :ماشاء الله عليج ختيه كفيتي ووفيتي ,, يعطيج الف عافية على الرد

انا مااقدر استحمل الغربه

وطبعا غير موافقه

وشووو بعد ,,,,,,, اللحين الناس مايرحمون وماراح يرحمون عيالنا من التعليقات ونظرات الاستحقار او الاهانة التي
راح تنهال عليهم من كل صوب خاصة في المدراس وهالشيء راح ياثر في نفسيتهم ونفسية امهم وابوهم

اللحين ناس تاخذ من قبايل ثانيه غير قبائلهم ينظرون لهم غير ويطنزون عليهم خاصة لو كانت القبيله ادنى القبائل بالنسبه للاخرين
بالرغم انهم قبائل عربيه

الله يهدي الجميع

ما اشووف فيها شي انا اعد الخليج اخوان لنا غير هذا في عايلتنا صايره وايد ف عادي اهم شي اخلاق الولد و دينه

ماشالله البنات كفوا ووفوا
وانا مع amal777 فكلامها،،،
من الي نشوفه الصراحه قمنا انخاف،، على الاقل لو ارتبطت فواحد مواطن ولاسمح الله صارت مشاكل بكون بين هلي وناسي،، لكن لو واحد وافد او حتى خليجي بتغربل وياه انا وعيالي،،
الزواج يعني مستقبل،، والوحده لازم اتفكر مليون مره منو بيكون شريك حياتها،،

مشكوووورات اخواتي على الرد

:mad2::no::mad2:

الاخت شمبوعه : اشعندج معصبه !! ريلاكس ريلاكس :smile:

احنا العيم والبلوش ... الي ساكنين معانا وبينا عيش وملح مثل ما يقولن ... في بنات ما يرضون يتزوجونهم

كيف بياخذون واحد من برع الامارات ...

؟؟؟؟؟