جلساتك مع زوجك في ماذا تقضونها

والله موضوعج أكثرمن رائع

بس تعرفين ها مشكلتي أنا بعد والشيء الوحيد اللي أسويه أيلس معاه مع العيال أو أطالع مباريات يعني السالفة (boring)

حبيبتي ارنوبة الفريج الله يعطيك العافية على الرد اشكرك كثير على مشاركتك وبالفعل انا بعد متمللة وفكرت انزل هذا الموضوع عشان كل وحدة تشارك بافكارها لكن تفاجات مافي افكار لين الحين يعني شو الكل متملل وقاعد قدام التلفزيون والسلام لازم كل وحدة تفكر من الحين كيف تكسر الملل قبل مايكسره ازواجكم ويطلعون عنكم ويمكن مايردون

وعني زوجي يرجع بلليل من الشغل وبكون تعبان يشوف تلفزيون ويتعشى وينام واحيانا نتكلم عن بعض المواضيع ككل بس مرات افكر نلعب بس يقول لا انا تعبان ولا يكون وراه شغل لازم يخلصه بالبيت
افكر نلعب شي مثلا بلاي ستاشن كانه اطفال هههههههههه او ورقة او اونو تصدقوا كل مرة نجيبهم يشقهم ويضيعهم ولدي الصغير ولا نلحق نلعب لعبة وحدة وجبنا شطرنج وطاولة و ضلت كانها تحفة لالعبنا ولا شي والاخير بعد ضيعها ولدي

يالله انتظر مشاركاتكم وخبرونا عن الوضع معاكم

انا بقولكم شسوي مع زوجي باوقات الفراغ بس مو تنقدون او اطيح من عينكم الحمدالله اني اشترك مع زوجي بصفة الخبال(يعني كل شي عندنا عادي وما نستغرب من بعض شي) يعني مرات نقلد بعض بالكلام او بالزعل زوجي يقلدني لما اكون زعلانة او بطلب منه طلب وانا اقلده لما يكون معصب او لما يستخف دمه وعن اللعب مرات ناخذ البلي ستيشن مالت ولد اخوه ونلعب فيها او نتحاذف بالمخاد وعن لعبتنا سرية اللي اول مرة اصرح عنها وقتهه في الشتا نلبس دلاغات (جوارب) ونتزحلق علي سيراميك الصالة مرة يسحبني ومرة انا اللي حبيت اقولة لج ولكل وحدة انها تكون عفوية وتتقبل كل شي وهم تقول لزوجها يكون جذي وبعدين بتلاقي الوقت يروح بسرعة يعني احنا نبتدي مرات ساعة 11 فجاة تصير 3 الفجر وباجر ورانا دوام

ههههههههههههههههههه امشي وقتي انا بالضررررب لا امزح يعني مررررات اشربه الشششششششششاي غصب ونضحك ومره اعانده انا وحده احب العناد ومرااااااات اقعد ارقص اذا جت اي اغنيه في التلفزيون حتى لو كاااااااااااانت دعايه مراااااااات كل واحد يطق ظهر الثاني ههههههه بس مو يكسره ووووووووووووو اشياء كثيره ممكن تكسرين فيها الملل .............. وبس ثااااانكس على اتاحة الفرصه

ما شاء الله انا ملقوفه مالي زوج علشان احكي

حبيبتي وردة العتبان الله يعطيك العافية على الرد ماشاء الله عليكم الله يديمها عليكم هالوناسه انشاالله وعقبالنا لما نتخبل مثلك بصراحه ضحكتيني من قلبي باين ان طبايعكم متشابهه وعالعموم مشكورة على الافكار الجنان

حبيبتي سحر 2005 الله يعطيكم العافية بعد ضحكتيني من قلبي والله باين عليكم بعد طبايعكم متشابهه مرة انا وزوجي تضاربنا بمزاح ووصلت المطبخ وفرغنا غرش الماي بس هو سبحني من شعري لاخمص قدمي وتميت ارجف لانه كان شتا وانا مغتااااااضة ماقدرت اغلبه وتسلمين لي على الافكار خاصة الرقص على الدعايات انا العكس زوجي اللي يقوم على الدعايات خاصة دعاية سانسلك هههههههوانا اضحك والاولاد


عروسة مصر مامشكلة نحن السابقون وانتم اللاحقون انشاءالله


يالله بعد نبى افكار

الحياه الزوجيه مو كلها ليالي رومانسيه و كلام حب

انا بنظري تقاسم الحياه يعني نتقاسم كل شي ،، يعني لو في شغلات تهمنا احنا الاثنين ممكن نتكلم فيها ،، او حتى لو هو شي يهمه اسمعه او هو يسمعني لو الموضوع يهمني ..

انا و زوجي متقاربين جداً في الهوايات و المزاج و الاشياء اللي نحبها ..

يعني نلاقي اشياء وايد نسويها ،، نلعب psp ،، نكون قاريين نفس الكتاب و نناقش بعض باللي قريناه ..

احياناً نسوي مسابقات ثقافيه ،، غالباً هو اللي يسأل وانا اللي اجاوب ..

احيان يدرسني لو في شغله مو فاهمتها ،، ونتساعد في الدراسه ..

نقعد مع بعض على النت ننزل برامج و ثيمات ونغمات للموبايل

نطبخ مع بعض احياناً .. و كل يوم والثاني نخترع وصفه جديده للكوفي

بما ان احنا الاثنين مدمنين كوفي

والحين مع اول ولد بعد ممكن نلاقي شغلات نسويها مع بعض

نتساعد في تحميم خالد ،، او تجهيز له وجبته

وايد اشياء ممكن نسويها ،، بس تختلف على حسب اختالف ميول الزوجين و اهتماماتهم

وردة العتبان الله يرجك هههههههههههههههههههههههههههههههههههههههههههههههههه
ضحكتيني عن جد كله ولا سالفة السيراميك ههههههههههههههههههههههه
الله لايغير عليكم يارب
انا للحين ماتزوجت اذا تزوجت قلت لكم وش اسوي
اتوقع تصرفاتي بتكون عالفطره العن من تصرفااات وردة العتبان خصوصا اني احب الهبال

الله يعيني آنا ريلي من النوع اللي ما يتكلم ولا يسولف ولا ينطق غير الصراخ على اليهال يعنيمن تزوجت للحين ما أذكر انه سولف معاي غبر مرة أو مرتين

هذا طبعه من النوع اللي ما يتكلم الا بالشديد القوي يعني ما عندي شي اسويه وياه ...... على فكرة ريلي ما يرجع البيت قبل الساعة واحد الفجر وانا بسابع

نومة .........خخخخخخخخخخخخخخخخ:dd::dd::dd::dd::dd::dd:

حبيبتي Marshmallows اشكرك كثييييييييييييير غلى مشاركتك معانا الموضوع ومشكورة اكثر على الافكار الرائعة ويعطيك العافية

حبيبتي نواره هلا فيك وبمشاركتك لنا الموضوع وعسى انكم اللاحقون انشاءالله وتلاقي زوج مثلك يحب الخبال..يعطيك العافيه

حبيبتي منال الكويت مشكورة على مشاركتك معانا بس اكيد في فرق سن كبير مابينكم ولا طبايعكم متضادة والله يعينك كيف مستحملة لو غيرك كان احتجوا على هذا الوضع انا عن نفسي مستحيل اتحمل
بس ليش ماحاولت تغيريه ولا تشوفي حل ولا كلميه في الموضوع ويمكن هو ما يتحمل فوضة الصغار حاولي تنوميهم بدري وفاجئيه ببعض التغييرات عسى الله يغيره لش مثل ماتحبين
والله يوفقكم

أما انه زوجي الحمد لله والشكر يحب بس المباريات واذا تمللت فريت التلفزيون على اي برنامج اخر صدقيني نتهاوش ونتخاصم بس لأن غيرت عن المباراه فهذي برنامجي اذا تمللت

عزيزتي الغالية22 مشكورة والله على الرد بس انا ماقدر اسوي مثلك زوجي بيخليني قاعدة ويروح ينام بس احيانا افر بسرعه واضحك واشوف شكله اذا عفس رجعته له القناه وهكذا ويتضايق شويه بس شسوي اتملل
تسلمين على مشاركتك

عزيزاتي
ليش ما في تفاعل الموضوع ليش يعني تبخلون بكلمات في موضوع اعتبره مهم

خلاص فقدت الامل فيكم يابنات عروس

عروس المحيط

هلابك

وشكرا على طرحك للموضوع الشيق

والله يدوم المحبة والسعادة بين كل زوجين

انا بعدني مالكه بس اريد اعرف تجاربكم عشان اسويها

عجبتني اكثر شي التزحلق شكلي بسويها بس اخاف ريلي يقول هاذي تخبلت

qa6wa99:
انا بعدني مالكه بس اريد اعرف تجاربكم عشان اسويها

عجبتني اكثر شي التزحلق شكلي بسويها بس اخاف ريلي يقول هاذي تخبلت

ليش لا حبيبتي انا مو احسن منج وما عليج منزوجج والله اذا شافج ماخذه راحتج اهو بيتجرا معاج وموفقة

أما أنا من كثر ماأبغى أبعد عن غضبه الدائم نجلس مع بعض بصمت ممكن يطول ساعات ولو تقطين الابره تسمعينها علما ان احنا من زمان كنا نتضارب ونلحق بعضنا ويغطيني ببخاخات العيال مالة أعياد الميلاد وممكن كنا نخيم بعد نوم العيال في الحوش ونتشاقى مرررررة وانتوا فاهمين طبعا:o:o:o لكن هذا على قولتهم زمان مضى وولى وليته يرجع