زواج علي البلاط !!!!

عليكم السلام و الرحمه

بقول راي و بكل صراحه

لو كنت مكان البنت عادي بقبل بحفله صغيره لأنه هالفرحه فرحتنا في الأول و الأخير

لكن إني أعيش في شقه مافيها أثاث صعبه إشوي...

بعطيه فرصه إنها يحاول يمع فلوس و أطول المده لحد ما يصير الزواج لكن مافي أثاث ما أقبل ...

الصراحه لو هذا الشخص بيتملي حنووون وياخف عليه وبيحطني في عيونه .... انا اول انسانه اتةافق عليه .بس خوفي انه يحصل فلوووس ويتغير وهالمشكله
لاني انا ما تهمني الفلوووس الفولس اتروح وترد بس اهم شي اخلاق الشخص وعطفه وحنيبته عليه...

يعني والله صعبه

الوحدة منا تكون مستعده اتضحي بعرسها عشان ما تكلف على الريال اوكي ..

لكن العيشه في بيت بدون اثاث صعبه ..

خاطري اعرف اهلها واهله شرايهم ؟؟

يعني معقوله مافي مساعدات مني مناك حتى لو بشراء غرفة نوم ؟؟؟

احس لو سووا همه ويتساعدون الاهل عشان سعاده عيالهم بيسوون هالشي..

ونقطه اخيره اشجع فيها البنت .. انه اذا الريال صدق بيصونها وبيحاول جاهد انه يأثث البيت مب مشكله وبتكون كبيرة في عينه

خلها تستخير وتشوف يمكن ربج يرزقهم :)

الصراحة راح افكر وايد لانه هذا اولا زواج وبعدين اوافق واييب منه عيال وين بعيشهم صعب يعيشون بهاي الطريقة والمصاريف راح تزيد علينا أفضل شي انها تعطيه فرصة إنه يعدل من وضعه العقل يقول جذي ياجلون الموضوع شوي ويسوون خطوبة بس واريد اسأل وين دور الاهل هم ما يعرفون شي عن السالفة؟؟؟؟

ما ادري اختي احترت هل انصحها او اكتب وجهة نظري في الموضوع

المهم انا عن نفسي مستحيل افكر اعيش بهالطريقة لان التكافئ الاجتماعي والمادي ضروري بين الزوجين ... ما أتخيل نفسي اطلع من بيت اهلي اللي عشت فيه بمستوى معيشي معين طول عمري الى مستوى اقل بكثير !!!!

فيه مقولة تقول (( اذا دخل الفقر من الباب ... خرج الحب من الشباك )) يعني الحب صحيح يخلي الواحد يحتار في البداية ويفكر ان الدنيا كلها بتكون حلوة والحياة مو صعبة بوجود الحب ... لكن ما احد يقدر ينكر ان المادة مهمة هاليومين

شلون يعيشون ؟؟ شلون هي تحس انها ساكنة بيت اذا ماكان قادر يوفر لها ابسط سبل الراحة فيه حتى لو كان اثاث بسيط وعلى قده ؟؟

على الاقل يوفر الاساسيات غرفة نوم وغرفة جلوس والمطبخ والحمام وانتوا بكرامة ... بس على مرتبة بس !!! صعبة كثيـــــــــــر

ليش ما يفكر يشتغل شغلة ثانية حتى لو بسيطة ويحط لنفسه هدف مثلا خلال سنتين انه يحسن حالته المادية ... تخيلي انهم تزوجوا بحفلة بسيطة ( وهذي ما عليها كلام لان الله لايكلف نفسا الا وسعها ) بعدين قرروا انهم يجيبون اولاد ... وين يعيشوهم وشلون ومصاريفهم !! وهي بعد لازم تفكر اذا الرجال عاجبها انها تساعده يعني تشتغل اذا تقدر حتى لو شي بسيط ومن البيت ... ليش الاهل مايساعدوهم على الاقل في التأثيث

الزواج مسؤولية كبيرة على الزوجين ومن وجهة نظري ان الانسان يفكر بالعقل والقلب اذا قرر يقدم على هالخطوة والحب مايأكل عيش صح ؟؟ واذا صارت الظروف بعدين صعبة ماراح يفكرون والله احنا نحب بعض وعادي ... مجرد وجهة نظر

الله يوفقها

الحفله مب مشكله بيمشي حالها ..
بس بدون أثاث ؟؟؟؟؟ ما تنبلع

يعني ممكن يستغنون عن شوي من كماليات الحفله و يأششون على الأقل غرفة النوم
يعني من رايي يوازنون المووضوع
و يمدون ريولهم على قد لحافهم
اللي عنده يوزعه بين الحفله و بين الشقه او على الاقل بس غرفة النوم

اذا هو مايقدر على اثاث الشقه

ماظن هلي بيقصرون^_^

بس الي اعرفه انه الواحد يوم يبا يعرس هله يساعدونه

مب معقوله كل العرس عليه بروحه


واذا كنت مكانها واحب الشخص الي باخذه عادي عنه ماشرا الاثاث

اهم شي انه يخاف الله فيني ^_^

بصراحه افضل انها اول شي تصلي استخاره
وبعدين ليه ماتنتظر هي لسه صغيره عشرين سنه المشوار قدامها طويل .... انا ماقول تتركه لالالالالالا انا اللي اقول لها تنتظر حتى يكون نفسه ولو بالقليل

والله يوفق المسلمين

بصراحه كانهم عايشين في كوكب منفرد :) يعني ابسط شي ما يقدر يطلب مساعده من اهله

ما يقدر على سلفيه بسيطه او معاونه من الحكومه اذا كان وضعه متردي لهاي الدرجه

ممكن اتعاطف وياه بس مااتوقع حياتنا بتستمر ... لو الله رزقنا بعيال و لو و لو ولو طرأت علينا ظروف كيف بتصرف وياه

لو كنت اشتغل و احسه يستاهل ممكن انا اتكفل بجزء من الموضوع

بس اتنازل عن كل شي ما اقدر

(( وجهة نظر ))

الله يرحم الحال ليش العجلة متى ما كون نفسه يتزوج وبعدين وين أهله بس يبون يزوجونه من غير ما يساعدونه ليش ما يقعد عندهم ويخفف من تكاليف العرس

المسكينة رضت بالعرس الصغير بس الشقة بلاط وما في راتب لالالالالالالالالالالالا صعبة شوي....................

بصراحة صعبه شوي وانا رائيي من راي الاخت RoOoOmy_M

وازيد على كلامها

بصراحة اذا حبها له وحبه لها بيخليهم يتزوجون بهالطريقة وبتضحي براحتها على حساب الحب ترا والله الحب بيروووح بسبب هالعيشة تدرون ليه ؟؟ لأنها بتتضايق دوم من العيشه هذي وبتتذمر وتبدا تتمشكل هي واياه بسبب العيشه وتبدا تبدا المشكلة تكبر وتصير فجوة بينهم الين تصير مشكلة مايحلها الا القانون

بتقولون ليه هالشاؤم !! بقول لكم والله هذي الدنيا شفنا فيها مثل هالحالات ويمكن الوحدة تجي وتقول انا احبه وبالطقاق بالعيشه اهم شئ الحب !!

طيب سؤال الحب مايبيله دافع عشان يعيش والا يموت ؟؟

يبيله دافع وقوي بعد

لأن مشكلة العيشه بتقرفها بيوم من الايام وبتتسبب بتدمير الحب وبتطلع منها خسرانه

خليها تصلي استخارة وانا بصراحة هذي وجهة نظري لأني متأكدة ان الحب بينطفي اذا كان مستوى المعيشي كذا وخصوصا اذا كانت بنت مافيها صبر

والله يوفقها وييسر لها الخير

صراحة لو اني بمكانها ما أوافق على هذا الزواج أبداً .. اذا الشخص اللي راح أرتبط فيه مايقدر يعيشني بالمستوى اللي معيشيني فيه أهلي ليه ارتبط فيه ؟؟؟!!!

لا تعتقد ان الحب يكفي وتقول اني احبه وراح اتحمل .. لا طبعا بتتحمل يوم والا شهر وبعدها بتمل ..

وخاصه انها صغيره يعني لسه الطريق قدامها طويل ..

تصلي استخاره وتعزم على القرار اللي تشوفه مناسب .. والله ييسر لها أمورها ويسدد لها خطاها ..

تحياتي ..

السلام عليكم ورحمة الله وبركاته



أختي الكريمة (De3LaT_7aBeBY)

شكرا لكِ على نقل هذه المشكلة وإللي طبعا راح يكون فيها إختلاف في وجهات النظر..

هي مشكلة صعبة وصعبة وايد بعد، بخصوص الحفلة الصغيرة ممكن الوحدة تتقبلها لكن بدون أثاث

أعتقد فيها مبالغة..يعني معقولة ما عنده أهل يساعدونه أو حتى أهلها؟؟

أنا جيه في بالي يمكن أنه قال لها جذي يبي يشوف شنو ردها!! بس يمكن أكون غلطانة

فعليها بالإستخارة، لا تبني حياتها على فرضيات وعلى لو ولو ... الإستخارة هي الحل

فالله سبحانه وتعالى أعلم منا بما هو خير لنا..

لازم تصلي إستخارة مرة ومرتين و3 ليما تحس براحة للزواج ..

وشي ثاني لازم تحط في بالها الآية الكريمة التالية:

((وَأَنكِحُوا الْأَيَامَى مِنكُمْ وَالصَّالِحِينَ مِنْ عِبَادِكُمْ وَإِمَائِكُمْ إِن يَكُونُوا فُقَرَاء يُغْنِهِمُ اللَّهُ مِن فَضْلِهِ وَاللَّهُ وَاسِعٌ عَلِيمٌ )) سورة النور - 32


والله يوفقها ويسر أمرها ويرشدها إلى إتخاذ القرار الصحيح


و السلام عليكم ورحمة الله وبركاته

saraha 3ajeeb rad al banat wo tarh al-mushkilah asasan. Ana awafeq anno men haq albent ennaha tatlub athath albayet. Ana tazzawajt men qabal 3 sanawat kan ma 3ende athath lelbayt wo hatta alan ma 3ende. zowje eshtaghal laken alfolos aledhafea erselha le akhawato. ehna sakneen fe London. ana adrus wo ashtaghel 3ashan awaffer 3ala nafsee. ahlu kullahum 3endahum boeoot helwa laken howwa ma 3endo hatha al ehsas fe enno ehassen men 3eshte. ana sabera bokra inshallah aghaleq derastee wo aser ashtare kul shay. a3taqed mushkelate akbar haytho anany estamarret ma3a 3 sanawat.3uthran 3ala aletala.

:think::think:
والله صعبة

خل اكون صادقه معاج
انا اذا كنت عايشه في نفس البيئه و الظروف بقبل الموضوع
لكن لو اني عايشه في دلع و كل شي اباه بيتحقق صدقيني حتى لو قبلت بيي يوم و بندم و بقول لين متى اتم انا عايشه جذي و انا بيت اهلي معززة مكرمة .. خاصه لو كان الزوج مب طموح وراح بيعيشني طول عمري على البلاط هذا بحد ذاته راح يدمرني و يحطمني


و انا اذكر مرة سمعت في برنامج ان الرسول صلى الله عليه و سلم وصى بشي من هذا بس للاسف ما اذكر الحديث ...

لان الحرمه ما تفكر في نفسها كثر ما تفكر في عيالها
باجر بتقول عيالي شو بلبسهم و ين بعيشهم لين متى بتم على البلاط لين ما اصير تحت البلاط


الناس يتفاوتون في مستوياتهم
و هذا مب فلم هندي بنت الغني تتزوج الدريول ولا الفقير المعدوم ... و يعيشون في سبات و نبات
ثاني شي الشخصيات تتفاوت في ناس عندهم صبر و تحمل و في ناس ما تبا تصبر و تنتظر


الله يسعد كل الناس و يوفقهم ..

السلام عليكم وحمة الله وبركاته .. أنا عن نفسي عندي صديقة تزوجت وعمرها 29 سنة من شخص مطلق وعنده بنت .. وكانت حالته المادية صعبة رغم أنها عايشة في بيت أهلها مدللة ومو ناقصها شي .. وتزوجت على أثاث قديم بسبب ظروفه .. وأهلها عملوا لها العرس علشان يفرحوا فيها .. وبعد سنتين زواج تحسنت أوضاعهم المادية شوي وأجر لها شقة وفرشها لها .. واهي الحمدلله حالتها ميسورة .. وأهم شي أنها تحبه وأهو يحبها رغم أن زواجهم تقليدي بس سبحان الله .. أشياء وايد مشتركة بينهم ولهم نفس الاهتمامات ونفس الاطباع . وراتبها على راتبه عايشين مستورين .
أهم شي الاستخارة " ماخاب من استشار .. وماندم من استخار "

شكرا لكم خواتى وانا سويت كوبي لكل الردود والبنت شافتهم واستانست وايد من ردودكم ودعت لكل وحده فيكم .... ولكن اهي حابه تضيف كم معلومه عشان تكونون فاهمين الموضوع عدل .... بعد ما ارتاحت لكم حبت انهاا تعطيكم التفاصيل الدقيقه عشان تساعدونها ولوو بالدعاء...

اهي موظفه ومعاشها مو قوي ولا ضعيف ولكن متوسط زين .... واهي شهادتهاا كبيره واجنبيه يعني شهادتهاا قويه ....
اهي حاولت بكل الطرق انهاا تساعده وحاولت تعطيه فلوس بدون ما يعرف انه هالفلوس منها ولكن فشلت ...
اهو ما يرضى انه ياخذ ولا فلس احمر منهاا .... يقول انا الريال وانا الي اتحمل المسؤوليه انتي معاشج لج بروحج ... انتي ما درستي وتعبتي عشان الاخر انا اجي اخذه .... فاهو رافض مساعدتهاا من ناحيه الفلوس .... اهله الحمدالله ناس متوسطين المعيشه ولكن اهم ساعدوه بالمعقول وفروله المهر والشبكه والحفله الصغيره الي بتصير ببيت المعرس....
البيت والاجار اهو يبي يطلع بروحه معاها بشقه عشان ما يبي حريم اخوانه يتسلطون عليها او يجروحونها يعني خايفه علي مشاعرهاا وحاسب لها الف حساب ولله الحمد...
هو طيب وحنون واخلاق عاليه ولكن المعيشه صعبه .... اهو يشتغل شغلين في اليوم وماهو قادر يلحق علي المصاريف كافي انه الدنيا صارت غاليه كاجار واكل وبانزين سياره .....


انا فكرت في الموضوع وقلت بعد ماراح افكر بقلبي وانسى عقلي ... اهي وايد مايله له لانه كل مواقفه زينه معاهاا ولكن بعد العيشه صعبه ونفس ماقالت الاخت اذا حضر الفقر من الباب قفزالحب من الشباك ...

شنو رايكم الحين ؟؟

إذا تحبه وايد بتقبل انها تنام في عش مب في الارض .. بس إذا تقدر خليها تعطيه فرصة على الاقل غرفة النوم..