زواج علي البلاط !!!!

انا اقوول على الاقل اهله يساعدونه في اثاث البيت ..مش معقووله مايبون يفرحون لولدهم ومابيعطونه شي كم بيكلف يعني تاثيث بسيط وخلااااااااااص

عموما تراها ووووووايد صعبه بالنسبه لي انا لاكن اذا هيه تباه وشارتنه تصبر على كل شي وتحط كل الامور هذي جدامها عشان باجر لا تتحسف على شي

هذا زواج مو لعب عيال يعني مو يوم ويومين العمر كله وبعدين يصير عندهم عيال ....

الله يووفقها

طيب خليها تتبرع تشتري غرفة النوم طالما اهي تبي تساعده وهو رافض وتقول له هدية من أمها أو أبوها أو أي أحد عشان تقفل الشر ومو ضروري تكون غالية

عندنا وايد محلات لبيع الاثاث بسعر معقول وحلو ومو غالي ........والله يهنيها ويسعدها.........

طيب قلنا من قبل تصلي صلاة استخاره وربي بيبين لها الامور ان شاء الله
خليها تصلي استخاره

السلام عليكم و رحمة الله و بركاته:

اذا البنت مقتنعه في زوجها و تحبه و مقدره ظروفها فانه بترضى بالي يقدر عليه.. ان شاء الله تتيسر اموره.. انا أعرف ناس اتزوجوا من غير عرس و غيره بس مجرد ملجه و فيه ناس ساكنين في غرفه وحده في البيت لكن قناعتهم و رضاهم بالي الله كاتبنه تكتب السعاده صدقيني.. الله يوفق صديقتج..

عزيزتي هي صغيره ولازم تفرح، العرس مو مشكله، لكن غرفة النوم هي المكان اللي البنت تحس فيه انهها عروس، وهو غرفة الحب والأحلام، اذا ما في غرفة نوم يعني ما رح يكون في مكان للحب في هذا البيت
من حقها أثاث البيت ولو بسيط.
انا لو مكانها راح اقول مو لازم نتزوج الآن، انتظري لحد م يصير قادر يجيب غرفة نوم ،وغرفه للضيوف بعد، وبعدين تزوجوا، انتي مش مضطره تقبلي بكل شي لدرجة ان حتى غرفة النوم ما يكون عندك، بعد كذا راح يصير عندك عيال، وساعتها راح تحسين بالضيق، اذا ما حسيتيه بأول الزواج، لكن نصيحتي،،،،، أجلي العرس ولو حتى اخذ منك سنه او اكثر، لانك لسه صغيره .
اجليه لحد ما تضمنين حياه تقدرين فيها المحافظه على حبك له .
وصلي استخاره واستغفري.
والسلام يا حلوه.

قول شي واحد


**** خذوهم فقراء يغنهم الله ****


سفيرة فوق العاده

انا من راي انها تصلي الاستخاره
وبعدين اذا ع العرس ما قلتا شئ بس انها تسكن في بيت ما فيه اثاث هذي وايد قويه الصراحه اوكي سكنت في البيت من دون اثاث وتقولين انه ما يقدر يشتري اثاث بعد العرس اكيد بتحمل وبتييب عيال من وين بيصرف عليهم وين بيسكنهم حبيبتي خلي صاحبة المشكله تفكر بعقلها لانه لو وافقت تعيش وياه ع هالمستوى واذا طلبت منه شئ عقب العرس صدقيني ما بينفذه لانه وايد ظروفه صعبه
انزين هو ليش مستعيل يرتب اموره وظروفه وبعدين يعرس وارد واقول من راي انها تصلي الاستخاره
الله يوفقها ان شاء الله في الدنيا والاخره

السلام عليكم

غاليتي اهلا ً بك و بصديقتك ِ

مشكلة حلها غير معقد أبدا ً

يجب عليها اولا ً أن تخبر زوجها بأنهما مقبلان على حياة معا ً ..، حياة يتشاطرانها بالحلوة و المره ..،

فلم لا يقبل منها فلسا ً أحمرا ً على حد قولها ؟

دعيها تقنعه بأن يأخذها ثم يعيديها ان تسنت له الأحوال

و على وصفها هو شاب خلوق ..، طيب ..، اخلاقه رفيعه ..، و حنون

و ان كانت تحبه فسوف تقبل بالعيش معه حتى في العراء ..!!

لكن يمكنهما جمع الأموال قليلا ً بالانتظار سنه على الاقل ..، بعدها شراء ما يلزمهما من اثاث لغرفة النوم المهمة لكل عروسين

يمكن ان تكون الغرفة صغيره و غير غاليه و بعدها تبديلها بأكبر ..،

يمكنهما ان يقترضا مبلغا ً من ذويهما ..، ان كانت حالتهما المعيشية جيدة

أما الحل الثاني :

أن تعش معه ببيت أبيه طالما يجمعان قدرا ً من الأموال يؤهلهما لفتح مسكن جديد من غير اي ايجار

وفقها الله و ارشدها للطريق المستقيم

لك ِ و لها أطيب تحيه

a witch

اذا البنت وافقت على هالشي بهاذا يدل على انها تحبه
لكن اذا هو راضي على هالشي، يعني هذا واضح ان البنت ابدا ما عندها قيمه للريال
اذا يحبها راح يقدرها على الاقل بغرفة نوم ب 2000
كيف الريال راضي ان يسكنها شي
البنت لازم تظمن حقها
نحن بزمن ما يعيش بالحب بس
لازم تبني مستقبلها نت اول ما تتزوج ولا راح تندم

[grade="00008B FF6347 008000 4B0082"]العزيزه دعلت حبيبي

اذا كانت البنت تحبه وشاريته في حلول جذريه ممكن تفكر فيها على الاقل شويه تساعدهم مثل ليش مايسكن في بيت ابوه ويخلي المبلغ اللي يدفعه للايجار ينفعه في المصروف الحين اغلب الشباب المبتدئين يسكنون في بيت اهاليهم لين يكونون انفسهم وهاي شي مو غلط


تحياتي ...
زيــــن[/grade]

صعبه ....الله يعينهم .... انا لو مكانهااوافق على الزواج بدون حفله كبيره ... بس الشقة بدون اثاث ..... وووويد صعبه وما اعتقد نها بتكون سعيده لو وافقت ... الله اعلم بس احسن تستخير

اشكر لكل من رد علي هالموضوع وعطتنااا رايهااا شكرا لكم خواتي

انا سويت برنت لكل الردود الثانيه وبعد وريتهم للاخت صاحبه المشكله .. وانشالله الله يفرجها عليهاا وعلى كل المسلمين يارب


تحياتي