أيهما أفضل ؟ ؟ ؟ ؟

أمممممممم أبصراحه حلو أخفاء نوع الجنس الطفل ............ بس أنا فظوله بس أنا اعرف محد غيري عرف حتى زوجي لم يعرف لين ماولت وجبت البيبي.....:bigsmile:

اظهاره احلى..

عشان نعرف نكشخ الياهل ونختار الوان ثيابه صح ..

وما نصير محصورين في لون او اثنين :)

انا عن نفسي افضل اني اعرف جنس البيبي عشان اجهز نفسي من لبس لي وللبيبي ... مااقدر احصر نفسي بشراء بيج واصفروابيض مثلا !! وحتى لو فيه الوان ثانية حلو اشتري ملابس ومفارش وتجهيزات خاصة سواء كان البيبي بنت او ولد

بس اكيد ماراح اقول لأحد ابدا بس انا وزوجي ويمكن اقول لاختي عشان تساعدني في التسوق وبس !!

في حملي الأول بس أنا وأختي ألي عرفنا نوع البيبي لأن أختي تعرف لخياطة أغراض البيبي وأنا علمتها بأن البيبي ولد حتى يكون طقم البيبي كله أزرق ... وما علمت أحد ثاني حتي أخليها مفاجأة للجميع ... وأن شاء الله الحين إذا عرفت شنو فيني ما رايحة أعلم أحد غير أختي حتى تفصل لي أغراض البيبي ....

انا احب نكون انا و زوجي نعرف بجنس المولود و بس
و الباقين يوم الولاده

علشان نتجهز له عدل :)

انا بعد ان شاءالله الله يتمم علي ما بقول حق حد بس انا وريلي ، مع اني كنت رافضة فكرة اني اعرف جنس المولود قبل الولادة كنت اقول احلى يوم مفاجأة ، بس احينه فيني فضوووووووووووول عجييييييييييييب ابا اعرف عسب ازهب اغراضه من احينه

احب اعرف نوعة انا و زوجي و بس

انا ماكنت ابي اعرف جنس البيبي بس الفضول يذبح
فلما سالتني الدكتوره تبين تعرفين جنس المولود ؟ سكت افكر ثواني جان تقولي على طول :)

بس طلعت من عندها ولا علمت احد حتى زوجي كنت ابيها مفاجأه للكل بما فيهم انا .. يعني كنت ابي اخلص ولاده و اسالهم شنو يبت؟ :)

بس الموعد اللي بعدها دكتوره الاشعه كانت تشوف الجنين و من غير ما حد يسالها على طول قالت "ده ولد" انا ضحكت لان زوجي كان موجود و عرف